كتاب 12 قانون كونى للنجاح

انا معكي ام مسلمة ان شاء الله

المقدمه:
لمن كتبت هذا الكتاب؟؟
لقد الفت هذا الكتاب من اجل هؤلاء الذين يتحرون فعل الصواب فى حياتهم..
كل ماتحتاج اليه هو بضعه مفاهيم اساسيه.. بعض التحسين لعاداتك وادواتك.. و شخص او اثنان يساعدانك او يرشدانك على الطريق.. وهذه الاشياء سوف تقودك مع خبراتك وتجاربك المسبقه فى رحلتك نحو اهدافك التى تنشد تحقيقها..
كيف تستخدم ها الكتاب بقدر اكبر من الفاعليه..؟
حاول تنشيط مهارات الاستذكار والدراسه الخاصه بك..
ان اهم واول المهارات التى ينبغى عليك اكتسابها خلال رحله نجاحك هى مهاره الدراسه الفعاله.. فبدون هذه المهاره تجد بعض الطلاب المجدين ممن لايزالون على الطريق تنتابهم خيبه الامل والحباط نتيجه للمشقه التى يواجهونها فى القراءه والدراسه واستعاده المعلومات..
اسلوب الخطوات الخمس للاستذكار والدراسه:
1- الاستطلاع: قم سريعا باستطلاع الماده التى تهدف الى تعلمعا .. مر عليها مرورا سريعا ولاحظ نظام المعلومات والفهرس وجدول المحتويات والفصول ورؤس الموضوعات الفرغيع فى كل فصل
2- دون الاسئله التى تتوقع ان تجيب عنها فى هذه المواد
والغرض من هاتيت الخطوتين هو تحفيز عقلك لاستدعاء المعلومات التى تدرسها
3- القراءه الوافيه والشامله مع تدوين الملاحظات الموجزه والمفيده للمعلومات المهمه من حين لاخر..
اذا انتهيت من القراءه حدد ماذا كانت جميع اسئلتك تمت الاجابه عنها ام لا.. او ان هناك اسئله جديده تستطيع اضافتها
4- راجع: راجع النقاط المهمه وركز على تعلمها
5- اختبر نفسك: مع ملاحظه ان تختبر نفسك وانت هادئ الاعصاب ومطمئن النفس.. اذا ما نسيت شيئا.. اعد قراءته سريعا عازما الا تنساه مره اخرى..
اياك ان تختبر نفسك فى اليوم السابق للامتحان او قبله مباشره..حتى تعفى نفسك من الشعور بالتهديد او التوتر

لابد ان يوجد النجاح والرغبه فيه فى عقلك اولا..
انك تصبح ماتفكر فيه طول الوقت

ثابر على جهودك..
لاتطلب ابدا اجازه من نجاحك.. لاتتوقف للراحه بينما الثمار صارت قريبه. وعندما تتوقف عند اول اشاره على طريق النجاح فسوف يصيبك الركود والخمول وتبدا فى الانحدار. لاياتى النجاح الا عبر العمل المتواصل

اهرب من الزحام الموجود بالقاعده العريضه
ابتعد عن القاع.. يوجد هناك العديد من الفاشلين الذين اخفقوا فى ادراك وتحقيق طاقاتهم وامكانيتهم..اذا واصلت الارتباط بهم فستكون رحله نجاحك قصيره..
فى كل يوم وبكل وسيله.. سوف اصير افضل وافضل

القواعد التسع لتحقيق النجاح

1- لاتوجل عمل اليوم الى الغد
2- اتخذ الخطوه الاولى واشرع فى العمل
3- قف على قدميكولاتعتمد على الاخرين
4- لاتخش الفشل
5- لاتتهاون فى خقوقك
6- كن موجها دائما نحو الهدف
7- استعن دائما بخيالك.. فسوف يساعدك على تصور اهدافك وكيفيه تحقيقها وكن مؤمنا دائما بقدرتك على تحيق هذه الاهداف
8- خطط لعملك ونفذ ماخططت له فورا
9- لاتياس ولاتنسحب
يتبع

ما أروع هذه الكلمات
التي لا ينقلها لنا بهذا المجهود المضني
الا ام حنون بالفعل

اسمحيلي امي ان اعلق علي احدي هذه الكلمات
4- لاتخش الفشل

ان لهذه الكلمة بالذات اصداء داخل نفسي
كثيرا ما اسمعها خصوصا وانا احس بأني في هذه الحالة

ياتري لماذا لونت هذه الكلمة باللون الاحمر
قديما عرفوا ان الحواس خداعة فلا يمكننا من خلالها الوصول
الي الحقيقات الكلية
ولا سبيل لادراك الحقائق الكلية الا بالعقل

ولو عقلنا ما كتبته الان عن الاحساس بالفشل
فانه دليل علي النجاح

اقتباس :

النجاح=ادراك الفشل +ارادة قوية للتغلب علي الاحساس

اذا فكوني اعترف باحساسي بالفشل هو احد حدين هذا المجموع وهو النجاح

اذا ليس هناك ما يعرف بالفشل
يمكننا ان نستدل من هذه المعادلة ايضا
انه كلما زاد معدل الفشل زاد بالضرورة معدل النجاح
ولو اني لم امر بالفشل فلن اصل لمراحل متقدمة في النجاح

تحياتي

شكرا على كلماتك الجميله يابنى العزيز...
انا قعدت اقراها بتركيز.. واكتر من مره ..لان معناها عميق..
فعلا .. عندما تزيد مرات الفشل.. تزيد احتمالات النجاح..
هذا قانون جميل اول مره اسمعه بهذه الصيغه منك انت يادكتور احمد..
ولكن لابد ان تكون هناك اضافه بسيطه لتكتمل صحه هذا القانون..
كلما زادت مرات الفشل.. تزداد احتمالات النجاح.. بشرط واحد.. الاتكف ابدا ابدا عن المحاوله....
جزاك الله كل خير..

