موضوع للنقاش

V.I.P عدد الرسائل : 5 تاريخ التسجيل : 27/02/2009

سؤال يبحث عن جواب
ما هو الفشل وما هي معايير الفشل
ما هو النجاح وما هي معايير النجاح؟

الرجاء الا تستخدم في نقاشك اي كلمات مستقاه من اي مصدر فقط ناقش من خلال ما انت معتقده ومؤمن به
من داخلك ناقش من خلال المعايير التي تعمل انت بها وتطبقها في حياتك العامه والخاصه

V.I.P عدد الرسائل : 2514 تاريخ التسجيل : 28/01/2009

[b]والله ياد. احمد حضرتك كده زنقتنا.. الواحد علشان يجاوب على اى سوال بيريح دماغه ويفتح الكتاب او النت.. دلوقت انا مضطره افكر واستخدم لغتى الخاصه علشان اجاوب على حضرتك .. صحيح التفكير صعب (بالنسبه لنا احنا بس علشان كده احنا دول نايمه) لكن حاحاول لانه شرف لنا ان حضرتك تدخل معانا على المندى وتناقشنا..

الفشل: هو عدم القدره على تحقيق الاهداف الخاصه بالانسان سواء اعلنها او لم يعلنها وكتمها بداخله ولذلك انت ممن الممكن ات ترى الفاشل لانك ترى بعينك مااخفق فى تحقيقه اولا تراه بيما يتحرك هو يحمل احساسا داخليا بالفشل لايراه احد غيره
معايير الفشل: لااستطيع ان افهم قصد حضرتك بمعايير؟؟ هل هو علامات-مقاييس.. اوماذا بالضبط؟؟؟
النجاح: هوقدره الانسان عل تحقيق اهدافه واحلامه وفى رائى ان النحاح الحقيقى يرتبط ارتباطا وثيقا بالاحساس بالرضا والسعاده .. فالنجاخ والسعاده وجهان متلازمان لعمله واحده رغم ان هناك ناجحين غير سعداء وسعداء غير ناجحين
معايير النجاح؟؟؟[/b]
يالا ياشباب كلنا نخش ونشارك مع د. احمد واكيد هانستفيد ان شاء الله..

السلام عليكم ورحمة الله وبركاته

فى رايى ان الفشل معناه انى لم انجح فى الوصول الى اهدافى بمعنى انى عندما اتمنى ان ادخل كلية الطب ومجموعى ماكانش يدخلنى الكلية دى يبقى فشلت فى تنفيذ حلمى

معايير الفشل ؟؟؟؟؟؟؟؟

النجاح هو الوصول الى ما اريده من اهداف سواء قصيرة او طويلة المدى

قصيرة المدى كقدرتى على تنظيم الوقت وانجاز كل الاعمال التى اريد على مدار اليوم

طويلة المدى ايضا كدخولى الكليةالتى اريد او انى اجيب التقديراللى انى باتمناه او انى مثلا انجح فى وظيفتى وهكذا ....
معايير النجاح ؟؟؟؟

هل تقصد بذلك على ماذا اقيس نجاحى

اكيد اولا بما اتمناه او اهدافى التى قمت من قبل بتحديدها

ممكن بعد كده تقدير امى لما اقوم به من افعال فهى وحدها تحمل قدرة غريبة على التأثير على وعلى نظرتى الى الحياة وما اراه افضل وبالتالى على ما أقوم به من افعال

ممكن يجى بعد كده راى المجتمع واصحابى فانا اهتم كتثيرا باراء الاخرين

flower

شكرا لهذا الموضع الرااائع د.احمد flower

السلام عليكم
الفشل بالنسبه لي :
هو استنفاذ جميع المحاولات لتحقيق شئ ما طوال فترة الحياة فيمنعني منه الموت أو القدر
وما دون ذلك فلا اعتبره فشل
بالنسبه للاخرين علي الارجح:
أنا اعتقد بأنه ليس هناك فشل فالعقل ناجح في تنفيذ الفشل وبكدا يكون الفشل انخفاض الهمة وضياع العزيمة
أما النجاح فهو اني احط رجلي علي الطريق الصح وبكدا ولا شك ابقي وصلت للنجاح
ولك جزيل الشكر يا دكتور احمد ودايما منورنا

