شخصيات غير نمطيه ناجحه فى حياتى

V.I.P عدد الرسائل : 2514 تاريخ التسجيل : 28/01/2009

dr_agaas كتب:: زي الفل هههههههه
دكتورة الورقه اللي معايا ضاعت بتاعت الشخصية مش عارف اعمل ايه؟
الاستاذ ع

انا عندى نسخه منها يااحمد ماتزعلش ....ان شاء الله اجيبها لك .......

فين باقى الشباب؟؟؟؟؟

السلام عليكم
انا باذن الله هاضيف ليكم شخصية ، ممكن كتير مننا ميعرفوش كاسم
لكن كلنااااااااااا نعرف منتجات شركاته، لان مافيش حد فينا الا وفى بيته
مروحة، تلاجه، غسالة، مروحة ، مكواه، تكييف، تليفزيون عادى و ال سي دي ، سخان ، مكنسه، خلاط، يوووووه انا تعبت
مش هاحكى على شخصية خرافية او خيالية
بجد راجل يستحق الحديث عنه
نحسبه على خير ولا نزكى احدا على الله
لازم يا جماعة نقول الجلمة دية لاننا ناخد بالظاهر ولا نعلم الباطن
قال تعالى: ولاتزكوا أنفسكم هو اعلم بمن اتقى.
باذن الله هاتكتب ليكم عنها قريبا جداااااااااا
انتظروناااااااااااااااااااااااااااا
هههههه
رخم انا صح؟

اكيييييييييييييييييييييييييييييييييييييد توشيبا العربى

هههههههههههههههههههههههههههه

ههههههههههههههههههههههههههه
ههههههههههههههههههههههههه
يا عفريته يا مى
ياترى عندكم ااااااااااايه منهااااااااااااااا
او تقولى الاب توب؟؟؟؟؟؟؟؟؟؟
ولا الغسالة؟؟؟؟؟؟؟؟؟؟

باذن الله يا مى هاحكيلكم عن الراجل ده بجد واحاول اوفيه حقه بجد
مش لانى شغال فى الشركة، بس لانى حسيت بجد ان ربنا بيكرمه وان ليه ثقافية جميلة جدا بيمشى بيها فى حياته
قريبا

هههههههههههههههههههههههههههههههههههههههههههههه

انا بصراحة كل ما اعدى على المصنع اقول ما شاء الله وتحس كده انك مرتاح وانت بتبص عليه

فحاولت اسال وفعلا قالوا لى انه انسان هايل وشخصية رااائعة

لكن اكيد انا ما اعرفش اى تفاصيل عنه كل اللى اعرفه انه بدأ من الصفر ووصل الى ماوصل اليه بالشرف والامانة والاجتهاد ومساعدة الناس المحتاجين

ده لى حد علمى

ياريت بقى تقولنا كل حاجة عنه

لانى بجد نفسى اعرف كل حكايته لان اكيد كلنا هنتعلم منها الكثير

كلنااااااااا كنا بنرتاح للمصنع من بره
بس ربنا ما يوريكى اللى بيحصل جوه
ههههههههههههههههه
بصي ، انا مش هاتكلم الا عن الراجل اللى بجد بقدره
لكن الباقى امره الى الله
وكل واحد ونيته
هههههههههه
انا بس منتظر استجمع قواى عشان لما افتح فى الكتابة مش هاقف
زى القطارررررررررررررر

صحيح يا مى
لو تحبو ابعت ليكم اسطوانات عن الراجل ده بجد عايز اى عنوان ابعت عليها
وبجد هابعت ليكم شوية افلام تسجيلية، تساعدنى فى اللى هاقوله
تشوفها احسن
لو كان ينفع احملها هنا كنت حملتها
بس للاسف مش ناااافع
ينفع على العنوان اللى انت ذكرتيه فى كرسى الاعتراف؟

V.I.P عدد الرسائل : 2514 تاريخ التسجيل : 28/01/2009

ازيكم ياشباب....انا من زمان ما قراتش الموضوع ده.. ولما فتحته النهارده لقيته فعلا موضوع قيم..
ياريت كلنا نساهم وندخل علشان الفايده تعم.......

فين يا على الموضوع اللى وعدتنا بيه

اكتب لنا اللى تقدر عليه

وبعدين ايقى حاول فى موضوع التسجيلات ده

زائر

مستنين يا على الموضوووووووووووووع بتاع تشويبا

بس ياريت لاب توب مع الموضوع
شخصيات غير نمطيه ناجحه فى حياتى - صفحة 3 Lol

V.I.P عدد الرسائل : 2514 تاريخ التسجيل : 28/01/2009

انت فين ياستاااااااااااااذ على..
الجماهير تناديك....!!!!!!