شكرا علي الاضافة أمي
ننتظر المزيد من الكتاب

كلام رائع

اقتباس :

العلاقه المتناغمه الثانيه هى علاقتك بنفسك

ان هذا الكلام يذكرني اكثر ما يذكرني

بالمنظومة المتناغمة داخل الانسان نفسة

فما الانسان الا نظم اعقد من تنظيم الكون في حد ذاته

فالروح هي القائد وتستخدم العقل كآلة

والتفكير هو ثمرة استخدام القائد للآلة

والعلم هو كهرباء هذه الآلة

بدون العلم لا تعمل الآلة ويتعطل القائد
ولا تظهر الثمرة

وبدون علمك بنفسك تتعطل كل هذه العلاقات المتناغمة
فلا يتأتي للأنسان من انتظام علاقته بالله او بالاخرين او بالاشياء او بالكون وكل ما الي ذلك
الا بانتظام علاقته بنفسه وفهمها
كم وضحت سابقا
فما التفكير والتفكر والفهم الا نتاج للعلم
واول ما يترآي لنا من العلم بالأهمية لهو العلم بالذات
قدراتها نواقصها
فما العلم بقدراتها الا توسع في الفعل والفاعلية
وما العلم بالنواقص الا لتجنبها والتغلب عليها

وكل ذلك يذكرني لكلمات معلمي الأول
ان الادراك لهو البداية والنهاية

تحياتي

كتاب جميل ام مسلمه
وانا معاكى ان شاء الله وربنا يعينك ويكرمك
انا شايفه ان اللى يمنعنا نجرب ونخوض كل معارك الحياه
الخوف من الحريه
لان فيها تحمل مسئوليه
ودى حاجه مش سهله
مهما طال الخوف منها
لازم هنتواجه بيها وبمسئوليتها
بس الفرق بخوف شديد وقلق
اللى بيكدر صفو حياتنا
عشان كدا شايقه لازم احنا ندور على الحريه دى ومستعدين نتحمل اى
اعباء ومسثوليات بغض النظر احنا حابين ده ولا لا

كمان اكتشفت حاجه ان الفشل مش كلمه لغويه كارهه اسمعها ويروح تاثيرها اما اقول انا لاغياها من قاموسى
للاسف التجربه بتزلزل بغض النظر عن المسمى ساعتها
مش قول على اد ما هو احساس هدمى لاى قدرات سابقه
ساعتها لازم نلتمس لنفسنا العذر
ولو فعلا ضعيفه اول حاجه اعترف واقوم بحلم



ان الادراك لهو البداية والنهاية
هو فعلا الاساس ومحتاجنا نبقى اقويا واحنا بنتعرف على نفسنا ونحاول نقومها

منتظرين باقى الكتب ام مسلمه

dr_agaas كتب:

وبدون علمك بنفسك تتعطل كل هذه العلاقات المتناغمة
فلا يتأتي للأنسان من انتظام علاقته بالله او بالاخرين او بالاشياء او بالكون وكل ما الي ذلك
الا بانتظام علاقته بنفسه وفهمها
ان الادراك لهو البداية والنهاية

تمام يادكتور احمد..
ايه رايكم فى فطره الكاتب الامريكى ده.. هو صحيح ممكن يكون لايعرف شيئا عن الاسلام لكن كل كلامه علمه لنا الاسلام من قبل..
خطر فى ذهنى كام حديث قدسى وايه قرانيه تعليقا على كلام الكاتب..
- عندما قال الكاتب ان علاقتنا بالكون يجب ان تكون علاقه متناغمه.. تذكرت قول الله تعالى فى حديثه القدسى..
عبدى اطعنى.. تكن عبدا ربانيا .. تقول للشئ كن فيكون..
وتذكرت الايه القرانيه..
﴿وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ﴾ [الأعراف)

ياربى.... مفتاح كل راحه واطمئنان وامان هو طاعه الله وتقواه.. العبد الربانى يمشى الكون على هواه وكما يريد ..فقط.. عليه ان يطيع ربه.. فتنجذب له كل الاشياء..
وتذكرت الايه..
افمن يمشى مكبا على وجهه اهدى (المتجولون الهائمون) ام من يمشى سويا على صراط مستقيم (المتحركون نحو الهدف) (الاعبون فى مباره الحياه)..
ياالله علمنا ماينفعنا وانفعنا بما علمتنا..

انها الفطرة دكتورة
تكتسب العلم التي قد كانت نسته من قبل
يذكرني كلام حضرتك
بالغزالي رحمة الله عليه حين قال ان العلم هو تذكر الذي كنت تعرفه من قبل
وهو يتطلب تنقية الروح للوصول اليه

وهل الايمان دكتورة الا طهارة الروح
فما مشكلة ان يكون كاتب امريكي طاهر الروح

لماذا لا نتصور وجود غير مسلمين طاهري الروح

هل طهور الروح حكر علي المسلمين فقط لانهم مسلمين

القانون الاول:
قانون التفكير

افكارك تتحقق بما يتوافق مع المشاعر المرتبطه بافكارك
"كل امرئ يكون كما يفكر فى قلبه"

ان جوهر القانون الكونى للتفكير هو ان اى فكره لها جانبان
جانب عقلى وهو مسئول عن صياغه الفكره
جانب عاطفى العواطف والمشاعر الشخصيه التى ترتبط بالفكره
هناك ثلاث نواحى يشملها قانون التفكير
1- افكارك عن نفسك الصوره الذاتيه
2- افكارك عن الاخرين
3- افكارك عن العالم والحياه على وجه العموم

الصوره الذاتيه

صورتك الذاتيه والطريقه التى تنظر بها لذاتك نقطه شديده الاهميه لانها نقطه الانطلاق لخبراتك وتجاربك فى الحياه
ان كانت صورتك الذاتيه تشكل مفهوما صغيرا ومحمدودا عن نفسك يقوم على الجهل والخوف والشك وعدم الامان فان جميع خبراتك سوف تعكس تلك العواطف السلبيه نفسها..
وعلى الجانب الاخر اذا كانت صورتك الذاتيه تقوم على الحب والشجاعه والاحترام والايمان والثقه بالنفس فان جميع خبراتك الحياتيه سوف تعكس تلك العواطف الايجابيه نفسها.. وتحدد صورتك الذاتيه مدى قدرتك على العطاء والتلقى ومقدار تفاعلك مع تجارب الحياه وامكاناتها التى تواجهك..
ان صورتك الذاتيه هى اقرب للمغناطيس يجذب او ينفر.
انك تجذب من الافكار والتجارب مايتوافق مع ماتؤمن به وتشعر به حيال نفسك.
ان كنت ترغب فى جذب الصحه والثروه والسعاده التى تحلم بها فعليك اذا ان تكسب صوره ذاتيه متوافقه مع تلك الافكار نفسها.

العوامل المؤثره على صورتك الذاتيه:
اهم ثلاثه عوامل توثر على صورتك الذاتيه هى:
1- الافكار والعواطف والمشاعر التى تكتسبها خلال مراحل التعلم فى حياتك وخصوصا مرحله الطفوله
درب طفلك على الطريقه المثلى للحياه.. وايا كانت الافكار والتعليم والتجارب التى يتلقاها الطفل فانها سوف تزرع فى عقله الباطن مباشره
2- البيئه المحيطه: عندما تتعرض لبيئه معينه واذا بقيت فيها فتره من الوقت فانك تتشرب بعضا من خصال وسمات تلك البيئه وان كانت صورتك الذاتيه تتعارض مع سمات البيئه المحيطه بيك ولاتناسبها فعليك اما ان:
- تغير البيئه
- تغير صورتك الذاتيه
- او تغادر البيئه اذا لم تستطع تغيرها
3- العلاقات والارتباطات


عليك الا تتواصل وتتفاعل الا مع اشخاص يتحلون بصفات وخصال تتكامل مع وتعزز صورتك الايجابيه عن نفسك ومثل هذه العلاقات الايجابيه كفيله بان تدعم تطورك وتقدمك

