كتاب "الطريقه الكسوله للنجاح"

V.I.P عدد الرسائل : 2514 تاريخ التسجيل : 28/01/2009

الطريقة الكسولة للنجاح
كيف تحقق كل شئ دون ان تفعل اى شئ
The lazy way to success
How to Do Nothing and Accomplish Everything

مقدمة عن الكتاب:
قد يتبادر للذهن عند قراءة العنوان عدم المنطقية , اذ كيف يتأتى للمرء ان يحقق اى شئ فى الدنيا دون ان يتحرك ويعمل فى سبيل ذلك ,,
ولكن المتعمق فى فصول الكتاب سيدرك ان هذا المعنى ليس بالمقصود حرفيا ,,,,
مبدأ هذا الكتاب ان اى شئ تقوم به دون متعة ودون ذكاء وبوجود مقاومة وضغط يسمى عملا ,
والعكس ,, اى ان اى شئ تقوم به بدافع الاستمتاع او انك تحس بالانسيابية والاستمتاع والحماس اثناء قيامك به لا يسمى عملا .. وهو يرمى الى ان تحقق كل شئ تريد دون ان تشعر انك تعمل اى بمتعة و بدون ضغط .. لذلك سمي الكتاب بتلك التسمية ....

يحاول الكتاب ان يرشدك الى كيفية تحقيق ذلك المبدأ و تكلم عن نقاط كثيرة من اهمها :

- ان محاولة تجنب العمل الشاق كان السبب الرئيسى فى الانفجار الابداعى وظهور الاختراعات و تطور الانسانية

- ان اكتشاف واتباع رسالتك فى الحياة من اهم الاشياء التى تجعلك تحقق ما تريد بدون ان تعمل (او على الادق ان تشعر بانك تعمل تحت ضغط)

يحكى الكاتب عن بداية قصة حياته ويصف نفسه بأنه كان شابا محبا للمتعة و متجنبا للعمل الشاق بكافة اشكاله وان والده كان متضايقا من اسلوب حياته وبالذات بعدما تخرج من كلية ادارة الاعمال و كان لايستمر فى الوظيفة الواحدة اكثر من شهرين ,,
من ثم خرج الأب من صمته عندما تعين هذا الشاب فى وظيفة تعتبر فرصة نادرة لأى شاب و كالعادة تركها بعد مضى مدة قليلة ....

فقرر ان يواجه ابنه بطريقة حضارية عندما بدأ معه الحوار قائلا ( ماهى خططك المستقبلية ؟ )
فأجابه الشاب بحماس شديد ( اود الذهاب لمدينة ساحلية لأستمتع بركوب الأمواج هناك , هل تذهب معى؟ )

فرد الأب ,, وهو يكتم غيظه واحباطه( يا بنى ليس هذا ماقصدته ,, وانما ماذا تريد ان تمتهن فى المستقبل ؟)
فأجابه الابن ( اريد ان اكون ضاربا بالطبل فى الحفلات ) .. وهنا انفجر الأب واتهم ابنه بأنه شاب لعوب وطائش ولا يحب العمل وسيكون فاشلا فى حياته .. الخ ودار بينهما حوار ساخن انتهى بان اصر الابن على موقفه ,, وتركه الاب يائسا منه تماما و مقتنعا بانه انجب ابنا فاشلا ...

وذهب الابن الى تلك المدينة الساحلية ,, واستقر فيها,, وبمرور السنين تعرف الى فتاة وصفها بأنها رائعة وتزوجها وانجب منها ابنا رائعا ايضا وخلال تلك المدة اسس عملا فى مجال يحبه وهو تدريب الناس على نوع معين من التأمل transcendental meditation و هو العمل الذى فتح له ابوابا من العلاقات والتى بدورها فتحت له ابوابا من الفرص فأسس شركة اخرى ..بها عدد من الموظفين حوالى 1100 موظف ,, واصبح فى النهاية رجل اعمال مشهور وناجحا فى حياته

و مقارنة مع زملائه المتمسكين بمبدأ العمل الروتينى الشاق فالفرق بينه وبينهم اصبح شاسعا ,, فاولئك لايزالون يردحون تحت وطء الوظيفة التقليديه وقلة القيمة وندرة المال وانشغال البال ......

لو وجدت العمل الذى تحب فانك لن تعمل يوما واحدا

الجميع يريد المال ,, والجميع يعتقد ان الطريقة الأمثل للحصول على المال هى بالتركيز على المال ,, وبالتالى عمل اى شئ وباقسى طريقة للحصول عليه ,, وهذا المبدأ هو اسوأ طريقة للحصول على المال ,,, فاذا كان السبب الرئيسى لما تفعله الآن هو المال ,, فانك لن تحصل على الحجم الذى كنت تتمناه ,, ولن تصبح خبيرا فى ما تفعله ,, والأسوأ انك لن تكون سعيدا ,,,,

اذا كنت تريد ان تكون غنيا وناجحا وعظيما وتريد كل ذلك بدون اى مجهود ,, فيجب عليك ان تركز ان يكون ما تفعله تنطبق كل او بعض من هذه النقاط عليه :
انك تحب عمله
يلهب حماسك
يحفز ابداعاتك
لا تشعر بالوقت عند عمله ,, يلهمك ,,ويمتعك
انك سوف تفعله حتى بدون اى مقابل
فى هذه الحال فان النجاح سوف يتحقق بالطريقة التالية :
عندما تحب ما تفعل فانه لن يصبح عملا
ستحب فعله اكثر وحينها ستصبح ملتزما بفعله تلقائيا
وكلما التزمت بفعله اكثر , ستمضى وقتا اكثر من بقية الناس فى عمله ودون ان تشعر
ستصبح معلوماتك عنه اكثر من بقية الناس
وكلما زادت معلوماتك اصبحت ذات اهمية
وكلما امتلكت المعلومات المهمة فى ذلك المجال عرفت كيفية حل المشاكل المتعلقة بذلك المجال اكثر من بقية الناس وأصبحت خبيرا
بالتالي امتلكت مهارة اغتنام الفرص المتعلقة بذلك المجال واصبحت مهما لدى الناس ايضا
وكله يجب ان يبدأ بحبك ما تفعل

فاذا التزمت بفعل ما تحب فان المال سوف ياتى كناتج اضافى byproduct ,, وفى دراسه اجراها احد الباحثين فى اوساط الطبقة المتوسطة من العاملين لمدة عشرين سنة ,, وجد ان الذين اصبحوا اغنياء هم الذين التزموا بفعل ما يحبون فقط ,,,,

عندما تلتزم بحب ما تفعل فانك لن تجنى السعادة والمال فقط ولكنك ستجنى ايضا العظمة كخبير فى مجالك الذي تحب و ذا فائدة عظيمة لمجتمعك ,, والأهم انك تكتسب صورة قوية عن ذاتك لايمكن ان تهتز بالصدمات

نصيحتي الحارة لجميع المتقدمين للدراسة الجامعية ,, لاتركزوا على الكليات فقط من اجل العائد المادى ,, وانما على الكليات التى تلهب حماسكم وابداعاتكم

فى النهاية اذا اشتغلت في العمل الذي تحب فستستبدل قولك ( الحمدلله انه يوم الاربعاء ) الى قولك ( الحمدلله انه يوم السبت ).............