زائر

شكله لسه بيحضر فى الموضوع سيبوه براحته

مشرف عدد الرسائل : 260 تاريخ التسجيل : 25/09/2009

هو انا عاوزةاسال هو توشيبا العربى
اخو شارب العربى
متهالى ان صاحب الشركةدى اول من تعامل مع الشركات اليابانية
المتخصصة فى تصنيع الاجهزة الالكترونية

اسمحوا لى ياجماعة أتكلم عن شخصية غير نمطيه فى حياتى

للأسف لم أعرفه الا بعد رحيله

نعم.... وجدت الجميع يتحدثون عنه كفارس نبيل وشجاع

يتحدثون عن دماثة الخلق وحسن الطباع

انسان كان صاحب رساله شريفة وأصحاب الرسالات أصبحوا قليلون جدا

تتبعت أخباره وإعادة لبعض حلقات برنامجه ومقالاته الصحفيه

انه مجدى مهنا

لم أسرد سيرته الذاتيه فلقد تعرضت لها من قبل فى قسم شخصيات وأحداث ولكنى سأعرض لكم بعض آراء زملائه فيه

كان اهتمامى به شديدًا، ورجائى فيه واسعًا، ولكن من سوء الحظ أن المقادير لم تمنح (مجدى) فرصته كاملة، لكن عزيمته، وكفاءته، وشجاعته، أظهرت طاقة قادرة، برغم مهلة قصيرة أتيحت له، كى يكشف عما لديه، ويبرهن عليه»..
هكذا نعى الأستاذ محمد حسنين هيكل، مجدى مهنا عقب إعلان وفاته فى الثامن من فبراير العام الماضى، ليكون رحيل ذلك الكاتب الصحفى، باسم الوجه، هادئ الطباع، حلو السريرة، ومن قبل كل هذا، صغير السن، وكثير الخبرة، إيذانا بفقد قلم شعر القارئ بصدقه، فآمن به، راضياً بالمكوث معه «فى الممنوع»، وحزن لرحيله كما لو كان على صلة وثيقة به.
لا يمل المقربون من مجدى مهنا الحديث عن دماثة خلقه، وحلو عشرته، ونقاء قلبه، تجاه البشر والحياة، مؤكدين أنه الخجول رغم قوله الحق، القنوع رغم قدرته على الأخذ، المثابر رغم المرض، المنطوى رغم الأضواء. هكذا كان مجدى مهنا تراه على سلم نقابة الصحفيين باشاً مرحباً بكل من يلقاه، وتقابله عند مدخل قناة دريم، متواضعاً تحتضن يداه يد من يُسلم عليه بود، حتى لو لم يكن يعرفه، معبراً عن خلق لطالما شكونا افتقاده فى سنواتنا الأخيرة، خاصة لدى من «فتح» الله عليهم من أهل الصحافة والإعلام، فباتوا يشكون ضريبة الشهرة، حتى لو لم يلاحقهم أحد.
كان هذا الرأى الجميل أتمنى لو بعد رحيلى قالوه الناس عنى

لهذا اعتبرته شخص غير نمطى بالنسبة لى

مش بس كده كمان أنا عاوزاكوا تقرأوا المقاله اللى كتبها أيام مرضه

أنا حسيت ان ده مثل أعلى ليه
بقلم: مجدى مهنا

أجد نفسي سعيداً، لأن الآخرين يسمحون لي بأن أحبهم.. وسعادتي تكون غامرة إذا استطعت تقديم خدمة أو مصلحة لهم، هل هناك حب من هذا النوع، حب من طرف واحد.. حب لا تتحكم فيه العاطفة وحدها، بل هو نابع أساساً من العقل، وقائم علي الوعي والإدراك؟!

نعم.. يوجد هذا الحب، فقد عرفته وجربته وخبرته، ولولا أنني جربته، ما استطعت استيعاب عبارة «إن الإنسان قد يجد سعادته في حبه للآخرين دون مصلحة له في هذا الحب، ودون انتظار أو الحصول علي مقابل له» بسهولة، بل لقلت إنه كلام فلاسفة.

وجاء وقت نفد فيه صبري من هذا النوع من الحب.. لأنني كنت الطرف الذي يحتاج إلي حب الآخرين له.. وقد شعرت به، منهمراً كالسيل من شدته، للدرجة التي كنت لا أستطيع معها الصمود أمامه، فكان يهز كياني من الداخل.. كل ما أستطيع فعله هو البكاء المتواصل الذي لا ينقطع.

ما أعطيته من حب قليل، حصلت عليه أضعافاً مضاعفة، مئات وآلاف المرات، من بشر، أغلبهم لا أعرفه.

قد أستحق هذا الحب، وقد لا أستحقه.. لكن هذا ما حدث لي، وكنت حتي وقت قريب - بعد أزمة صحية كبيرة ألمت بي - أعتقد أن حياتي قد تغيرت تماماً، وأن انقلاباً قد أصابني، وأنني تحولت إلي إنسان آخر غير الذي كنته قبل تجربة المرض، لكنني كنت واهماً، فما كان ينتظرني أكبر بكثير مما تعرضت له، وأن التغيير الكبير والحقيقي في حياتي هو الذي لم يحدث بعد.

والحمد لله، أنني أحسه وأدركه.. وإلي أين يسير بي هذا التغيير؟ الذي اكتشفت من خلاله أن رصيدي من الحب، أو طاقة الحب بداخلي، تجددت، وتضاعفت، وأريد تشغيلها من جديد، لكن للأسف، ليس لي حالياً القدرة علي ذلك.