خمس علامات تدل على صوره ذاتيه ضعيفه:-
1-القاء اللوم على الاخرين
2- الهروب من مشكلاتك:
عندكا تواجهك مشكله ماذا تفعل ؟؟ يمكنك ان تقوم باربع امور.. ان تهرب ,ان تصارع وتنفعل ,ان تنسى ,او تواجه.
فقط عندما تواجه مشكلاتك وتعتبرها مشاريع يجب انجازها تصبح اقوى واكثر ثقه بنفسك
3- الانتقاد الدائم للاخرين
4- انتظار ان يقوم شخص ما بحل مشكلاتك
5- التظاهر بان كل شئ على مايرام: عندما تتجاهل مشاكلك وتحديات حياتك وتتظاهر ان كل شئ على مايرام فانك تخدع نفسك وتنمى داخلك شعور زائف بالرضا وتقضى على اى امكانيه ببنمو والتطور الشخصى وكما ان هناك مشكلات قد تحل بان تتركها للزمن فهناك مشكلات تتقعد وتزداد سوءا اذا تركتها بلا حلول.

كيف تحسن من صورتك الذاتيه؟؟؟؟
يتبع باذن الله

كيف تحسن من صورتك الذاتيه؟؟:

1- كن امينا وصريحا مع نفسك:
لاتخدع نفسك.. ان خداع النفس هى طريقه اخرى للتظاهر بان كل شئ على مايرام.
حين لاتتحلى بالامانه مع نفسك فانك تقضى على كل فرصه امامك للتحسن وتدمر مالديك من امكانيات للنمو والتحسن. وتدفن صورتك الذاتيه الممكنه تحت طبقات الوهم والخداع
واجه نفسك.. وقيم عيوبك.. وحاول معالجه مايمكن معالجته منها
2- طور خيالك:

الخيال هو الخطوه الاولى للابداع.
"يفنى الانسان بلا خيال او رؤيه ..لكن من يحتفظون بالقدره على التخيل يحتفظون بالسعاده." قول ماثور
عبر خيالك لايوجد مستحيل. طور خيالك بالقراءه وبالتعرف على الاشخاص المثيرين للخيال من الناجحين.
حيثما توجه خيالك.. سيتبعك واقعك

3- كن قادرا على الاسترخاء:
الاسترخاء هو سر تخفيف الضغوط واستعاده الحيويه بدنيا وعقليا. يمكنك من خلال الاسترخاء ان تتزاصل مع عقلك الباطن وان تشرب من ماء بئر معرفتك الكونيه والفطره السليمه الكامنه بداخلك بما فيها من حكمه وطاقه وفهم.
بدون القدره على السترخاء سوف تقع مع الوقت ضحيه للضغوط المتراكمه التى من شانها ان تقلل من مستوى طاقتك وان تعيق صواب حكمك على الامور.. وقد تسبب لك الكثير من الامراض البدنيه.
4- تحل بمشاعر الفوز:
ان الشعور بالقدره على الفوز توجه ايجابى وقوى نحو الانجاز وهو شعور سوف ينعكس فورا على اسلوب حديثك وتفكيرك وحتى طريقه مشيتك وسوف يلاحظ ذلك الناس ويبداون فى الانجذاب اليك ويصير هناك منهم بالتاكيد من هم مستعدين لمساعدتك فى مسعاك نحو الفوز.
الجميع يحبون الفائز

5- اكتسب عادات حميده:
العادات هى انماط سلوكيه تصير تلقائيه مع مرور الوقت من خلال التكرار المنتظم.
والعادات الحميده هى التى تستحث حلقات ايجابيه من الصحه الطيبه ونيل قسط وافر من الراحه. والنظام الغائى المتوازم والتمرينات المنتظمه بدنيا وفكريا والتفكير السديد من خلال اكتسابك للعلاقات الجيده ترسخ لعلاقات متناغمه مع كل ماهو طيب وفيه خير.
ازرع عملا تحصل عاده
ازرع عاده تحصد شخصيه
ازرع شخصيه تحصد مصيرا جي. دى. بوردمان
"انما نصنع عاداتنا ثم تصنعنا عاداتنا"

6- قرر ان تكون سعيدا:
ليكن لديك يوميا احاس قوى بالتوقع الاستبشارى.. توقع ان يكون كل يوم مفعما بالسعاده.. وعش كل يوم من منظور الحياه السعيد\ه..
ركز على الجوانب الطيبه والايجابيه فى كل لحظه .. واعلم ان ماسوف تركز عليه .. سووف تؤمن به وتصدقه وهو ماسوف يتحقق

7- كن بلا اقنعه: لاتقضى حياتك تحاول ان تلفت نظر الاخرين او تتملق رضاهم عنك.عندما تضع قناعا من اجل ان يرضى عنك شخص ما فان هذا يحدث عموما على حساب قمع وكبت شخصيتك الحقيقيه. فى الوقت الذى تنزع فيه القناع سوف تشعر براحه نفسيه هائله وكان ثقلا عظيما قد انزاح من على كاهلك... وستستطيع ان ترى الشخص المختفى وراء القناع وستيدا فى اكتشاف شخصيتك الحقيقه.

8- تحل بالتعاطف:
عليك ان تكون مستعدا لتقديم المساعده للاخرين اذا مااحتاجوها منك وبينما تتقدم فى رحله نجاحك سوف تكتسب تعاطفا اكبر ومسئوليه اعظم نحو محن الاخرين وسيجعلك هذا التعاطف فى علاقه متناغمه مع خالقك وستسموبذاتك وبكيانك

9- تعلم من اخطائك
لم يسبق لشخص ان نجح دون ان يرتكب اخطاء الاخطاء هى الدروس الحكيمه التى تقدمها لنا الحياه وسوف تتعلم من اخفاقاتك اكثر مما تتعلم من نجاحاتك

10- لا تتوقف ابدا عن النمو
كلما بلغت مرحله من النجاح والتطور ...عليك ان تتطلع الى مرحله اعلى.فى اللحظه التى ترفض فيها مبدا استمرار النمو والتطور واكتساب مزيد من الخبرات ودخول مراحل اخرى من التحديات فى الحياه فانك تقبل مبدا الثبات الخاص بالموت.

السلام عليكم.. سوف اتوقف قليلا عند اول قانون : قانون التفكير.. لنتبادل الافكار والنقاش حول هذا القانون الهام والاساسى على طريق النجاح.. وانا متاكده ان مناقشاتكم سوف تزيد الموضوع قيمه وثراء..
فى انتظار ملاحظتم....