عندما تلتزم بحب ما تفعل فانك لن تجنى السعادة والمال فقط ولكنك ستجنى ايضا العظمة كخبير فى مجالك الذي تحب و ذا فائدة عظيمة لمجتمعك ,, والأهم انك تكتسب صورة قوية عن ذاتك لايمكن ان تهتز بالصدمات
كلام رائع يا دكتوره دينا ربنا ينفعنا بيكى دايما جزاكى الله خيرا
يارب حببنا جميعا فى عملناوانفع بنا الامة
اللهم امين

جمييييييييييل اوى الكلام يادكتورة دينا

راااااائع فعلا
الواحد لما بيعمل اى حاجه بيحبها
مهما كانت شاقه مش بيحس ابدا غير بالمتعه
وبينجز فيها بجد
جزاكى الله خيرا كتاب رائع

كلااام رائع يا دكتورة
بس المشكله انى مش عارفه اكتر حاجه بحبها هى ايه؟؟؟؟؟ مع انى خلاص بقيت فى تانيه تمريض
وانا فى المدرسه كنت بحب الانجليزى اووووى وكنت متفوقه فيه وكمان الفيزياء شويه

V.I.P عدد الرسائل : 2514 تاريخ التسجيل : 28/01/2009

بس المشكله انى مش عارفه اكتر حاجه بحبها هى ايه؟؟؟؟؟
اتكلم معاك بصراحه ياهاله....
وانا اصغر من كده 15 سنه كنت حاسه انى متضايقه من كل حاجه باعملها..
شغلى ودراستى وبيتى... ولما خلفت واصبحت ام ... زاد احساسى بالضغط العصبى لانى كنت حاسه ان كل الحاجات دى مسؤليات بتضغط على اعصابى..
لما نضجت اكتر واتعلمت تنميه بشريه .. اتعلمت احب المسؤليات اللى ربنا كلفنى بيها واشكره عليها لانها نعم مش حاجه وحشه..
نعمه انى اكون زوجه وام.. ونعمه انى اكون طبيبه و احضر دراساتى العليا.
ورغم المجهود الشاق اللى كنت بابذله ولسه لغايه دلوقت بابذله فى كل اتجاه الا انى اتعلمت احب كل حاجه باعملها...... واتعلمت ان النعم لابد لها من مقابل ندفعه.. فاذا كان لابد علينا من دفع الثمن.. فلماذا لاندفعه ونحن راضيين وسعداء..
دلوقت انت عندك نعمه وهى انك طالبه فى كليه محترمه و ان شاء الله لما تتخرجى هاتشتغلى فى مهنه ساميه وتساعدى المرضى والضعفاء.. لو حبيتى الفكره دى .. اكيد هاتحبى كل حاجه فى الكليه وهاتحبى المواد اللى بتخديها كلها كمان..
ربنا يوفقك..ويجعلك ماهل النهضه

دكتورة مش عارف ليه عندي شوية مقاومة للكلام دا
مش عارف دا ليه يمكن عشان ثقافة مجتمعنا
ولا يمكن عشان الموضوع فيه شوية تبسيط مخل
يعني الكاتب بيتكلم عن النجاح وكانه حاجه سهله اوي
مش عارف انا حاسس ان النجاح بيحتاج لوجع قلب ولو جه بالسهوله دي هيروح بسهوله برضو
يعني تخيلي كدا يا دكتورة ان انتي اخدتي الدكتوراه بسهوله هل كنتي هتحسي بالنجاح اللي انتي فيه دلوقتي؟
بصراحه يا دكتورة مش عارف
انت راي حضرتك ايه؟

V.I.P عدد الرسائل : 2514 تاريخ التسجيل : 28/01/2009

dr_agaas كتب:: دكتورة مش عارف ليه عندي شوية مقاومة للكلام دا
مش عارف دا ليه يمكن عشان ثقافة مجتمعنا
ولا يمكن عشان الموضوع فيه شوية تبسيط مخل
يعني الكاتب بيتكلم عن النجاح وكانه حاجه سهله اوي
مش عارف انا حاسس ان النجاح بيحتاج لوجع قلب ولو جه بالسهوله دي هيروح بسهوله برضو
يعني تخيلي كدا يا دكتورة ان انتي اخدتي الدكتوراه بسهوله هل كنتي هتحسي بالنجاح اللي انتي فيه دلوقتي؟
بصراحه يا دكتورة مش عارف
انت راي حضرتك ايه؟

ازيك يااحمد..
انا احييك على صراحتك ..
الكاتب مابيلغيش قيمه التعب والاجتهاد فى طريق تحقيق النجاح..
هو ببساطه بيقول لنا انه كل ماكان عندنا حب ورغبه فى ما نفعل.. كلما قل المجهود والضغط اثناء تاديه هذا العمل..
تعال انا وانت نبص للناس الناجحه (الناجحه بجد مش اللى ناجحه كده وكده.).
كل الناس الناجحه فعلا عندهم حب شديد للشئ اللى نجحوا فيه..
الرسول عليه الصلاه والسلام..
كان بيحب رسالته ومخلص لها.. علشان كده التعب اللى كان بيشوفه والمقاومه اللى كانت ادامه من الكفار و المشركين ماكانتش بتاثر فيه..
الرسول كان عنده حب كبير شاغل تفكيره ..وبلتالى عمره مااتنرفز ولااتعصب ولا دعا على حد عارضه والابتسامه دايما كانت لاتفارق وجهه الكريم...
كان كل مايتعب يقول : ارحنا بها يابلال..طبعا يقصد الصلاه..
يعنى كان حبه لله ولرسالته هو سلاحه القوى ووسيلته للاحساس بالراحه والطمأنينه..
انا عارفه ان التبسيط ممكن يكون زياده.. لكن انا فعلا مريت بالاحاسيس دى..
كنت باذاكر وانا متضايقه وزهقانه..
كنت بتعامل مع ولادى وانا عصبيه ..
وكنت باروح الشغل وانا باقول فى سرى: يارب القسم يقع النهارده واروح مالاقيهوش..
لما تفكيرى اتغير.. وحبيت مسئولياتى.. اتغير شعورى من ناحيتها..
كنت الاول باحس انها جبل وانا مفعوصه تحته..
دلوقت باحس انها شرف وتكليف ربنا كرمنى بيه ولازم احب واتحمل مسئولياتى ورسالتى فى الحياه..
كل واحد فينا لو حب رسالته - رسالته مع ربنا ومع وظيفته ومع اهله - اكيد هايعملها كويس