إن الحب الذي غمرني به الآلاف والآلاف من البشر ودعواتهم هو الطاقة المتجددة التي أعيش بها وعليها اليوم.. فأفضل ما بداخلي لم يظهر بعد.. وأنا علي يقين من ذلك

V.I.P عدد الرسائل : 2514 تاريخ التسجيل : 28/01/2009

ربنا يبارك فيكى يامى على هذه الشخصيه الجميله.. رحمه الله واسكنه فسيح جناته..
انا نفسى لم اكن اعرفه جيدا لكنى فوجئت بعد موته بكم الحب الهائل الذى يكنه له الالاف القراء والمستمعين..
فعلا هناك اشخاص فضلوا ان يعيشوا بعيدا عن الاضواء الساطعه ليعطوا بدون ضجيج ولا صخب.. يعطوا لانهم قرروا العطاء وليس انتظارا لشكر او مدح او شهره..
ماجمل العطاء دون انتظار المقابل..

لانريد منكم جزاء ولا شكورا..,انا نخاف من ربنا يوما عبوسا قمطريرا
صدق الله العظيم""

زائر

جزاك الله خيراً يا مى

الله يامى

شخصية بجد غير نمطية

كمان المقال يتحس قوى وانتى بتقرأيه

انا كمان ما اعرفش عنه كتير وفوجئت بالكم الهائل من الناس الذين يحبونه

السلام عليكم
اعتذر يا جماعة عن التاخير، بس سافرت بورسعيد فى شغل ولسه راجع الجمعه
مش بحضرولا حاجه، بس هو انا انشغلت شوية فى موااااااضيع واتمنى الدعاء ليه لعل ربنا يوفقنى
المهم
انا هاكتب قريب والله وهانبسطوا فعلا
اما بالنسبة لدكتور سيف اولا انت ازاى عايز لابت توب وانت كاتب توشيبا غلط
كاتبها تشويباااااااا ينفع الكلام ده؟؟؟؟؟؟؟؟؟؟ظ

اما بالنسبة لسوال دكتور مريم
شارب وتوشيبا عمرهم ماكانوووووووووووووووا اخوات
لانهم ماركتين متنافستين عالميا
وان كان شركة العربي هي الوكيل الوحيد فى مصر لتوشيبا منذ عام 1964 وبدات موخرا مع شركة شارب تقريبا من 5 سنوات
يعنى ماشيين بمبدا كل نفسك قبل ما غيرك ياكلك

واستنى بقه اعرفى المزيد من الحاج محمود العربي نفسه

V.I.P عدد الرسائل : 2514 تاريخ التسجيل : 28/01/2009

انا هاكتب قريب والله وهاتنبسطوا فعلا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فى انتظار الموضوع يا على بجد
بفااااااارغ الصبر

حاضر باذن الله قريب

زائر

على شوقتنا بما فيه الكفايه ؟

يلا ياعلى احنا مستنيييييييييين نسمع

بفااارغ الصبر

يا حنان يا منان

انا مش رجل اعمال ، انا تاجر.

انا بتاجر مع ربنا، واللى بيتاجر مع ربنا عمره ما يخسر.

الحاج محمود العربي

رجل بسيط ومعه اثنين من الأخوات بدأو من الصفر، هكذا يقول دائما فى اى إجتماع سواء داخل مصر او خارجها

من مواليد قرية أبو رقبة مركز أشمون محافظة المنوفية، تربى ونشأ كاغلب اجدادنا على التعب والشقى والعمل باليد

مع اعلمه وما سمعته عندما بدأ فى العمل فى محلات بالموسكى (قاهرة المعز) كعامل فى محلات للبيه الادوات الدراسية بالجملة، ومع الوقت نما فى خياله ان ينتقل للعمل فى مكان اخر باجر اعلى وفعلا كان هدفه دائما ان يسعى للافضل دائما بجهده ومع توفيق الله له.

اتذكر كان بيحكى ان اول مرتب اخده كان 35 قرش تقريبا ولما اتنقل لمحل اخر اخد 75 قرش، طبعا مبلغ كان فى وقتها بيعمل شىء وشويات. معلومه(اول محل اشتغل فيه مازال موجود وابن صاحب المحل بيفتخر ان رجل الاعمال ده كان بيشتغل عنده)

بفضل الله وسعي هذا الرجل، ربنا وفقه ان يكون شراكه مع احد الاشخاص فى محل لتجارة الادوات المكتبية كراسات واقلام، اعقتد ان ابائنا واجددنا فاكرن اقلام والوان (شخبط شخابيط ) كان الاعلان بيجى كده للى يفتكر.

بفضل الله قدر يوسع الانشطة بتاعتوا للعب اطفال وادوات مكتبية لماركات معروفة لحد ما بدأ يدخل فى مجال الأجهزة الكهربائية.

فى الفترة اللى بدأ اليهود الخروج من مصر وكان معاهم توكيل تليفزيونات توشيبا المتسورده اليابانية، بدأ الوكيل اليابانى يدور على حد ياخد التوكيل ده، وفعلا بفضل الله بدوأ يتاجروا فى المجال وبدأ يوسع معاهم، وبدأ العمل فى محل فى شارع الموسكى ومازال المحل موجود وهو فرع من فروع الشركة ومازل اخوه ربنا يديهم الصحه قاعد فيه زى زمان(الحاج محمد العربي)

الحاج محمود راجل مش بحيب يقف عند نقطة واحده ، لكن بيحب يوسع ويكبر نشاطه ، وفعلا بفضل الله بيكبر وربنا بيوسع عليه

ما تزهقوش لسه الكلام كتيررررررررررررررررر

بدأ الحاج محمود ياخد ثقة شركة توشيبا الام وفعلا الثقة دية تاكدت فى توسيع نشاط شركة توشيبا اليابانية فى مصر.