"يفنى الانسان بلا خيال او رؤيه ..لكن من يحتفظون بالقدره على التخيل يحتفظون بالسعاده."
فعلا لازم نقبل فى الاول نفسنا على ما هى عليه
ونكون عارفين ان فينا تقصير لازم نقومه على اد ما نقدر طول رحلتنا
وارده الكبوات
بلاش جلد بس فيع صبر على نفسنا
اصلنا ملناش الا هيا
راى الناس فينا لا يدل علينا

وان كان رايهم اتكون من تصرف فمن واجب الانصاف اننا ندافع عن نفسنا ولو ادام نفسنا
ان فينا خير وحاجات حلوه
وتنور اشاره ان حصل غلط وان هنا نقطة ضعف نحاول نصلحها
ان نفع
اللهم الهمنى القوه فى ان اغير ما يمكن تغييره
والصبر عن ما لابد منه
والحكمه فى ان اميز بينهما

معاكى امى المسلمه
يا ريت كل الناس تشارك
محتاجين اراء جديده عشان نشغل نعمة التفكير

جزاكى الله كل خير ابنتى الحبيبه.. كل كلمه من كلماتك حكمه..
بارك الله فيكى..

ايه ياشباب.. انتم فين ..؟؟
عايزين نتناقش فى اللى فات قبل ماندخل على القانون الجديد.

سوف تشعر بهذا عندما تحس انك غير سعيد ولاتعرف على وجه التحديد الى اين تود ان تتجه


قوانين الحياه
التعلم
خوض معارك الحياه اما الاستمرار او الاستسلام
القوه

الابديه


طب سؤال ايه اللى يخلينا نصبر ونصابر على الانتقال من مرحله للتانيه؟
هل انا هتحاسب انى جبت اخرى ولا لا مع العلم انى مثلا مش مقصره اوى؟
يا ريت امى المسلمه تجاوبى عليا وتكملى القوانين
انا عايزه اسنفيد اوى بشكل فعلى
وبدا اطبق الكلام عشان يبقى فعل
او امنع اى وقوف او وصول لمرحلة التوهان
:

الله .. تعليقاتكم جميله..
ربنا يبارك فيكم جميعا

dr_ola كتب:

طب سؤال ايه اللى يخلينا نصبر ونصابر على الانتقال من مرحله للتانيه؟
هل انا هتحاسب انى جبت اخرى ولا لا مع العلم انى مثلا مش مقصره اوى؟
يا ريت امى المسلمه تجاوبى عليا وتكملى القوانين
انا عايزه اسنفيد اوى بشكل فعلى
وبدا اطبق الكلام عشان يبقى فعل
او امنع اى وقوف او وصول لمرحلة التوهان
:

اسئلتك جميله ياعلا.. جميل انك تبداى تطبقى اول قانون وتفكرى..
التفكير اكيد مفيد..
ان شاء الله نجاوب مع بعض على الاسئله ...

طب سؤال ايه اللى يخلينا نصبر ونصابر على الانتقال من مرحله للتانيه؟
الاجابه اللى شايفاها .. اللى يخلينا تصبر ونصابر علشان ننتقل من مرحله فى الحياه لمرحله تانيه.. هو نفس السبب اللى بيخلينا نصبر على الصلاه والصيام والمذاكره واذى حد ضايقنى وجرحنى .. وحاجات تانيه كتير مش شايفين نتيجيتها دلوقتى.. لكن نتيجيتها بتبان بعدين.. عند ربنا يوم الامتحان الكبير..
السبب اللى علشانه احنا موجودين فى الدنيا.. هو ان كل واحد فينا على الارض له رساله .. الاصلاح
وقل اعملو ا فسيرى الله عملكم ورسوله والمؤمنون.. صدق الله العظيم..


هل انا هتحاسب انى جبت اخرى ولا لا مع العلم انى مثلا مش مقصره اوى؟
اعتقد ان السؤال دى انتى بتساليه يادكتوره علا من باب التفكير.. لانك اكيد اكيد عارفه اجابته كويس..
لكن مافيش مانع اننا نتناقش فيه تانى زياده فى التاكيد..

ربنا جل وعلا لا يحاسبنا على نتيجه العمل .. جيده ة كانت ام سيئه ولكن يحاسبنا على النيه والعمل (السلوك)نفسه..
بدليل.. حديث الرسول.. القائل.. من اجتهد فاصاب فله اجران ومن جتهد فاخطا فله اجر.. ولم يقل انه لن يثاب على العمل.. ليه.. لانه اجتهد.. اى قام بالمجهود والعمل.. اذا فاجره حاصل بالتاكيد رغم انه لم ير الا نتيجه عكسيه للعمل فى الظاهر..
وقديما قالوا.. علينا السعى وليس علينا ادراك النجاح....طيب هل معنى كده اننا هانشتغل ونشتغل ومابنلاقيش نتيجه وبعدين عادى يعنى..؟؟
الطبيعى ان العمل لما يكون باخلاص ومعمول صح .. اكيد اكيد باشوف له نتيجه.. لان ربنا من رحمته بينا بجازينا كتير على تعبنا ومجهودنا..بل انه سبحانه اوقات بيعطينا اكتر مما نستحق... وهو دى القاعده.. اعمل .. تجد ماعملته امامك..
لمكن بما ان لكل قاعده بعض الاسثتسناءات.. فى بعض الاحيان لانجد نتيجه مباشره لجهدنا.. والانسان الذكى يعلم ان الله برحمته وحكمته قد اعطاه الجزاء ولكن بطريقه لايراها الانسان.. فاما ان يكون قد صرف الله له الجائزه على الكد والتعب بطريقه غير مباشره مثل رفع كرب او مرض او ستر فى الدنيا او ان الله ادخر له الجائزه فى الاخره ..
يعنى احنا متفقين ان كل عمل طيب ومفيد له اكيد جائزه من الله..
طيب تعالى بقى ياعلا نتخيل تعبك ومجهودك ده المقابل بتاعه المفروض يبقى موازى له ولا لا؟؟
يعنى كل ماكان المجهود والمشقه اكبر .. اكيد كل ما كان الثواب والنتيجه اكتر..
لكن كلمه اكبر دى كلمه واسعه ونسبيه من واحد للتانى.. يعنى فيه حد مثلا يقعد يذاكر 6 ساعات.. واحد مايقدرش على كل ده ومايستحملش الا ساعتين او ثلاثه فى اليوم..
وعلشان كده احنا مضطريين تانى نرجع ..
لقانون التفكير...التفكير
يعنى كل واحد فينا له طريق تفكير مختلفه يقدر يحدد بيها قدراته وطاقته وامكانياته وطرق نجاحه ومصادرها..
علشان كده كل واحد فينا مسئول عن نفسه.. وعن معرفه اذا كان جايب اخره ولا لا..
بس خلى بالك.. القلوب تمل.. والضغط يولد النفجار.. مش علشان احس انى جبت اخرى فى المذاكره او فى اى حاجه اموت نفسى..
ولكن ساعه وساعه
ياترى لسه فيه حاجه محتاجاها ولا ايه..

ايه رايكم بقى نكمل مع بعض .. وندخل على القانون التانى للنجاح..