شكرا يا دكتورة دينا
انا مقتنع براي حضرتك تماما
جزاكي الله عنا خيرا

V.I.P عدد الرسائل : 2514 تاريخ التسجيل : 28/01/2009

اكتشاف رسالتك في الحياة

رسالتك في الحياة هي اكبر من الوظيفة أو المهنة ,,
وكل واحد لديه لرسالة محددة في الحياة تحقق له : اكبر إمكانيات للنمو والنجاح والسعادة
- هى اكتشاف الطريق الذي بواسطته تشعر انك مهم وتساهم بشئ في الحياة..
- عندما تكتشف رسالتك فى الحياه.. سيكون تحقيقك للنجاح اسهل بكثير و ايسر من ان تمشى متخبطا لاتدرى اى طريق تسلك..
-عندما تكتشف رسالتك فى الحياه.. لن تقابل مشكلات وصعوبات .. بل تحديات تحتاج للتعامل معها بمرونه للتغلب عليها فى طريقك لتحقيق ماتصبو اليه

للأسف فان الذي يحدث في العالم هو التفكير فى ان العمل يكون من اجل المال بغض النظر عن حبه لهذا العمل وبغض النظر عن مدى اتفاقه مع رسالته في الحياة.. والكثير لا يعرف ما رسالته في الحياة مع انها اهم شئ فى الحياة ( الهدف من الحياة هو أن يكون لك هدف فى الحياة)

اكتشاف رسالتك فى الحياة ليس بالشئ الصعب ..
كل النشاطات التى تؤدى الى اكتشاف او تحقيق رسالتك هى تلك التى تشعر معها بالسعادة والقوة والنمو الداخلى
اعرف انك فى الطريق الصحيح عندما يكون نشاطك:

· يعطيك المتعة
· يبدو طبيعيا ومريحا وصحيحا

اذا لم تشعر بذلك فانظر فى الآتى:

· اين تكمن مجالات تفوقك
· اى المجالات التى تشعر بنوع من العاطفة نحوها
· اى المجالات التى تلجأ اليها كنوع من الترفيه والراحة

نشاطك يجب ان :

· يكون مهما بالنسبة اليك
· يعطى لونا لحياتك
· يملؤك بالشعور بانك تؤدى مهمة مهمة وبانك مهم

اذا لم يكن كذلك فانظر:

· ما هى المواقف التى يسرك ان تقدم نفسك وخدماتك
· ما هى المجالات التى تشعر فيها بان الناس فى حاجة اليك فيها
حاول ان تلاحظ وتجاوب على هذه الأسئلة

كيف تعرف انك لست فى الطريق الصحيح :

تصف نشاطك بكل او بعض من الآتى:

· مجهود مؤلم
· عمل مضني وخانق
· روتينى محبط
· رتيب ممل شنيع
· غير ممتع غير محفز غير ملهم
· مجهد , مرهق , طويل , مضجر
· يقصم ظهرك
· تمرين لا فائدة منه
· عمل شئ لا تود فعله
· تظن انه من ان واجبك ان تعمل بمجهود لتنجح

عدم اتباع كل واحد من البشر لرسالته فى الحياه ادى الى الجشع والطمع (والحقد والتعاسة وتدنى الخدمات)

كل واحد منا له رسالته الخاصة ,, فلا يجوز ان تتقمص رسالة احد آخر

فى كتابه (الحب , الطب, والمعجزات) يحكى د. بيرنى سيغال عن شاب اجبرته اسرته على ممارسة المحاماة ,, وبعدما بدأ فى ذلك بمدة ,, ظهر لديه مرض السرطان ,, وعندما عرف انه حياته قد اوشكت على الانتهاء قرر ان يحقق رغبته القديمة وهى تعلم العزف على الكمان ,, وبعد سنة غير مجاله تماما ولم يرجع أبدا لمهنة المحاماة

الكيمياء الحيوية للسعادة

الباحثون أكدوا أن المخ ينتج ناقلات عصبية تسمى اندورفين ,, وهى مواد تشبه المورفين في مفعولها من حيث القضاء على الألم وتوفير الشعور بالسعادة بل أقوى بحوالي 30 إلى 50 مرة ويحدث ذلك عندما نفكر ونتصرف بطريقة صحيحة( يعنى تتناسب مع رسالتنا)

فكر فى ذلك عندما تعمل بطريقة صحيحة فان المخ يفرز الاندورفين كمكافأة ,,, أرأيت نحن مبرمجين حيويا وعضويا ان نتبع ما يحقق سعادتنا

وللحديث بقية: الآداء المثــــالى

شكرا دكتورة دينا علي المواضيع المتالقة
عجبني جدا الجملة دي

اقتباس :: الهدف من الحياة هو أن يكون لك هدف فى الحياة

ومتشوق للموضوع القادم
الاداء المثالي

V.I.P عدد الرسائل : 2514 تاريخ التسجيل : 28/01/2009

السلام عليكم شباب..
يبدو كلام الكتاب غريبا بالنسبه لنا..لكن تعالوا ندقق اكثر فى امور حياتنا..
كم هناك فى بلادنا من اطباء ومهندسين وحمله شهادات مرموقه وهم فى الحقيقه اناس فاشلون لايمتون للنجاح بصله..
كم من طبيب تعامل مع مرضاه وكانهم اشياء تجلب له المال وليسوا ارواح واناس من لحم و دم ومشاعر..
كم من مهندس لم يلتزم فى عمله وبياع ضميره فتهدمت مبانى ومدارس على رؤس قاطنيها..
كم من مدرس تعامل مع مهنته الساميه باستخفاف ولامبالاه.. فاخرج لنا اجيالا لاتعلم شيئأ..
كل هذا لان كل من هؤلاء لم يحب مهنته ولم يقدرها حق قدرها..
ان عامل البناء الذى يحب عمله ويخلص له .. افضل الف مره من استاذ الجامعه الذى لايحمل رسالته ولايؤديها بحقها..
لابد ان نتعلم ان نحب مانعمل وان نعمل ما نحب لنحصل على النجاح الحقيقى ولابد ايضا ان يعلم كل منا رسالته حتى يعلم اولوياته ويتعلم كيف يحقق اهدافه.. ويقيس نجاحاته بمدى قربه من تحقيق رسالته..وليس بكم المال او الشهره التى يحصل عليها..