وبدأ اول انتاج مروحة فى مصر عام 1964، فى مصنع بنها – طريق الاسكندرية الزراعى_ طبعا اغلب اللى بينزل مصر او بيروح بنها منكم بيشوفه.

وبدأ الحاج محمود يكسب ثقة كتير من تجار وعملا مصر، واللى يسال والده او كان اللى عنده حاجه توشيبا كان ايه كنز، لانها كانت فعلا صناعة نضيفه وموثوق منها.

طبعا يا جماعة مش بحكى قصة حياته، لان داخل اللى بقوله ده اصرار وعزيمة الاخوات والكلمة الواحده والترابط، هاقولكم على موقف حصل مع جدى انا شخصيا مع شخصيتنا واخواته زمااااااان،

بالمناسبة انا من نفس البلد اللى منها صاحب الشركة، العيلة من نفس البلد،

الموقف ، طبعا زمان ماكنش فى تليفزيون الا عند قلة من الناس، ويمكن الاغلبية ماعندهمش الا اللى حالتهم كويسه جدااااااااااا، ابويه بيقولى كان عندنا راديوا كبيررر وهو اللى كنا بنسمع عليه مسلسلات الراديوا اما التليفزيون ماكنش فى بس كان بتجيى عربية اسمها عربية التليفزيون وتقف فى ميدان الموسسة – شبرا الخيمه- وهيه دية اخرهم مرة فى الاسبوع.

المهم ابويه بيقولى جدك قرر يشترى تليفزيون وكانت فرحتهم ما تتقدرش، بيقولى اخد عمك وراح المحل فى الموسكى طبعا وكله عشم لانه رايح لاخواته من نفس بلد وهما كانوا عارفين بعض كويس جدا جدا جدا.

ولما راح ليهم قابلوه احسن مقابلة ورحبوا بيه، جدى قالهم هاشترى تليفيزون للعيال قالوا انت تؤمر، قالواهم بس فى حاجه انا عايزه بالقسط هادفع نص تمنه والنص التانى يتقسط ، المهم عمى بيقولى راحوا بصوا لبعض وواحد منهم قاله بص يا عم على(طبعا لجدى) انت تاخد التليفزيون ومان فلوسه وصلت بس احنا للاسف مش بنقسط ، البيع كله كاش.

طبعا موقف زى ده يزعل جدى، راح واخد بعضه وقالهم طيب شكرا وسلام عليكم عمى اللى بيحكيلى ده.

طبعا انا اللى اخدته من الموقف ده مش ان جدى زعل ، لا ابدا دية عزة نفس وطبعا ده طبعنا، لكن اخدت من الموقف ده ترابطهم فى قرارهم وفى اخوتهم واللى مازالوا عليها لحد الان (ربنا يديمهم عليهم نعمه).

نكمل بقه ، بدأ نشاط العربي يكبر، لحد ما بدأ يجمع تليفزيون فى مصر باشم توشيب وطبعا كون ان يوصل لمرحلة زى كده ، دية ثقة كبيره طبعا .

نجحوا فى تجميع التليفزيون فى مصر فى ظل منافسة شركات ضخمه كالنصر والهئية العربية للتصنيع وان اى سي وشركات ضخمه جداااااااا. وبفضل الله نجحوا برده.

بقه فى بنها مصنع للمراوح ومصنع للتليفزيون وبطعا مش موديل، ده تشكيلة منتجات من التليفزين مراوح شفطات خلاطات. ده مصنع بنها.

بتوفيق من ربنا الاولاد كبروا وبقوا يديروا هما المجموعة بنفسهم، ماشاء الله باخلاص الاب الكبير ودعوات الام الوفية ، ربنا رزقه باولاد اللى مسئول عن التصنيع بالكامل واللى مسئول عن تصنيع التكييف واللى مسئول عن قطاع الاجهزة المكتبية والالات التصوير والاب توب ، واللى مسئول عن الدعاية والاعلان الخاصة بالمجموعة واللى دكتور ومسئول عن مركز العربي الطبى وقريبا مستشفى العربي بقرية ابو رقبة بالمنوفية

انا مش بعدد انجازات يا جماعة بس بجد بين كل الاسطور دية كلمات ودعوات وتوفيق من الله انهم وصلوا للى هما فيه ده

واضيف لانجازتهم، مجمع مصانع بمنطقة قويسنا الصناعية، غسالات، مكانس، تليفزيونات ال سي دي ، تلاجات (3 مصانع لتغطية حاجات السوق)، مصنع التكييف، مصنع اللمبات ، مصنع السخان.

ماشاء الله منظومة متكاملة بفضل الله وعونه وهما معترفين كده

الراجل ده يا جماعة بيعترف بلسانه ويقول احنا محدش شغال عندنا احنا كلنا شغالين مع بعض، عدد الموظفين قبل سنة 90 كان يادوب 500 موظف ، وصل فى بداية 2000 اى 200 موظف وفاجأة وصل فى 2008 الى 15000 موظف.