قانون التغيير...

الاول شكرا ام مسلمه على طرحك لهذا الموضوع
هو فعلا كتاب جميل جدا
تعرفوا انى كل يوم بدخل على الموضوع واقول هعلق ادخل واقرء الموضوع وانسى انا كنت عاوز اعمل ايه
فان شاء الله متابع مع حضرتك باستمرار
ومنتظرين القانون الثانى

ربنا يكرمك يامحمد .. انت وعلا بس اللى جبرتم بخاطرى....
استعنا على الشقا بالله....
نكمل...

[color=red]القانون الثانى.. قانون التغيير[/color]

هذا القانون يخبرك انك تستطيع ان تغير حياتك مما هى عليه فى الوقت الحاضر الى اى شئ تريد ان تكون عليه عن طريق تغيير طريقه تفكيرك ونظرتك الى نفسك....

بضم القانونين معا الاول والثانى نجد ان القانون الاول ينص على ان تجربتك فى الحياه تعتمد على طريقه تفكيرك والقانون الثانى ينص على ان الحياه التى نعيشها حاليا يمكن تغيرها بتغيير طريقه تفكيرنا
اننا نرى بعض الاشخاص الناجحين والموفقين فى اى شئ يقومون به بصرف النظر عما حولهم من اشخاص وظروف وذلك لانهم يحتفظون بتفكيرهم دائما فى حاله من التركيز على الجوانب الايجابيه للنتائج التى يرغبون فى تحقيقها

الجوانب الثلاثه للقانون الكونى للتغييرهناك ثلاثه جوانب الايمان والاختيار والرغبه

الجانب الاول: الايمان:

انه الايمان والاعتقاد الراسخ والثقه المؤكده بان التغيير ممكن وانك تستطيع ان تغير حياتك بتغيير تفكيرك الى الافضل..
فاذا تحليت بالايمان بان الامور سوف تتبدل الى الاحسن وبان هناك شيئا افضل ينتظرك فى هذه الخياه فانك يالتاكيد تتخذ الخطوه الاولى فى العثور عليه

اذا انتابتك الشكوك فى ان حياتك لايمكن ان تتغيرللافضل فانك ستكون محقا لانك تقضى على فرص التغيير بشكوكك هذه
عليك ان تعلم وان تؤمن ايمانا تاما بانك صنعه وابداع الخالق العظيم وانه قد منحك من النعم مالانهايه له وجعل من حقك ان تتمتع بالسعاده والاشباع التام اذا اردت انت ذلك مهما حدث

الجانب الثانى للقانون الكونى للتغيير هو الاختيار

ان كل يوم يمر بنا تاتى به فرصه او تحد يحملنا على ان نختار . وعلينا دائما الاختيار اما الاسلوب الايجابى (الازهار) او الاسلوب السلبى (الاعشاب الضاره) واذا لم تتخد اى اختيار حاسم فان العالم -للاسف -سوف يختار بالنيابه عنك. ولن تكون اختيارته -فى معظم الاحيان- فى صالحك..
ومن اجل ان تغير حياتك للافضل عليك ان تحدد بشكل قاطع ما الذى تعنيه عباره : حياه افضل بالنسبه لك؟؟ وعليك ان تسعى فى طلب هذه الحياه التى حددتها بنفسك وان تتخذ تغييرات فى كل من تفكيريك واعمالك التى تساعدك على تحقيق املك وحلمك...

الجانب الثالث للقانون الكونى للتغيير هو: الرغبه

الرغبه الملحه عنصر اساسى للتغير.. مالم يكون هناك جوع شديد للتغيير ورغبه عارمه لحدوثه .. فان ذلك التغيير لن يحدث ابدا..
رغبتك فى التغيير وحاجتك له يجب ان تكون كرغبتك وحاجتك للهواء الذى تتنفسه.. وقوتك وارادتك يجب ان تكون كقوه من يناضل طلبا للنجاه من الغرق ويقاوم طلبا للاوكسجين الازم لانقاذ حياته..

"يمكن للانسان ان يكون اى شيئ يريده وان يقوم بما يريده وان يمتلك مايريده".. قول ماثور


يتبع باذن الله

ان كل يوم يمر بنا تاتى به فرصه او تحد يحملنا على ان نختار . وعلينا دائما الاختيار اما الاسلوب الايجابى (الازهار) او الاسلوب السلبى (الاعشاب الضاره) ..
واذا لم تتخد اى اختيار حاسم فان العالم -للاسف -سوف يختار بالنيابه عنك. ولن تكون اختيارته -فى معظم الاحيان- فى صالحك..

كلمات معناها عميق..
اللهم انا نسالك العزيمه فى الرشد والثبات فى الامر .. امين

السلام عليكم شباب النهضه:

تابع القانون الكونى الثانى.. التغيير..عقبات امام التغيير:
العقبه الاساسيه امام التغيير هى الخوف ..

ماهو الخوف: هو احساس زائف يبدو مثل الحقيقه ..

المخاوف الاساسيه الثلاث التى تمنع الناس من تحقيق التغيير اللازم لتحسين حياتهم..
1-الخوف من التغيير نفسه
2- لخوف من الانتقاد
3- الخوف من الفشل.

1- الخوف من التغيير:
بعض الناس يخشون التغيير نفسه وقد يزعمون انهم يرغبون فى تغييرات معينه فى حياتهم ولكنهم يقومون قى الوقت نفسه بكل ماهو ممكن للبقاء على وضعهم الحالى كما هو..
يتبدى الخوف من التغيير فى بعض الاحيان كالخوف من المجهول..

واحد الصعوبات عند تحقيق النجاح هى سهوله ان يصبح المرء راضيا عن الوضع القائم ومكتفيا بما قد انجزه وحققه ... وعندما يحدث هذا يصير المرء خائفا من اجراء اى تغيير لانه غير متاكد مما قد تصير اليه الامور..
تستطيع ان تتجاوز الخوف من التغيير من خلال التحلى بالايمان التام بانك قادر على تحقيق ماتريد من نتائج فى حياتك الجديده..