لابد ان نتعلم ان نحب مانعمل وان نعمل ما نحب لنحصل على النجاح الحقيقى ولابد ايضا ان يعلم كل منا رسالته حتى يعلم اولوياته ويتعلم كيف يحقق اهدافه.. ويقيس نجاحاته بمدى قربه من تحقيق رسالته..وليس بكم المال او الشهره التى يحصل عليها
عند حضرتك حق يا د كتوره دينا
وانا مقتنعة بكلام حضرتك مليون فى المية
بس يارب اقدر احقق اللى انا عاوزاه
شكرا د دينا

V.I.P عدد الرسائل : 2514 تاريخ التسجيل : 28/01/2009

شكرا ياريهام على ردك... وان شاء الله تحققى كل ما تحبين وترغبين فى الحياه..
وعلى فكره: انا معجبه جدا باسمك.. ملكه بحجابى.. الاسم ده معناه جميل قوى.. وان انت من حبك لحجابك واعتزازك بيه شايفه انك ملكه بيه..
بعكس بنات تانيه شايفه ان الحجاب ده موضه والوان.... وبنات تانيه شايفاه خنقه وتخلف...
شفتم بقى ياشباب ان حب اى عمل ضروره علشان نقوم بالعمل ده صح ومن غير مانحس انه عبء علينا

ما شاء الله

كتاب راااائع

واضح من مضمونة اننا لسة هنستفيد منه كتير يا دكتورة

ان شاء الله فى انتظار البقية

شكرا يا دكتورة دينا على توضيح حضرتك
فعلا الحق مع حضرتك ان كل واحد ربنا وضعه فى مكان لازم يأدى فيه على أحسن وجه
وينظر على أختيار ربنا ويقول سبحان الله حكمه ربنا انه وضعنى فى المكان ده.

V.I.P عدد الرسائل : 2514 تاريخ التسجيل : 28/01/2009

شكرا يامى و ياهاله على متابعتكم وردودكم

الأداء المثالى

هذا الفصل سوف ينقل سعيك نحو السعادة الى قمة جديدة ,, الى مستوى عالى من الكمال
سوف نبحث فى الآداء المثالى وكيف يمكنك تحقيقه

فكر الآن بالأوقات التى كنت تشعر فيها بالتألق والتى كان فيها أداؤك يتدفق بدون حدود

هل كنت تشعر بالآتى :
( لقد كنت اعمل ضمن دائرة الحيوية والنشاط , كل شئ كان يسري بانسيابية فى طريقي ,, الأحداث كانت تحدث بالحركة البطيئة,, كل شئ فقد صفته العادية واصبح اكثر اشراقا ووضوحا ,,, افكارى كانت واضحة وملهمة ,, استطيع فجأة ان استرجع كل تفاصيل تلك الأحداث بسرعة وبوضوح ,, ذلك لأنى كنت اعيش تلك اللحظات بشكل كامل ,,

كنت غير مكترث بموضوع الفوز و الخسارة أو النجاح والفشل ,...لقد كنت اتصرف بحرية واتعامل بتلقائية بدون سابق تفكير او استعداد ,, والنتائج كانت رائعة ,, كنت اعيش فوق مستوى ذاتى العادية ,,

كنت فى انسجام كامل سواء مع ما كنت افعله او مع زملائى او الآلة او الطبيعة ,, و كنت اعمل بتركيز كامل و نوعية اداء غير مسبوقة ,, والأكثر من ذلك كله اننى كنت اشعر بالسعادة والانجاز)

اذا كنت قد شعرت بهذه المشاعر فأنت لست وحدك .. هذه هى نفس المشاعر التى يصفها المشاهير اثناء ادائهم العالى ,, هذا الآداء العالى ما هو الا تعبير عن الانسيابية و انعدام المجهود والذى سوف نتعلم كيفية تطبيقه

التدفق:
عرف احد علماء النفس التدفق بانه حالة من الاستغراق والافتتان توجد بين حالتى الملل والتلهف(القلق) ,, يعنى ان الاشخاص الذين يكونون فى مرحلة التدفق ,, يكونون مستغرقين باستمتاع فى اعملهم دون ملل ودون تلهف ,خوف, او تركيز على الذات فى ما يخص مستوى أدائهم

للأسف ,, معظم الناس لا يعيشون حياتهم فى هذه الحالة ... هم دوما ينتقلون من مرحلة الوظيفة التى لايحبونها الى انشطة ملؤها الفراغ و السلبية والتى لا تقدم اى نوع من التحفيز وبالتالى تمر الحياة ما بين الملل والقلق..

على العموم فان الشخص عندما يكون فى حالة من التدفق فان الابتعاد يتحول الى التزام , الاستمتاع يحل محل الملل ,, العجز يتحول الى التحكم ,, والطاقة الروحية تعمل لتقوى الاحساس بالذات بدلا عن الضياع فى سبيل تحقيق الاهداف الخارجية.

كل من مر بمرحلة حالة التدفق يحاول( اى بقوة) ان يستعيد تلك الحالة مرة اخرى ,, ولكن هذه الحالة ,, مثل حالات التأمل والاسترخاء المحاولة فيها لا تنجح بسهوله الا مع التركيز التام ..

النقطة التالية هى عدم الارتباط بالنتيجة
مفتاح التجربة المثالية : اتبع ما يحقق سعادتك دون ان ترتبط بالنتيجة النهائية ,, ركز على خطوات العملية وليس على النتيجة النهائية
أوقات التدفق هذه سوف تأتى عندما ننغمس فى اعمالنا ونرتفع فوق الأنا التى تحاول التحكم والسيطرة واداؤنا يتدفق بحرية وبصورة طبيعية

V.I.P عدد الرسائل : 2514 تاريخ التسجيل : 28/01/2009

الطريقة الكسولة للقوة والفعالية

سر قوة الطريقة الكسولة يتماشى ايضا مع تركيبة العالم .. كل شئ يتكون من طبقات .. الطبقات الظاهرة هى الأصلب ومن ثم تتدرج الى طبقات داخلية اقل ظهورا .. وحركة ..وصلابة.. واكثر سكونا وصمتا,,, ولكنها تمثل الأساس للطبقات القوية..