ازاى ده حصل محدش يسال ، كله بفضل الله

طبعا او دعاء بادىء بيه الموضوع مش دعائى ، انما هي كلمات لا تنقطع من لسان ذلك الرجل(يا حنان يا منان، يا حنان يا منان) الجملة دية تلاقيها فى كل اركان المصانع حتى يافطة مصنع بنها، كل اركان مكتبه، حتى المسجد اللى فافتتحه فى اول رمضان تملأ اركانه(ماشاء الله تحفة معمارية )

اتذكر له موقف فى التسعينات فى ااثناء حرب الخليج، لما اخدوا قرار بوقف التعينات لان الاستيراد توقف وحرة العمل قد تكون متوقفه نهائيا، فعندما علم هذا الرجل بهذا القرار، قال لهم : عينوا الناس قالوا له دول 50 واحد ومافيش فلوس للمرتبات، تخيلوا قالهم ايه: هما خمسين ، الخمسين دول مسئولين عن كام واحد هانقول خمسين اسرة ، فى كل اسرة زوجة او ام لهذا العامل او اب، فلو احنا عيناهم فباذن الله ربنا هايرزقنا برزق الخمسين اسرة دول، دعوة ام دعوة زوجه، المهم ربنا هايرزقنا، تخيلوا يا جماعة زمايلى اللى كانوا موجودين فى الفترة دية، قالوا بعد ما عين الناس سبحان الله لم تمر شهور حتى وانفتحت الامور وذادت حركة التجارة اكثر مما كانت عليه، فقالهم مش قلتلكم اللى بيتاجر مع ربنا عمره ما بيخسر

وهو حتى الان على يقينه بالله وايمانه ان الرزق بيد الله وماهم الا اسباب فى رزق 16000 الف اسرة.

اقولكم بلا مبالغة حب تجار مصر ليه بلا مبالغة حتى المنافسين ليه، مش لان هو رجل اعمل كبير وحابيين يقربوا منه، ابدا والله، تخليوا ندخل اى مكان فى مصر ومجرد نعرف الناس بينا اننا توشيبا العربي شوفوا التعلقيات وهاقولكم ليه بعدين:

تلاقى اللى يقول ، اهلا بيكم انتم من عند الراجل الطيب الحاج محمود

وغيرهم يقولوا: الراجل ده ربنا بيحبه وربنا يوسع عليه ، راجل ابن حلال

وغيرهم الراجل ده كلمته واحده وسيف على رقبته

وغيرهم ، الراجل ده خير جدا وربنا بيكرمه دايما

مش هاطول وهاقولكم اغرب تعليق، هو رمضان اللى فات افتتح مسجد فى طريق صلاح سالم فى منطقة العباسية، هارفعلكم صور المسجد باذن الله، اول جمعه كان المسجد هاييفنجر من كمية المصلين، رحت تانى جمعه وكأن الناس ماشافوش مسجد قبل كده، لا تتخيلوا كمية الدعاء والكلام الطيب اللى الناس كانت بتقوله ساعة الخروج من المسجد، المهم صلينا ومشيت انا وزملائى بالعربية وبعد ما بعدنا عن المسجد وبعد مامشينا مسافة كبيره لاقينا اتنين على موتوسكيل عمالين يتكلموا وواحد بيقول للتانى ربنا يباركله ويوسع عليه ، تخيلوا الناس عماله تجيب فى سيرته كل المسافة دية وهما لا يعرفوه ولا شافوه اصلا، ولا اللى كان بيحصل فى رمضان، اقولكم اغرب حاجه ، مش عارف حد فيكم سمع عن مسجد عمرو ابن العاص فى مصر القديمه بيكون عامل ازاى فى ليلة 27، المسجد ده يا جماعة كان بيبقى كده كل ليلة، شوفتوا قد ايه حب ربنا للراجل ده

فاكرين الحديث، ان الله اذا احب عبدا قال لملائكته انى احببت فلان فاحبه، حتى يوضع له القبول فى الارض.

انا هاكمل ومش هاعتبره ان بفخم فيه ، بس عشان يبقى مثال لكل واحد مننا انه يبقى زيه

الراجل ده يا جماعة عامل مطعم مش بيقفل طول السنه، مطعم المظفين الشرطات كلهم، قويسنا (سبع مصانع)، بنها (3 مصانع) – شبرا – منطقة عبد العزيز – الموسكى – مصر الجديده – المسجد .

تخيلوا ومش للعمال والموظفين فقط، فى ناس كل يوم معاهم كروت كل يوم بيجوا ياخدوا وجبات الغدا من المطاعم دية

وغير كده فى رمضان بيزيد طاقة عمل المصنع للضعف عشان يقدر يغطى اكبر قدر ممكن

عامل موسسة لتنمية المجتمع، هى الجهة المسئولة عن تنظيم صرف اموال الزكاة، تخيلوا من كمية اموال الزكاة قد ايه مش بتتصرف كده ، لا من خلال موسسة

انا واحد من اللى كنت بعمل ليهم برنامج عشان يقدروا يحصروا اعداد الناس اللى بتاخد اعانات شهرية

امممم، تعرفوا عامل مرتبات شهرية مستمره وقالبة للزيادة للأرامل، والمطلقات والايتام ، والمكفوفين، والمغتربين(الطلبة اللى جايين من بلاد اسلامية تانية تدرس فى مصر)، غير انه بيجى مره فى السنه يامر بحصر لجميع ايتام الجمهورية فى المدراس، ويوزع عليهم لبس كامل باكد لبس كامل حتى الحذاء كمان.