2- الخوف من الانتقاد:
هذا النوع من الخوف يسلبك قدرتك على المبادره ويدمر خيالك..
انه يفتك بتحقيقك لاحلامك ويشجعك على اكتساب مركبات النقص والاحساس بالدنونيه عندما تخشى من انتقاد الاخرين لك تشل رغبتك فى التغيير وتبقى اسيرا انتظارا للحاله التى طمحت لتغييرها ..
ومن اجل ان تتغلب على الخوف من الانتقاد عليك ان تدرك ان اى نقد لايمكنه ان يؤذيك او يضرك .. تامل من يصدر عنه هذا الانتقاد.. هل صدر عن شخص سبق له ان حقق ماتحاول ان تحققه او على الاقل صدر عن شخص اصاب بالفعل نجاحا وتوفيقا فى مجاله.. ام ان الانتقاد قد صدر عن شخص غير ناجح .. وهل دافع الانتقاد اهتمام وانشغال حقيقى بك ام انه بدافع الغيره وناجم عن مشاعر النقص..؟؟؟
اذا صدر الانتقاد من شخص تحترمه فلتظهر انتباها لما يقوله وحلل عباراته جيدا وقم على قدر استطاعتك بالتعديلات المطلوبه على اداءك وواصل اجراء التغغيير المنشود فى حياتك
اما اذا كان النقد من شخص لاتحترمه فاصرف النظر عنه ولاتعره اهتماما وواصل تقدمك الى الامام

اذا فتشت فى التاريخ فلن تجد تمثالا اقيم لناقد او منتقد فالتماثيل لاتنحت الا للذين يفعلون وينجزون هؤلاء الذين يتحملون تحدى التغيير ويواصلون القيام بعظام الامور فى العالم......


عندما ينتقدك اللاخرون.. قد يكون هذا دليلا على انك تقوم بعمل شيئ صائب...

3- الخوف من الفشل:
الخوف من الفشل يمنعك من المحاوله ويتجلى ذلك غالبا فى عاده التاجيل والتسويف..
تستطيع ان تتحدث عن الحياه الافضل التى تطمح اليها وان تعلم جيدا التغييرات الفكريه اللازمه لكى تحصل على تلك الحياه ومع ذللك لايبدو انك ستبدا ابدا فى اتخاذ تلك التغييرات..
قد تقول لنفسك اما ان الوقت مبكر عن اللازم لاتخاذ التغيير او ربما تقول ان الوقت متاخر عن اللازم ..او ربما تقول ان الوقت غير مناسب بعد
يجعلك الخوف ن الفشل تجد مببرات واعذار واهيه ووهميه للاقلاع عن المحاوله فى تغيير شئ ما فى حياتك..
وغالبا ماتكون على بعد خطوات قليله من النجاح العظيم

لكى تتغلب على الخوف من الفشل عليك ان تدرك ان الفشل هو ببساطه عدم المحاوله من الاصل..
ان الفشل هو بروفه كامله على النجاح

ان اى شخص لم يسبق له الفشل
غالبا لم يسبق له النجاح فى اى شئ

كان هناك صحفى يجرى لقاء مع توماس اديسون قبل ان ينجح فى ابتكار المصباح الكهربى بفتره قصيره
وساله عن عدم تخليه عن فكره المصباح الكهربائى تلك مادام قد اخفق فى اكثر من 300 محاوله فى جعل فكرته تنجح
نظر السيد اديسون الى الصحفى وقال اخفقت؟؟ انا لم اخفق ولكن ماقمت به هو اننى اكتشفت 300 محاوله ناجحه لاكثر من طريقه لاتصلح لعمل المصباح الكهربائى


فلتدرك انك تستطيع ان تغير ظروفك عن طريق تغيير طريقه تفكيرك.. :

ان كلا من التفكير والتغيير يحتاجان الي الاراده
الاراده مركب من الصبر+التحفيز الداخلي(النتيجة النهائية)
وكلاهما يحتاجان الي الجماعه(البيئه الاجتماعية المناسبة)
ولكن الصبر هو اهم مركب فيهم
والذي يكون له قيمة في الحياة
هو الذي يستطيع باستخدام الصبر(الاختيار الذاتي)أن يتغلب علي المقومات الخارجية مثل النتيجة النهائية او البيئة المناسبة(كظروف خارجية)وان قاومته

تحياتي
شكرا ام مسلمة علي هذا المجهود
وربنا يجازيكي عليه خير

الرغيه فى التغيير
الايمان انه ممكن
الاختيار واقتناص الفرص لما هو مناسب


اذا انتابتك الشكوك فى ان حياتك لايمكن ان تتغيرللافضل فانك ستكون محقا لانك تقضى على فرص التغيير بشكوكك هذه

لو تخيلنا انى شفت نفسى فى الة الزمن بعد 5 سنين
ولقتنى زى ما انا
فين رونق الدنيا ونمونا فيها فين الشغف ببكره
تغير شكلى بس
ليه الحياه بقى
بيتهيالى احسن احساس انى اعيش مخضرمه فى عصور كتيره
مش عصور
بس انتقال من حاله للتانيه
من تفكير لتفكير اعلى لفهم اكتر امشى وسايبه ورايا حاجه
يعنى اقدر اقارن بين زمان ودلوقتى
بيتهيالى لو اتخيلت نفسى من غير تغيير هاحس الحياه ممله
طب التغيير طويل المدى
لازم اسقطه على اليوم الواحد
يعنى اكيد انا ممكن اعمل حاجه النهارده غير بكره احسن من بكره

واحده صحبتى قالتلى اوحش احساس حالة اللاسلم واللاحرب
لازعلانه ولافرحانه
يمكن دا اللى بيخلينى سعات نسام من الحياه
بيتهيالى يقينا انها مش هدوم هو اللى بيمنعنا من الاكتئاب
سعات بقى ناس تتخنق من الدنيا ومعرفش اقولهم ايه
كلماتى خلصت
انا سعات بحس ان بجانب الخوف من التغيير
فيه فرح او رضا مقنع باللى احنا فيه
سعات بفكر انى بحتاج الدور الحزين فى الدنيا مش لانه مطلوب
لانه بيبقى حلو كضحيه حلوه كده
المهم يعنى اقصد انى سعات الاقى مقاومه من اللى ادامى اقوله ان الحياه مش هكمل على حاله ده
خاصه لو كان فقد حاجه مهمه
مش عارفه حضرتك فاهمانى ولا لا
طب اما انا افهم هقولك
ههههه
شكرا امى المسلمه ومتابعه معاكى ان شاء الله

dr_agaas كتب:

ان كلا من التفكير والتغيير يحتاجان الي الاراده
هو الذي يستطيع باستخدام الصبر(الاختيار الذاتي)أن يتغلب علي المقومات الخارجية وان قاومته

كلمات جميله.. جزاك الله كل خير يادكتور احمد

شكرا يا دكتورة

dr_ola كتب:

انتقال من حاله للتانيه
من تفكير لتفكير اعلى لفهم اكتر امشى وسايبه ورايا حاجه
يعنى اقدر اقارن بين زمان ودلوقتى
بيتهيالى لو اتخيلت نفسى من غير تغيير هاحس الحياه ممله
طب التغيير طويل المدى
لازم اسقطه على اليوم الواحد
يعنى اكيد انا ممكن اعمل حاجه النهارده غير بكره ...