حتى من نظرة الفيزياء الكمية فاننا عندما ننظر حولنا فاننا نرى عالما من اشياء ملموسة وصلبة.. ولكنها جميعا تتكون من جزيئيات وهذه الجزيئيات تتكون من ذرات وهذه الذرات ايضا تحتوى على اجزاء اصغر .. وفى هذه المرحلة كل مظاهر العالم التى نشاهدها تختفى تماما وفى داخل هذه الأجزاء توجد تموجات .. هذه الأجزاء الصغيرة والتى تعتبر وحدة بناء تلك العوالم .. هى ليست ضعيفة او حقيرة على الاطلاق ,, وهى التى يطلق عليها بعض الفيزيائيين حزمة الأمواج. هى اقوى منطقة على الاطلاق ,,

ليس فى الفيزياء فقط:
وانما فى وظائف الجسم ,,, حيث يتكون الجسم من اعضاء والتى تتكون من انسجة وخلايا .. وهذه الخلايا تحتوى على انوية والتى تحتوى على الحمض النووى الذى يكون الشفرة لكل وظائف وشكل الجسم..

من المهم جدا ان نستوعب هذا المعنى ,, واذا استوعبنا هذا المعنى يمكننا ان ندخل الى اعماق القوة الرهيبة
الحقيقة التى تصدم معظم الناس هى ان الغير مرئى هو الأقوى من المرئى او الظاهر,, هذا المبدأ صحيح مئة بالمئة ,, الغير مرئى والذى يمثل الأساس لكل الطبقات التى تكون اى نظام فى الكون دائما هو الأقوى من كل الطبقات الظاهرة التى فوقه .
هنا يكمن سر النجاح ,, وسواءا استخدم بدراية او صدفة فهو الأساس لكل الحلول وكل النجاحات..

مقارنة بين قوة الظاهر (الضخم) وقوة الغير مرئى (الضعيف او الهش):

لنفرض اننا اسقطنا من طائرة فى الجو اربعة اطنان ونصف من المطارق نحو الأرض فانها سوف تصنع حفرة فى الأرض كبيرة ولكنها سوف لن تنجح فى سبر اعماق سحيقة داخل الأرض...

ماذا لو اننا فجرنا اربعة اطنان ونصف من الديناميت .. سوف تحدث حفرة اكبر واعمق من التى احدثته المطارق .. لماذا .. لأن المطارق احدثت الأثر نتيجة لقوتها السطحية فقط ,, اما الديناميت فقد احدث الأثر نتيجة لتفاعل داخلى لمركبات غير ظاهرة ,, لذلك كانت اقوى

لنتذكر الآن ( ولندعو الله الا يحدث ذلك مرة ثانية) ,,, القنبلة الذرية التى القيت على هيروشيما,,,,كانت تزن ايضا اربعة اطنان ونصف ,, ولكنها احدثت اثرا يساوى عشرين الف طنا من الديناميت .. 4440 مرة اكثر تدميرا من الديناميت,,

والقنبلة الهيدروجينية أقوى من القنبلة الذرية العادية .. لأنها تستعمل ذرة الهيدروجين وهى ابسط وأخف من ذرات اليورانيوم المعقدة والثقيلة المستخدمة فى القنبلة النووية
أقوى قنبلة هيدروجينية جربت حتى الآن تعادل قوتها التدميرية قوة 57 مليون طن من الديناميت ,, فى حين ان وزنها اقل من 4 طن ونصف

بالرغم من انهما الاثنين يستخدمان معادلة انشتاين الطاقة = الكتلة * مربع سرعة الضوء ... الا ان طاقة القنبلة النووية تنتج من انقسام النواة فى حين ان طاقة القنبلة الهيدروجينية تنتج من اندماج نواتين مع بعض ( زيادة غير المرئى)

كل التطور الذى حدث فى العالم وكل التقنيات الحديثة كانت نتيجة فى زيادة الغير المرئى فى كل المجالات ,,

كيف تواجه المارد الضخم وتفوز
كلنا سمع بقصة ديفيد الذى انتصر على المارد الضخم عندما استخدم احد قوانين الفيزياء الصغيرة ضد قوة وضخامة المارد باستخدامه اداة المقلاع

القنبلة التى استخدمت لانهاء الحرب العالمية الثانية طورها مجموعة من العلماء فى لوس انجلس وليس مجموعة من الجنود او المقاتلين فى الجيش
ولكن هل بالامكان ان نقاوم الأسلحة نفسها التى اصبحت خطرا باستخدام وسائل اصغر من الأسلحة ؟ اجل ,, والحكمة القائلة ان القلم اقوى اثرا من السلاح يعطينا فكرة ..

نابليون قال : هنالك قوتان فى العالم ,, السيف والعقل ,, على المدى الطويل قوة العفل هى التى ستفوز
الفكرة عندما تعبر عنها بصورة جيدة تؤثر فى الناس كما وكيفا اكبر من قوة السلاح ,.

ولكن ماذا اذا كان الشخص الاخر لا يقتنع فما الحل ,,, نلجأ الى وسيله اعمق و اكثر رقة من العقل الا وهى القلب واستخدام المشاعر والعواطف وفى مقدمتها الحب ...

وللحديث بقية : الطريقة الكسولة ( والوحيدة ) لحل المشاكل

كلام رائع د/ دينا
ودايما الناس تقول ( ما خفى كان أعظم)
[/quote]ولكن ماذا اذا كان الشخص الاخر لا يقتنع فما الحل ,,, نلجأ الى وسيله اعمق و اكثر رقة من العقل الا وهى القلب واستخدام المشاعر والعواطف وفى مقدمتها الحب ...