انا اسف لو كلامى عامى ومش منسق ، بس حبيت اكتبه واعدد فى خيراته لان بجد الراجل دايما على لسانه ربنا بيرزقنا بيكم وكل ما نوسع على الناس ربنا يوسع علينا

نرجع تانى بقه، ليه الناس بتحب الراجل ده، كلمته واحده وكلمته ثقة، ولما يوقلها بتتنفذ حتى لو على حسابه، واى شكوى من تجاره لازم تتحل فى الحال، افتكر ليه بعض المواقف، اول ما مجال الشركة وسع والتجارة حالها ماشى تمام، طبعا اللى منكم يعرف منطقة شارع عبد العزيز التجارية فى العتبة دية فى القاهرة ويعتبر الشارع ده رقم واحد فى سوق الاجهزة الكهربائية، المهم التجار لاقوا ان الناس لما تحب تشترى منتج من منتجات الشركة يسيبوا التجار ويريوحوا على فرع الشركة فى نفس الشارع، وطبعا ده كان بيسبب مشكلة للتجارة لان الناس عايزه تبقى واخده الحاجه ومتاكده منها فتاخدها من فرع الشركة، فالتجار طلبوا منه فى اجتماع من الاجتماعات اللى بيعملها سنويا فى اكبر فنادق مصر(جي دبليو ماريوت) يسع لاكتر من 3000 فرد بكل قاعاته، وقالوا له المشكلة دية فوهوا فى الحال اخد قرار بمنع البيع بفرع عبد العزيز فى معرض اه ، لكن اللى عايز يتشرى يشترى من التجار اللى فى نفس الشارع (عارفين ده يدل على ايه؟؟؟)

قرار تانى وطبعا مش بيهموا اى حاجه ، العميل رقم واحد عنده(طبعا فكر تسويقى وفن ارضاء العميل رقم واحد من اللى بيدرس فى الجامعات دلوقتى ) وهو تعليمه على قده، خدوا بالكم على قده.....

اول ما بدأ انتاج تلاجات توشيبا فى عا 2001 وواحد بمصنع واحد وماشاء الله وصل 3 مصانع دلوقتى ومش مكفى انتاج السوق المحلى ولا التصدير، ظهرت مشكلة تكسير الارفف ، ارفف التلاجه بتتكسر بسهولة وعامله مشكلة جامده فى السوق، اخد قرار بتغيير جميع الارفف المكسره لدى اى مستهلك مجانا مجرد اتصاله بالشركة تجيله فورا،

عارفين يا جماعة ، التلاجة توشيبا بعد ما اكنت مالهاش اى ظهور بقة واخده مكان كبير فى السوف المصرى وانتوا اكيد سامعين عنها، رغم وجود تكسير الارفف ، عارفين ليه (ثقة الناس وحب الناس ليه).

طبعا دية بعض مواقفه اللى بتديى ثقة وحب يوم بعد يوم للناس

هو على فكره لما سالوه انت تحب تكون رجل اعمل ولا تاجر، قالهم انا عشت تاجر وهاموت تاجر، قالوا طب ليه

قالهم : التاجره كلها صفات خيره، هيه اللى انتشر بيها الاسلام ، وهيه اللى لو الواحد قدر فيها يكون صدق ربنا هايكرمه وذكر الحديث التاجر الصدوق مع الصديقين ..... الى اخر الحديث،

ورد وقال تعرفوا كلمة تاجر تمثل ليه ايه

ت: تقوى

ا: أمانة

ج:جرأة

ر: رحمة

تخيلوا مفهوم التاجر عنده ايه؟؟؟؟؟

انا يا جماعة اهانزل الجزء ده مؤقتا لانى عارف انى تاخرت عليكم قوى، واى حاجه هاتجيى فى دماغى تانى هاكمل باذن الله

احب بس اقولكم انا ليه اعتبرته شخصية غير نمطية اثرت فيه

انا لما دخلت المسجد الجديد اللى بناه، ووبجد لا تتخيلوا حالتى كانت عامله ازاى، انا بقه يدور فى دماغى كل اللى هو فيه من خيرات ربنا وكأنه شريط فيديوا حتى المسجد، ولاقيت نفسى بعيط وبقول انا عايز ابنى مسجد زى ده، وساعتها بدأ الاذان (الله اكبر الله اكبر) طبعا تمنيت اكون زى الراجل ده مش لانه بقه رجل اعمال لا طبعا ، انا تمينت اكون زيه لانه بيتاجر مع ربنا مش مع البشر

وللحديث بقية باذن الله

اعتذر عن اىخطأ املائى

زائر

ما شاء الله يا على والله شخصيه جميله جدا جدا جدا

وفعلا اللى بيتاجر مع ربنا مش بيخسر أبداً

ربنا يبارك فيه ويكثر من امثاله

وأسأل الله لك أن تكون مثله ان شاء الله

وتبنى مسجد أحسن من اللى عندك ، بس فى المنصوره بعد اذنك

جزاك الله خيرا على ، على الموضوع الجميل دا أكيد كل الاعضاء هيستفادوا منه جدا

شخصيات غير نمطيه ناجحه فى حياتى - صفحة 3 Icon_sunny

white fighter كتب:: ما شاء الله يا على والله شخصيه جميله جدا جدا جدا

وفعلا اللى بيتاجر مع ربنا مش بيخسر أبدا

على: اكيد ياسيف اللى بيتاجر مع ربنا دايما كسبانً

ربنا يبارك فيه ويكثر من امثاله

وأسأل الله لك أن تكون مثله ان شاء الل
على: ااااااااااااااااااااااااااااااااااااامين يارب