شكرا يادكتور أحمد على السؤال ده
أعتقد ان الفشل هو عدم سعى الانسان للوصول للهدف التواكل واللامبالاة وعدم بذل الجهد المتواصل للوصول الى مانريد هذا هو الفشل من وجهة نظرى
وعليه النجاح هو السعى الدؤوب للوصول الى مانريد وبذل كل مانستطيع بذله من جهد أيا كانت النتيجة لأنها توفيق من عند الله فنعمل مابوسعنا للوصول سواء
وصلنا أو لا
أما معايير الفشل هو الا يكون لك دور فى الحياة ولا تشارك بايجابية فى اى شىء
ومعايير النجاح هى أن تشعر باهميتك فى كل شىء من حولك

V.I.P عدد الرسائل : 2514 تاريخ التسجيل : 28/01/2009

[b]شكرا مى ... احمد...مى... جزاكم الله خيرا
السلام عليكم د.احمد.. ياترى حضرتك لسه معانا ولا مشغول؟؟
استاذن حضرتك نكمل كلام فى الموضوع الرائع ده
انا قرات كلام كتير عن التجاح لكن اكثر كلمات استوقفتنى (من غير مااغش وابص على مصدرها زى ماحضرتك طلبت) كانت:
النجاح هواختصار للجمله الاتيه BP.. ALERT
Believe امن- ثق بالله وبنفسك (الاعتفاد)
plain التخطييط
acheive الانجاز
learning التعلم
excerciseا ا لرياضه
relaxationالاسترخاء والتخلص من الضغوط
thinking التفكير يساعدك على البقاء ناجحا
ممكن تكون دى من معايير النجاح ؟؟
مستنين راى حضرتك[/b]