فعلا ..... صح جدا
أنا لسه مجربه الطريقه دى انهاردة

ايه الكلام الجميل دا يا دكتورة!!!!!!!!!!!!
الراجل دا ملاحظاته قوية جدا
ولما يوصل للدرجة دي من الفهم يبقي لازم الواحد يقراله

القوة جميل اوي ان احنا ندور عليها
بس تعرفي يا دكتورة
ان الضعف جميل برضو

اوعو تفهموني غلط
لما نستخدمه صح
تخيلي كدا زوجه بتظهر لزوجها اللين احتراما مش ضعف ضعف خدوا بالكم من كلامي
في فرق بين الضعف واستغلال الضعف
يعني انت مش ضعيف بس بتظهره في بعض الاحيان
طبعا مش نفاق برضو ولا حاجه
زي الاطفال كدا دا نوع من الذكاء

اقصد ان التوازن جميل مش معني ان احنا نبقي اقويا اننا نلغي الضعف من حياتنا بس بمزاجنا
انتي رايك ايه يا دكتورة؟

V.I.P عدد الرسائل : 2514 تاريخ التسجيل : 28/01/2009

شكرا ياهاله عتلى تعليقك..
شكرا يااحمد عتلى ردك...
كلامك معقول وكويس جدا.. اللين والرفق ده ئ رائعت..
قال الله تعالى: ولو كنت فظا غليظ القلب لانفضوا من حولك.. صدق الله العتظيم..
وقال رسول الله صلى الله عتليه وسلم..
ماكان الرفق فى شئ الا زانه..
طبعا اللين مع الزوج ده شئ رائع..
لكن ايه رايك كمان فى اظهار اللين والرفق مع الزوجه.. مش برضه شئ رائع..؟؟

راااااااااااااائع جدا جدا

الافكار كتيرة قوى فى الجزء اللى فات

ومتشوقة انى اقدر افهم كويس قوى الطريقة الكسولة للنجاح

فى انتظار بقية الكتاب

V.I.P عدد الرسائل : 2514 تاريخ التسجيل : 28/01/2009

انا دورت على بقيه الكتاب ياشباب بس للاسف مش عارف الاقيه..
انا هاحط لكم حاجه لها علاقه بالكتاب دلوقت وياريت نكمل احنا مناقشه..
ياترى مااهى الطريقه الكسوله لحل المشاكل..؟؟

هذه التقنية - كما يقول احدخبراء التنميه البشريه- هى خلاصة خبرة 15 عاما من التجربة .....
فهى بالاضافة الى انها تعيد نشاط العقل فانها فى نفس الوقت تنشط قانون الجذب وتسهل مسألة تحقيق ما تريد ..

وهى تقنية لا تحتاج منك الى فعلها الا مجموعة من الورق و اقلام ملونة ووقتا مستقطعا من يومك حوالى الساعة او اكثر قليلا دون ان يقاطعك احد ....

و بالمقابل فانك ستشعر بعدها بخفة فى الرأس ووضوح فى الرؤية والتفكير وتنظيم فى الأفكار والأهداف ...
ولن تحتاج الى تكرارها الا كل مرة فى الشهر وبالطبع لن تأخذ منك نفس الوقت الذى اخذته منك فى اول مرة....

الطريـــــــــــــــــقة:

الخطوة الأولى: (الالتزامات )
فى احد الأوراق اكتب بلون معين قائمة بكل ما يجب ان تفعله (TO DO LIST ) ,, وهذه تضمن كل الالتزامات الأسرية و المنزلية وفى العمل ,, والالتزامات المالية ,, والاجتماعية,, والصحية ,, كل ما يجب ان تفعله وظللت تؤجله ,, كل شئ حتى يتعب عقلك من التفكير ولا تجد شيئا تكتبه من هذه الاالتزامات ,, خذ فترة استراحة,,

الخطوة الثانية : ( الرغبات)
فى ورقة اخرى وبلون اخر اكتب كلما تحلم ان تحققه فى حياتك ,, اذا كانت السماء هى الحد التى يمكن ان تقف عنده ,, والمال لم يكن عائقا ,, ما هى الأشياء التى تود تحقيقها ,, ماذا كنت ستفعل ,, اين كنت ستعيش,, وكيف ,, ماذا ستمتلك ,, احلم احلام كبيرة .. اذا انتهيت من كل شئ خذ راحة...

الخطوة الثالثة: ( المخاوف)
فى ورقة اخرى ولون اخر اكتب جميع مخاوفك فى الحياة فى كل مناحى حياتك ,, هل تخشى الفقر,,,, المرض,, التقدم فى السن ,, ان يحتال عليك ,, ان يختطف اولادك ,, ماذا يعتقد فيك الناس ,,,, العقارب ,, الأماكن الشاهقة ,, ماهى المخاوف التى تمنعك من فعل ما تود فعله وتحقيق ما تود تحقيقه...

الخطوة الرابعة : ( المراجعة)
ابدأ بقراءه كل ما كتبته بصوت مرتفع ابتداءا من الالتزامات

الخطوة الخامسة : (الاضافة)
اثناء قراءتك ,,, ربما تقفز الى ذهنك اشياء جديدة ,, اضفها فى مكانها المناسب

الخطوة السادسة : (فحص بنود المخاوف)
كل ما مررت ببند معين ,, فكر فى حلول او خطوات عملية يمكن بواسطتها تفادى او التقليل منها ,,
اضف هذه الخطوات الى بنود الالتزامات و مع وضع ملحوظة انها حل لبند كذا من المخاوف ...
احذف هذا البند من بنود المخاوف .. اذا فكرت فى رغبة جديدة اضفها الى بنود الرغبات,,,

الخطوة السابعة: ( فحص بنود الرغبات )
كلما مررت ببند معين ,, فكر فى حلول وخطوات عملية للوصول الى هذه الرغبات ,,,
ايضا اضف هذه الخطوات الى بنود الالتزامات مع وضع الملحوظة... واحذف هذا البند من بنود الرغبات ,, واذا فكرت فى مخاوف جديدة اضفها الى بنود المخاوف,,,

الخطوة الثامنة: (ترتيب الالتزامات)
نظم اولويات الالتزامات ,, وركز على عمل الخطوات يوما بيوم ,, وعندما تنجح فى عمل بعض البنود .. اشطبها من بنود الالتزامات ,,, ستندهش من كيفية شعورك عندما تفعل هذه التقنية,,