وتبنى مسجد أحسن من اللى عندك ، بس فى المنصوره بعد اذنك

على : اشمعنا المنصوره يعنى، هههههههههه؟
جزاك الله خيرا على ، على الموضوع الجميل دا أكيد كل الاعضاء هيستفادوا منه جدا

على : واياكم وباذن الله فى تكمله رغم انى كتبت كتير قوووووووووووووووى بس لازم اقول اللى عليه وكمان هارفع ليكم صور المسجد ان شاء الله

زائر

مستنين بقيت الموضوع على

ان شاء الله يا سيف
بس اتمنى ان مايكونش اسلوبى ممل

اسلوبك جميل والله يا على

بجد انا مش عارفة اقول غير ربنا يبارك للراجل ده ويرزقه رزق كل الناس اللى حواليه

ويجعله مع النبى فى الفردوس الاعلى

امين امين امين

ارجو من الله ان يتقبلها دعوة بظهر الغيب

كمل يا على بجد

بس اعتذر مقدما عن التاخر فى الرد

علشان ظروف الامتحانات

بس اكيد هاقراه

شكرا ياعلى على عرض هذه الشخصيه الرائعه

بالعكس ياعلى اسلوبك التلقائى ده جميل جدا

والراجل ده يستحق ان يكون شخصيه غير نمطيه

فى انتظار باقى كلامك عنه

شكر مى ربنا يوفقك فى امحتاناتك وتجيبى اعلى الدرجات باذن الله تعالى
وهاكمل عنه باذن الله لان يستحق بجد
لان على قدر اللى بيعمله هاتكلم عنه وربنا يقدرنى واقدر اوفى
ربنا يزرقنا مثله لعمل الخير

شكرا وفاء، انا كنت مفكر ااسلوبى هاتضايقوا منه بس لانى
كنت اتاخرت قووووووووووووووى فقلت لازم اكتب وقلت هاكتب باللغة العامية لانها اقرب للتوصيل من الفصحى

نورتى يا وفاء
من زمان مش بتدخلى تردى على مواضيع
يارب يكون خير

V.I.P عدد الرسائل : 2514 تاريخ التسجيل : 28/01/2009

شكرا جزيلا ياعلى.. كلامك راااااااائع...
وشكرا كمان على وقتك اللى خدته فى كتابه الكلام الحلو ده..
يارب ياعلى نتكلم عنك فى شخصيات ناجحه غير نمطيه كمان كام سنه..
انت الحمد لله دلوقت صحيح ناجح فى شغلك .. بس ان شاء الله تبقى انجح وانجح.......

ازيك دكتوره دينا
منتظر ردك والله
بس مش حكاية وقت ، بس لانى عارف ان الكلام عنه كتير وهو يستحق فعلا وارجو انى ماكنش طولت
الحكاية كلها حالة مزاجية فحبيت اكتبها وانا اريق بس لما لاقيت انى عمال ااجل ضفطت نفسى وكتبت وهاكمل باذن الله
وارجو انى مااكنش طولت قووووى انا مش عارف هل بيتم قراته الموضوع كلمة كلمة ولا بيتخصر لانى فاكر انه كان اربع صفحات فى الوورد
بس برررررررررده هاكمل تانى

اما بالنسبة لى، انا بقول لنفسى انى لسه ببتدى وبدعى ربنا انى اكون مفيد للناس والمجتمع
اللهم ااااااااااااامين

السلام عليكم
ودية يا جماعة صوريتن للمسجد لحد ما ارفع ليكم المسجد من الداخل
بجد تحفة معمارية، لازم تشوفوها

http://img39.imageshack.us/gal.php?g=dsc9266.jpg

مشرف عدد الرسائل : 260 تاريخ التسجيل : 25/09/2009

بسم الله ما شاء الله
ربنا يبارك ليك وفيك ياستاذ على
ويحقق لك كل امانيك
وبكرة ان شاء الله نقرا ونسمع عن انجازاتك

وشكرا ليك انك عرفتنا لافتتات وحاجات بتقول لسا الدنيا بخير

على فكرة يا على عايزة اقولك ان فيه جمل كانت بتعجبنى قوى كنت باقرأها مرتين وتلاتة
علشان اقدر احطها فى دماغى

الكلام راااااائع وكل الكلااااااااااااااااام اتقرأ حرف حرف وكلمة كلمة

والمعلومة وصلت

واحنا عارفين انك عايزنا نقرأ الكلام ده كويس علشان الافادة تعم ونستفيد كلنا من قصة حياته وكفاحه والاهم نستفيد من توكله على الله فى كل اموره