حلوه الكلمات دى.. وفاهماها ياعلا...كتر خيرك

ممكن توضحى اكتر ياعلا ؟؟؟

انا كنت اقصد
ان التغيير محتاج اراده
واما نقابل مشكله بتبقى محتاجه مننا تحدى
يمكن سعات نرفض اى تفكير فى النهوض من المشكله
كاستسهال او لاننا محتاجين فتره نحس اننا ضعفا ونحس بالاشفاق علينا لكن الاحساس ده سرعان ما يتلاشى ادام الناس بس عشان نبان اقويا يعنى مش من جوانا وسعات ندخل فى دايره مغلقه

سعات اتدخل لحد فى الدايره دى فى الاول يرفض اطالبه بالقوه
وسعات اتدخل يرفض النصيحه لانه بيكره احساس الضعف

المهم كلنا بنقع ونفتكر ان الدنيا خلصت على كده
بس.......... ما اجمل النسيان
والاجمل منه اصرارنا على حقنا فى الحياه
كل سنه وانتى طيبه وبخير امى المسلمه ودايما راضيه وسعيده
وكل اعضاء المنتدى بخير وزياده حرص على حقهم فى الحياه

والاجمل منه اصرارنا على حقنا فى الحياه..

الله يكرمك ياعلا ويفتح عليكى...

شكرا حياتى لله..
فى انتظار تعليقاتك المفيده..

تابع::
القانون الثالث: قانون التصور:

يبقى الانسان فى خساره وهلاك اذا ظل دون تصور وخيال.. لكنه اذا حرص على تخيل السعاده والشعور بها فسوف يجدها.. قول ماثور..


اذا لم يكن لديك اى تصور للمكان والهدف الذى تريد الذهاب اليه فى حياتك فسوف تعيش تعيسا ..ولن تستطيع ان تجعل حياتك افضل..

لابد ان بكون تصورك للحياه التى تود ان تعيشها تصورا صافيا وواضحا كل الوضوح.. لابد ان تبصر ذلك التصور بادق تفاصيله وان تحسه من خلال حواسك جميعها...

ماتتصوره (رؤيتك واهدفك) لابد ان تشحنه بالطاقه (عبر مشاعرك واحاسيسك) ..وماتشحنه بالطاقه تدركه فى تجربه حياتك


للقانون الكونى للتصور جانبان: التحديد والخيال:


الجانب الاول: التحديد:حدد رؤياك واهدافك

اكتب رؤيتك واجعلها واضحه على الاوراق بحيث يمكن حتى للمتعجل ان يقراها بسهوله..
ليس هناك وقت محدد لتحقيق ماتراه.. لكنها حتو ولو تباطئت قليلا فى التحقق.. فانتظر .. لانها ستاتى بلا شك.. قول ماثور
ان التصويب نحو هدف تراه بوضوح اسهل كثيرا من التصويب نحو هدف لايمكنك رؤيته بنفس الوضوح..



الاهداف:
الهدف هو الخط الذى ينتهى عنده السباق او الموضع الذى تنتهى عنده الرحله.. والاهداف هى علامات الطريق ترشدك نحو تحقيق تصور لذاتك .من انت والذى انت تنوى عليه او ترغب فيه ايا كان..

وقد تصنع من اى شئ تتمنى بلوغه هدفا. فقط حدد تصورك لنفسك بمنتهى الدقه والوضوح وتصورك لبحياتك بان تكون افضل.. وعليك ان تضع اهدافا محدده يمكن ان تقودك الى تحقيق تصورك.
توفر لك الاهداف فرصا ممتازه لتكون ثقتك بنفسك. عندما تقوم بانجاز هدف بعينه فانك تبرهن لنفسك وللاخرين بذلك على قدراتك وتزيد من ثقتك وبنفسك.


انواع الاهداف:

هناك ثلاثه انواع من الاهداف بصوره اساسيه:

1- اهداف فوريه:
هى الاهداف الاقرب اليك.. والتى تحتاج الان الى تحقيقها.. وبسرعه..دون قدر كبير من الجهد والتخطيط. من ناحيه الوقت يمكن انجاوها فى مده يوم الى ثلاثه اشهر.

2- اهداف المدى المتوسط:
غالبا ماتتطلب خطوات متعدده من اجل تحقيقها. كما انها تقتضى توجها اكبر و مثابره واستمراريه..تكتمل فى فتره تتراوح بين ثلاثه شهور الى عامين..

3- اهداف بعيده المدى:
هى اهداف متعلقه بالمستقبل وغالبا ماتتعلق بعملك او مسارك المهنى.. تتطلب هذه الاهداف تخطيطا دقيقا واعدادا دقيقا.. وقد تتطلب فتره تتراوح من ثلاثه اعوام الى عمر باكمله..


ست سمات لابد ان تتوفر فى كل هدف من اهدافك:

1- ان تكتب هدفك وتلتزم به وتتقاسمه مع شخص ما:
اكتب هدفك واقراه بصوت مسموع عدهه مرات يوميا وداوم على التفكير فيه. لابد ان تاخذ على نفسك عهدا انه مامن احد او من شئ يمكنه ان يمنعك من تحقيك هدفك.
شارك هدفك مع شخصمقرب منك يؤمن بما تقوم به وابتعد عن اى شخص يثبط همتك او ينتقدك... وكثيرا مايكون بعض المقربين اليك هم اسوا من يمكنك اخبارهم باهدافك.. كن واثفا ان الاشخاص الذين تطلعهم على اهدافك لن تنتباهم الغيره او الحسد ناحيتك .. ولابد ان يكون لهم اهدافهم الخاصه التى يسعون لانجازها.

2- لابد ان يكون هدفك قابلا للتحقيق:ان ايسر الطرق لتجهيز نفسك للفشل هو ان تختار اهدافا غير ملائمه..
لايوجد هدف مستحيل ولكن توجد اهداف غير واقعيه وغير مناسبه

3- لابد ان يكون الهدف مرن وقابل للتغيير فى اى وقت:
قد تحول الامور دون تحقيق هدفك.. عندما يحدث هذا لاتدع همتك تثبط او تشعر بالاحباط او تتخلى عن السعى وراء هدفك.. فقط قم بالتغييرات او التاعديلات الضروريه على هدفك نفسه او على طريقه السعى له..
سيجعلك هذا قادرا على تجاوز الظروف التى تعوقك عن التقدم.

4- لابد ان يكون الهدف ملموسا وقابلا للقياس:

ان لم يكن هدفك ملموسا او محددا فلن تكون قادرا على تحقيقه فى الاغلب.. فلن تستطيع ان تحدد موعد ادرك الهدف او الى اى مدى سيكون عليك ان تسعى لتحقيقه او كم من الوالطاقه ستحتاج اذا لم تحدد هدفك وتقيم نفسك كل فتره على طريق تحقيق الهدف

5- لابد ان يكون محدد بفتره زمنيه


امثله لبعض الاهداف:

- ان يتم قبولك فى احدى الكليات التى تحتارها (مثلا الطب- السياسه والاقتصاد-العلوم)
- ان تنهى دراستك بكليه الطب وتكون من بين افضل 50 فى صفك
- ان تعمل مع افضل جراح او طبيب نفسى فى المستشفى التى تم تعينك بها

يتبع باذن الله

بصراحة الكلام محتاج تركيز اكتر من كدا
ان شاء الله اقرأه بكرة

شكرا يا امي

لا تنسي
ان خير الاعمال ادومها وان قل

جزاكي الله خيرا

ربنا يكرمك امى المسلمه
انا فعلا محتاجه اجدد حماسى لاهدافى واجددها نفسها

اذا لم يكن لديك اى تصور للمكان والهدف الذى تريد الذهاب اليه فى حياتك فسوف تعيش تعيسا ..ولن تستطيع ان تجعل حياتك افضل..