اتمنى ان تستفيدوا من الموضوع ,,,

الى اللقاء

شكرا جزيلا ليكى يا دكتورة

انا باعمل كده فى المذاكرة بس

الحمدلله بتريحنى جدا

لانى مش باكون مضطرة انى طول الوقت افضل افكر انا ناقصنى ايه

جزاكى الله خير دكتوره دينا
بالنسبه للكتاب جميل مع انى كان نفسى اخلصه
لو وجدت العمل الذى تحب فانك لن تعمل يوما واحدا
عندما تكتشف رسالتك فى الحياه.. لن تقابل مشكلات وصعوبات .. بل تحديات تحتاج للتعامل معها بمرونه للتغلب عليها فى طريقك لتحقيق ماتصبو اليه
استطيع فجأة ان استرجع كل تفاصيل تلك الأحداث بسرعة وبوضوح ,, ذلك لأنى كنت اعيش تلك اللحظات بشكل كامل ,,
الهدف من الحياة هو أن يكون لك هدف فى الحياة
الكلام ده كله جميل
فعلا الواحد اما يعمل حاجه بدون ضغوط وهو حببها بيستمتع بكل وقته فيها بل بينسى الوقت
بالنسبه للمذاكره ده ما بيتحققشى اوى عشان الضغوط والمناهج اللى عليناوالامتحانات بس ان شاء الله بنحاول نتخلص من ده ونحاول نحب الطب
بس فعلا انا اما كنت بروح الصيدليه عشان هى مش مفروصه عليا كنت بحس انها متعه اليوم
بالنسبه لكتلبة الالتزامات والرغبات
نفسى ما بتحبنيش افرض حاجه عليها مش عارفه اربيها ازاى
بتعمل اخرها لكن من غير هدف فبيبقى الجهد مش للاخر اوى وبتبقى الفرحه بالنجاح مش للاخر اوى ما بتستجبشى للكتابات والاهداف
يا ريت تفيدونى

LIVE IT RIGHT

اذا غامرت فى شرف مروم فلا تقنع بما دون النجوم
فطعم الموت فى امر صغير كطعم الموت فى امر عظيم

beeeeeeeeeee or not to be

مشرف عدد الرسائل : 372 تاريخ التسجيل : 28/11/2009

الكتاب حلو بجد يا دكتورة دينه بس برضه صعب تنفيذه انافعلا متاكدة ان الحاجة لو بنعملها بحب مش هنحس بانها شغل بس اكيد انا متعلمتش الحكايه ديه من المذاكرة بس الاكيدفعلا اننا هحاول بصدق وباخلاص وباصرار اني احب الي بعمله وربنا يسهل بقه

V.I.P عدد الرسائل : 2514 تاريخ التسجيل : 28/01/2009

السلام عليكم شباب..
شكرا يامى على ردك انت وميرنا وعلا..
بصى ياعلا انت وميرنا.. انا سعيده جدا جدا بصراحتكم.. بس انا كمان لازم ابقى صريحه معاكم..
عمركم ماهتقدروا توصلوا للى انتم عايزينه الا لما تجبروا نفسكم على حاجات انتم مابتحبوهاش..
وكل مازادت قدرتنا على التحكم فى اهواءنا ورغباتنا اللحظيه لصالح اهدافنا ورغباتنا االبعيده المدى واللى لها علاقه بنجاحنا فى الدنيا والاخره.. كل مااصبحنا فعلا ناس ناجحه وحققنا مانتمنى لانفسنا..
افتكروا بيت الشعر ده كويس لانى كل شويه باردده لنفسى
..
لاتحسبن المجد تمرا انت اكله...لن تبلغ المجد حتى تلعق الصبر
..
هاتقولوا لى امال يادكتوره حضرتك واجعه دماغنا ليه بالكتاب ده والكسل اللى يوصل للنجاح..
هاقولكم ان المقصود والمغزى هو ان حب الشئ اللى بنعمله بيزود الااراده والعزيمه..
وبيخلى رؤيتنا للطريق واضحه.. وبيقلل المقاومه الداخليه للشئ ده..
الحاجه بتبقى صعبه علينا ياميرنا وياعلا علشان مش حاسيين بقيمتها وغلاوتها.. لو حسينا بقيمه اهدافنا.. وحسينا اد ايه ربنا هايفرح بينا واحنا ناس ناجحه..
كنا حبينا المذاكره النجاح وعرفنا قيمتهم واشتغلنا واحنا مبسوطين....
لكن للاسف الشيطان زين لنا حلاوه اللعب والتوهان وصعوبه العمل والمذاكره
..
يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ ( 38 ) إِلاَّ تَنفِرُواْ يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلاَ تَضُرُّوهُ شَيْئًا وَاللّهُ عَلَى كُلِّ شَيْءٍ قَدِيرٌ

متشكره جداااااااااااااااااااااااااااااااااااااااااااا يا دكتوره دينا
جزاكى الله خير
متعرفيش حضرتك انا كنت محتاجه بيت الشعر ده اد ايه
مش عارفه حاسه انه هيغير فيه كتيييييييييييييييييييييييير
LIVE IT RIGHT
لا تحسبن المجد تمرا انت اكله
لن تبلغ المجد حتى تلعق الصبر
DOOOOOOOOOOOOOOOOOOO TO FIND

V.I.P عدد الرسائل : 2514 تاريخ التسجيل : 28/01/2009

انا اللى متشكره ليكى ياعلا على ردك على وتفاعلك مع الموضوع وصراحتك..
يارب ينفعك بكل شئ جميل تقرأيه.. وافتكرى..
ماتركز عليه.. تحصل عليه

مشرف عدد الرسائل : 372 تاريخ التسجيل : 28/11/2009

والله يا دكتورة الكلمات بتحتار مع حضرتك اقولك ايه واشكرك ازاي يمكن لو وعدتك من دلوقتي اني مش هتبع هواي اكيد ده هيفرح حضرتك وطبعا هيجي علي دماغيانا بس فعلا انا هاخذ العهد ده بجد وربنا معانا ان شاء الله

سلام عليكم
ع فكره يا دكتوره دا من احلى المواضيع اللى قريتها
فعلا لما بنحب حاجه مش بنحس بالتعب فيها وحتى لو تعبنا بنتلذذ بالتعب دا يعنى ماما دا يما تقولى تعبك راحه يا حبيبتى
بس انا زيكم بتعب اوى من المزاكره والمحاضرات لانى مش مستمتعه بيها كله حفظ وحشو وندخل الامتحان ننسى نص اللى زاكرناه وبعد الامتحان ننسى الباقى كنت لسه بحكى مع دكتوره دينا انى بتعصب وانا بزاكر ووالله بعيط كمان لدرجه انى وقعت مريضه ولجات للمهدئات بس قلت اخرتها ايه قررت اسيبها لله وازاكر وانا بضحك بيتهيالى لما فعلا بنرمى حمولنا ع ربنا تلاقى النفس هديت وحبيت اللى انت بتعمله
وربنا يخفف عنا جميعنا ويرزقنا الحب ف كل شىء

V.I.P عدد الرسائل : 2514 تاريخ التسجيل : 28/01/2009

Omar كتب:: والله يا دكتورة الكلمات بتحتار مع حضرتك اقولك ايه واشكرك ازاي يمكن لو وعدتك من دلوقتي اني مش هتبع هواي اكيد ده هيفرح حضرتك وطبعا هيجي علي دماغيانا بس فعلا انا هاخذ العهد ده بجد وربنا معانا ان شاء الله