شكرا كمان ع الصورتين بتوع المسجد

ما شاء الله

زائر

انا رفعت الصور اللى الاستاذ على جابها يا جماعه عشان أسهل عليكم بس

تشوفوا على طول

بعد اذن على طبعا

وياريت لو فى صور أكبر شويه

بجد الصور حلوه اوى

شخصيات غير نمطيه ناجحه فى حياتى - صفحة 3 Get-10-2009-d0obq1r9

شخصيات غير نمطيه ناجحه فى حياتى - صفحة 3 Get-10-2009-d0obq1r9

ودى صوره كمان

شخصيات غير نمطيه ناجحه فى حياتى - صفحة 3 Get-10-2009-2xoyutau

dr_marioma كتب:: بسم الله ما شاء الله
ربنا يبارك ليك وفيك ياستاذ على
ويحقق لك كل امانيك
وبكرة ان شاء الله نقرا ونسمع عن انجازاتك

وشكرا ليك انك عرفتنا لافتتات وحاجات بتقول لسا الدنيا بخير

شكرا دكتوره مريم
وربنا يبارك فيكى انت ونسمع عنك سمع خير ، وباذن الله تكونى من النافعين للأمة فى مجالك وتوجدى كل ماهو جديد ومفيد

dr_kishar كتب:: على فكرة يا على عايزة اقولك ان فيه جمل كانت بتعجبنى قوى كنت باقرأها مرتين وتلاتة
علشان اقدر احطها فى دماغى

الكلام راااااائع وكل الكلااااااااااااااااام اتقرأ حرف حرف وكلمة كلمة

والمعلومة وصلت

واحنا عارفين انك عايزنا نقرأ الكلام ده كويس علشان الافادة تعم ونستفيد كلنا من قصة حياته وكفاحه والاهم نستفيد من توكله على الله فى كل اموره

شكرا كمان ع الصورتين بتوع المسجد

ما شاء الله

شكرا مى على تشجيعك وكلامك الرائع ده
ياريت تكتبلينا الكلام اللى استوقفك اكتر من مرة عشان لو حد فينا ما اخدش باله منه نقرأه تانى
وأكيد ده مثال للتاجره مع ربنا ، ونحتسبه عند الله من التجار الصدوقين

المسجد فى حقيقته رائع،وهحاول اجيبلكم صور من الداخل لانه نسخه من الحرم النبوى فى الديكور بتاعه ولما تشوفه هاتتاكدوااا

white fighter كتب:: انا رفعت الصور اللى الاستاذ على جابها يا جماعه عشان أسهل عليكم بس

تشوفوا على طول

بعد اذن على طبعا

وياريت لو فى صور أكبر شويه

بجد الصور حلوه اوى

ودى صوره كمان

شكرا يا سيف ياريت تعرفنى بترفع الصور ازاى لانى كنت عايز اعملهم كده بس ماعرفتش

ولما انزل بقية الصور هاوريهالكم وتقولى ارفعهم ازاى

V.I.P عدد الرسائل : 2514 تاريخ التسجيل : 28/01/2009

انا اشكرك ياعلى على مجهودك فى نقل صوره لشخصيه ناجحه موجوده فى حياتنا كلنا ..
ياريت ياجماعه تشاركونا ارجوكم .. والله الموضوع ده غايه فى الروعه...

شكرا ليكم جميعا على مروركم
ربنا ينفعنا جميعا بما نقرأ او نتعلم

V.I.P عدد الرسائل : 2514 تاريخ التسجيل : 28/01/2009

امين ياعلى..
وفى انتظار مساهمات باقى الشباب...

زائر

اقتباس :

شكرا يا سيف ياريت تعرفنى بترفع الصور ازاى لانى كنت عايز اعملهم كده بس ماعرفتش

ولما انزل بقية الصور هاوريهالكم وتقولى ارفعهم ازاى

خلاص يا على انا عاملك مفاجأه

زائر

كيفية أضافة الصوره

استاذ على بعد لما ترفع الصوره هتنسخ الرابط
وهتلاقى مربع صغير جمب بتاع اضافة الرابط
لما تيجى عليه بالمؤشر ، هيقلك صوره
تضغط ليه وتضيف الصوره وتمام كدا

هتلاقيها ادامك فى الصفحه

شخصيات غير نمطيه ناجحه فى حياتى - صفحة 3 Icon_sunny

شكرا يا كابتن سيف
علم وينفذ

ماشاء الله ياعلى

شخصبه جمييييييييييله جدا جدا
الواحد بيقراها وهو مبسوط ان فيه ناس حلوه كدا وبتعمل خير فى مصر زى الراجل ده
بجد أسلوبك كان جميل جدا ووصل على طول الكلام اللى انت عاوز توصله لينا
فى انتظار باقى الموضوع

زائر

اقتباس :: شكرا يا كابتن سيف
علم وينفذ

مش بلعب كوره بس مقبوله منك

علي ازيك
ازيكوا كلكوا
وحشتوني كتييييييييييييييييييييييير
غصب عني ان اننا سبتكوا الفتره اللي فاتت يا شباب
ايه يا علي الشخصيات الجامده دي
بس انا اكتر حاجه عجبتني بصراحه موقف جدك سيبك انت موقف جامد ومحترم اوي

» شخصيات اسلاميه كتب عنها التاريخ
» كتاب 100 فكره للسعاده, منهج حياتى مختصر لمن اراد العيش بنجاح وسعاده.للدكتور صلاح الراشد