انا فعلا حسيت بده
حياه عقيمه مش عارفه على فين
احقق نجاح ومش بحس بيه كانى بطبق قوانين

يا ريت نستفيض فى القانون التالت ده شويه

معلشى امى المسلمه هبدا من الاول اصلى حاسه انى هدفى تاه منى

هى السعاده نتيجه ولا سبب النجاح؟
انا كنت قرات ان البحث فى مفهوم السعاده فى سبب التعاسه؟
صح؟

انا مش عارفه احدد هدف واقعى
مع العلم انى مش بحس بالفرحه فى الهدف الا اذا كان صعب التحقيق
وانا حققته ويمكن ده اللى يحركنى بس هو بيحتاج شغل جامد
اللى سعات انا بكسل عنه

انا اما احس ان هدف اليوم ما اتحففشى بيجيلى احباط
وبقول لازمة الهدف ايه اذا ما كنتش اتعبله

تحديد هدف بعيد بيقى صعب اتخيله لانه لسه مترسمشى عندى
معالمه مش واضحه

من وجهة نظري يا علا وبعد اذن امي
ان احنا نثق في قدرتنا علي المدي البعيد
ونحاول ان نحقق ما خططنا له علي المدي القريب
ولا ننشغل بكيف سيتحقق البعيد
كان في محاضرة كبيرة لواحد اسمه ستيفن جوبز
رأيس شركة ابل مكينتوش
التسجيل معايا لو حد حابب يسمعه
كان بيقول ان الانسان بيوصل النقط لما يوصل للهدف
مش انتي واقفه عند نقطة البداية وبتفكري ازاي هوصل للهدف النهائي
خلي الهدف عندك مجزئ وممهنج
وقبل ماتيجي الاختيارات بفترة انتي تحدديها
ساعتها لازم تعرفي كل اختيار ايه مميزاته وعيوبه وازاي تقدري انك تأقليميه مع حياتك الشخصية
الهدف ليس شئ ثابت
ولكن الهدف يتغير بتغير شخصيتك اساسا
وبيعلي كل اما شخصيتك تعلي
وهكذا
وموضوع السعاده دا فهو ملتي فاكتوريال
متقدريش تقولي انه النجاح بس هو السبب فيه
بس هو عامل من اهم عوامله
لانه بيخليكي تحسي بقيمة نفسك
وبيخليكي تحسي فعلا انك قد المسؤليه اللي ربنا اعطاهلنا

شكرا يا امي
اسف علي المقاطعة
ارجو ان الكلام كان مفيد

انا شايفه اننا لازم نراجع تانى على موضوع الهدف وتحديده..
ايه رايكم نقرأ موضوع وقفه مصارحه؟؟
ربنا يبارك فيكم جميعا..ويوفقكم لتحديد اهدافكم

dr_ola كتب:

معلشى امى المسلمه هبدا من الاول اصلى حاسه انى هدفى تاه منى

ازاى ياعلا هدفك يتوه منك.. هو انت لسه ماكتبتيهوش؟؟

هى السعاده نتيجه ولا سبب النجاح؟
السعاده غايه.. والنجاح وسيله للسعاده اللى هى الغايه... والسعاده مش سبب النجاح انما التفاؤل والاطمئنان سببين اساسين من اسباب النجاح..
بدليل ان فيه ناس سعداء وراضيين وهم مش اشخاص ناجحين من منظورنا العام للنجاح

انا كنت قرات ان البحث فى مفهوم السعاده فى سبب التعاسه؟
صح؟؟
لا غلط.. علشان اعرف اوصل لحاجه لازم افهم معناها كويس..

انا مش عارفه احدد هدف واقعى
ليه؟؟ قدامك مليون هدف واقعى ممكن تختاريه لنفسك..
ممكن نقعد نفكر مع بعض لو تحبى

مع العلم انى مش بحس بالفرحه فى الهدف الا اذا كان صعب التحقيق وانا حققته ويمكن ده اللى يحركنى بس هو بيحتاج شغل جامد
اللى سعات انا بكسل عنه

..
عادى.. كل ماكان الهدف صعب كل ماطبيعى اننا نفرح اكتر بتحقيقه وعادى انك ساعات تكسلى.. وعادى انك ساعات تقفى.. كلنا كده.....بس خلى بالك ..مش كتير ياعلا..

انا اما احس ان هدف اليوم ما اتحففشى بيجيلى احباط
وبقول لازمة الهدف ايه اذا ما كنتش اتعبله
مش فاهمه.؟؟

تحديد هدف بعيد بيقى صعب اتخيله لانه لسه مترسمشى عندى
معالمه مش واضحه
انا معاكى .. خلى الاهداف البعيده لبعدين

[/quote]

dr_agaas كتب:

من وجهة نظري يا علا وبعد اذن امي
ان احنا نثق في قدرتنا علي المدي البعيد
ونحاول ان نحقق ما خططنا له علي المدي القريب
ولا ننشغل بكيف سيتحقق البعيد

خلي الهدف عندك مجزئ وممهنج

الهدف ليس شئ ثابت
ولكن الهدف يتغير بتغير شخصيتك اساسا

وموضوع السعاده دا فهو ملتي فاكتوريال
متقدريش تقولي انه النجاح بس هو السبب فيه
بس هو عامل من اهم عوامله
لانه بيخليكي تحسي بقيمة نفسك
وبيخليكي تحسي فعلا انك قد المسؤليه اللي ربنا اعطاهلنا

ارجو ان الكلام كان مفيد

طبعا مفيد جدا جدا...

جزاك الله كل خير يادكتور احمد ....وجعلك من اهل النجاح والسعاده..

انا عاجبنى كلام براين تريسى عن اننا نحدد عشر اهداف للسنه دى (ممكن اقل او اكثر ...كل واحد حر) ونكتبها على ورقه.. وبعدين نعين الورقه وننساها..
يالانتفق نعمل كده وبعدين ربنا يدينا العمر والصحه نقول بعد كام شهر عملنا ايه..
ولو عشنا لاخر السنه تعالوا نشوف كل واحد حقق كام هدف من العشره..
والله لعبه حلوه..
ايه رايكم ياشباب..؟؟؟

انا موافق يا أمي
بس انا هقللهم شويه بس

شكرا يا أمي

شكرا يادكتور احمد .. ..

والله عندك حق.. ممكن نحط مثلا 5 او 6 اهداف...

...