الله على كلامك ياميرنا..
والله كلماتك دى عندى بالدنيا وماعليها..
يارب يبارك فيكى.. وافتكرى.. وعد الحر دين عليه

V.I.P عدد الرسائل : 2514 تاريخ التسجيل : 28/01/2009

تبارك كتب:: سلام عليكم

بيتهيالى لما فعلا بنرمى حمولنا ع ربنا تلاقى النفس هديت وحبيت اللى انت بتعمله
وربنا يخفف عنا جميعنا ويرزقنا الحب ف كل شىء

كلامك جميل ياتبارك ..فعلا.. لازم كلنا ندعى ان ربنا يخفف علينا الحمول ..ويرزقنا الحب..
حب ما يحبه ويرضاه..
اللهم انا نسالك حبك.. وحب من يحبك.. وحب عمل يقربنا الى حبك..
ياااااااارب .. يوفقكم كلكم ويخليكم تحبوا المذاكره.. يااااارب

V.I.P عدد الرسائل : 2514 تاريخ التسجيل : 28/01/2009

الكلام ده عجبني أوي يا دكتورة دينا بس أكيد مش بين يوم وليلة هنحب المذاكرة فياريت حضرتك تقوليلنا على طريقة نحب بيها المذاكرة بس تكون سريعة ومريحة وكسوله Sleep

V.I.P عدد الرسائل : 2514 تاريخ التسجيل : 28/01/2009

Dr.Ascendant كتب:: الكلام ده عجبني أوي يا دكتورة دينا بس أكيد مش بين يوم وليلة هنحب المذاكرة فياريت حضرتك تقوليلنا على طريقة نحب بيها المذاكرة بس تكون سريعة ومريحة وكسوله

شكرا ياعفاف على مرورك..
بصى بقى ياست الكل..
الحب والكره اساسا مبنيين على قرارات داخليه مسبقه..
يعنى كل مازادت قدرتى على التحكم فى نفسى كل مازادت قدرتى على التحكم فى مشاعرى وعواطفى وكمان قراراتى..
وعلشان كده يوم ماتخدى القرار (بجد) بانك هاتحبى المذاكره.. كل مشاعرك وافعالك هاتتبنى على قرارك ده..
طيب ازاى احول مشاعرى السلبيه (الكره ) تجاه شئ معين لمشاعر ايجابيه (ألحب)..
اهم شئ هو انى اقعد مع نفسى وابدأ اعد مميزات الشى ده..
مثلا لو هاتكلم على المذاكره.. تعالوا نعد مميزاتها .
1- العلم نور وفضل العالم على الجاهل كفضل الشمس على باقى الكواكب)
2- العلم والتعلم فرض وثوابه كبير: ان الملائكه لتضع اجنحتها لطالب العلم رضاء بمايصنع...
واول كلمه وردت فى القران الكريم هى .. اقرا
3- العلم والمعرفه هاترتقى بمستوانا الاجتماعى والوظيفى .. كل مااتعلمنا اكتر.. كل مااتميزنا واصبحنا انجح وافضل
4- العلم والمذاكره هم اللى هايخلونا نرتقى بنفسنا وببلدنا ومن غير مانذاكر انا وانتى وكل شعوب الامه الاسلاميه هانفضل دول متخلفه تساق كالبهائم ويتحكم فى مصيرنا غيرنا
5- المذاكره والعلم بيزودا ثقتنا بنفسنا ويكسبونا خبره ومهاره عاليه
..
طيب .. لو جينا بقى نفكر فى سلبيات عدم التعلم وعدم المذاكره..اكيد كتير...
تعرفى ياعفاف.. لو ان كل واحد فينا فكر نفسه كل فتره بالحاجات دى.. والله هانحب المذاكره والعلم.. ومش هانتضايق منهم ابدا
يلا بقى قولى لى:..
بتحبى المذاكره ولا لسه؟؟؟

جزاكم الله خيرا يا دكتورة دينا على النصائح الغالية دي
وإن شاء الله هطبقها

أنا على فكرة كنت أقصد إني بمل من المذاكرة ساعات
خصوصا إن فيه حاجات أنا مش بكون عارفة إحنا بندرسها ليه

أنا مش عاوزة حضرتك تفتكريني فاشلة ولا حاجة
أنا كنت جايبة امتياز في الباثولوجي
وتقديري في سنة تالتة
83.7
والحمد لله أنا بزيد كل سنة عن اللي قبلها
وعلشان أنا وعلا اتفقنا إننا نكون من الأوائل
فحبيت أعرف إزاي أحافظ دايما على مود حب المذاكرة في كل الأوقات

وإن شاء الله هطبق كلام حضرتك

V.I.P عدد الرسائل : 2514 تاريخ التسجيل : 28/01/2009

ماشاء الله عليكى ياعفاف.. والله انا كمان كنت شاطره زيك.. بس ساعات كنت مابطيقش المذاكره لانى كنت بافكر فيها بطريقه سلبيه لكن لما اتعلمت اغير طريقه تفكيرى بقيت بحبها ولغايه دلوقت باذااااااااكر
ربنا ييسر لك كل احوالك

جزاكم الله خيرا يا دكتورة دينا
ربنا يكرمنا كلنا يا رب

V.I.P عدد الرسائل : 2514 تاريخ التسجيل : 28/01/2009

dina tantawy كتب:: لابد ان نتعلم ان نحب مانعمل وان نعمل ما نحب لنحصل على النجاح الحقيقى ولابد ايضا ان يعلم كل منا رسالته حتى يعلم اولوياته ويتعلم كيف يحقق اهدافه.. ويقيس نجاحاته بمدى قربه من تحقيق رسالته..وليس بكم المال او الشهره التى يحصل عليها..

V.I.P عدد الرسائل : 2514 تاريخ التسجيل : 28/01/2009

الموضوع دى خلانى اراجع تانى رسالتى فى الحياه:
ان اتعلم واعلم...
ياترى ممكن كل واحد فيكم ياشباب يراجع رسالته تانى فى الحياه..؟؟
ولازم نعرف كلنا ان رسالتنا الكبيره اللى ربنا خلقنا علشانهاهى خلافه الارض واصلاحها....

» كتاب 12 قانون كونى للنجاح
» ملخص كتاب "لماذا كل من حولك أغبياء"
» ملخص كتاب العاده الثامنه للنجاح.. ستيفن كوفى
» من كتاب "متعه الفشل"
» منتج "البيت بيتك": حجاب "التليفزيون" ممنوع بقرار سياسي