V.I.P عدد الرسائل : 2514 تاريخ التسجيل : 28/01/2009

ايه ياشباب انتم فين؟؟؟؟

V.I.P عدد الرسائل : 2514 تاريخ التسجيل : 28/01/2009

اساليب النجاح

• الاسلوب الاول : الاولوية للاهم
عندما سئل احدهم عن سر نجاحه اجاب :
(( هنالك مقدرتان مهمتان للانسان لا تقدران بثمن : الاولى القدرة على التفكير ، والثانية القدرة على القيام بالاعمال طبقا لاهميتها ))
خلال اليوم الواحد هناك امور كثيرة هي بحاجة الى الانجاز ، وغالبا ما يتجه الذهن الى الامور الاقل اهمية لانها تتطلب جهدا اقل ، ان الاعمال مراتب فلابد لنا ان نراعي تلك المراتب واعطاءها العناية و الوقت والجهد حسب اهميتها ، فحتى الاعمال الصالحة قد جعلها الله تعالى مراتب : ((اجعلتم سقاية الحاج و عمارة المسجد كمن آمن بالله و اليوم الآخر ……))
ولكي نستطيع ان نقوم بانجاز الاعمال الاكثر اهمية قبل غيرها علينا :
1- ترتيب الامور حسب الاهمية من مرحلة التفكير: فصرف جزء يسير من الوقت في ترتيب الامور حسب الاهمية يحقق لنا ذلك.
2- عمل جدول يومي للاعمال التي نقوم بها ومحاولة الالتزام به.
3- رفض كل عمل غير مهم ما دامت هناك اعمال مهمة.
4- استغلال افضل الاوقات
• الاسلوب الثاني : اقتناص الفرص
كلنا يعرف قيمة الفرصة عندما تذهب ونحاول اقتناصها عندما تصبح بعيدة عن متناول اليد ،فالفرص تاتي متنكرة وتذهب ساخرة وهذا السر وراء تضييعها من قبل الكثيرين.
فصاحب المبادرات و النجاح يقفز على الفرصة كما يقفز الطير على الحب ، اما غيره فينتظرها لكي تاتي الى حضنه ، وعلى كل لابد لنا ان نعرف خصائص الفرصة وهي :
1- الفرصة تاتي ضبابية غير واضحة المعالم.
2- الفرصة لا تبطيء فالزمن ليس في مصلحة من يريد اقتناصها.
3- تاتي الفرصة متكافئة و متساوية للجمعية.
4- الفرصة بعد ان تذهب لا تعود.
ولكي نستطيع صيد الفرص علينا :-
1- الاستعداد المسبق : فالخطوة الاولى لصيد الفرص هي التزود المسبق باسباب اغتنام الفرص، فالناجحون و الفاشلون يجدون معا الفرصة لكن الناجح يستعد لها فيصيدها وكما ورد في الحديث ((اغتنم خمسا قبل خمس))
2- القفز على الفرصة حينما تاتي دون تاخير : فالفرص لا تبالي بمن لا يبالي بها، وهي لا تتكرر وهذا يعني ان نتصرف تجاهها وكانها الفرصة الاخيرة ، فاذا راينا شبح الفرصة فعلينا ان نبادر اليها ولا ننتظر الى ان تتحول الى كتلة، فعندما تتراءى الفرصة فهذا مجال الاستعجال و المناهزة وليس مجال الركون
3- استغلال الفرصة من دون وضع شروط لها : فالفرصة هي التي تفرض شروطها ،وهذا يتطلب ان نقبل بواقع الفرص.
4- التمسك بالفرصة بقوة وعدم التردد في ذلك :فالكثير يخشى النجاح اذا كان فجائيا فلا يبادرون الى الفرصة.
• الاسلوب الثالث :بذل قصارى الجهد
ليس من الممكن النجاح بمجرد ان نقوم بالعمل بمقدار اسقاط الواجب فقط ،فالناجحون انما كانوا بشرا مثلنا فلم يكونوا حجارة او حديدا ، انما هم بذلو جهودهم و لم يبددوها ولم يضيعوا طاقاتهم بل بذلوها حسب القدرة.
((لا يكلف الله نفسا الا وسعها)) … فهل نبذل نحن كل وسعنا ؟
ان اقصى الاستطاعة يؤدي الى اقصى النجاح.
وفي الحقيقة اننا نملك مخزونا ضخما من الطاقة الكامنة اكبر بكثير مما نتوقع استعماله، واذا ما استطعنا استغلال نسبة اضافية ضئيلة تبلغ عشرة بالمئة من هذا المخزون الغزير فسوف تتبدل حياتنا.
وهذه بعض الطرق المؤدية الى ذلك :
1- الالتزام بمواعيد محددة : فليس هاك ما يحفز على النشاط كوجود موعد اخير جازم و صارم ، فالموعد كلما كان اكثر جزما شق على النفس نقضه.
2- المواظبة على الحركة : فناخذ متسعا من الوقت للتخطيط المتزن ولكن دون ان يذهب الوقت كله له ، فلنباشر كل ما نقدر عليه من عمل فلا يمكن تكديس الحيوية بعدم استعمالها .
3- السباق مع النفس : فاذا كنا قد ادينا مقدارا معينا من العمل امس فنحاول ان نزيد عليه اليوم وسرعان ما نكتشف ان قدراتنا اكثر مما كنا نتوقعه.
4- نلتزم الجد و الاجتهاد : يقول الشاعر
ومن طلب العلى سهر الليالي
يغوص البحر من طلب اللآلي
فالنجاح مولود الجد و الاجتهاد
• الاسلوب الرابع : تحقيق انجازات يومية
ان الناجحين لا يستغرقون في احلام اليقظة بتحقيق امانيهم مرة واحدة بل يحاولون انجاز شيء في كل يوم والاقتراب عبره الى تحقيق الاهداف.
فكل خطوة في اليوم الواحد تعني ثلاثمائة وستون خطوة في السنة الواحدة ، اما الامل غير اليوم الذي انت فيه فهو امل كاذب ((ذرهم ياكلوا و يتمتعوا ويلههم الامل فسوف يعلمون))
لذا فعلينا ((ان نقطع املنا بالعودة الى الماضي)) و ((ان لا نثق بالآتي)).
فالناجحون يفعلون كل يوم افضل ما يستطيعون، ولا يحملون انفسهم هم الغد الآتي فلا يقلقون على اشياء لم تات زمانها بعد ولا يؤجلون اعمالهم اتكالا على فرص قد لا تاتي ابدا ، ويتركون اعمالهم التي قاموا بها دون ان يتمنوا عودة الماضي ((لكي لا تاسوا على ما فاتكم))
اذن فالمطلوب ان ننجز في كل لحظة عملا و في كل ساعة شيئا حتى لا يمر اليوم الواحد الا وقد حملنا انجازا يقربنا الى الهدف الذي حددناه ، ونحن نقصد بانجاز العمل اناهؤه تماما دون نقص.
والآن كيف نحقق انجازات يومية ؟ والجواب :-
1- قسم العمل الكبير الى خطوات صغيرة وانجز كل يوم بعض منها ، وتذكر ان النجاح ليس خطوة كبرى وانما مجموعة من الخطوات الصغيرة التي لو جمعناها بدت وكانها كبيرة.
2- كافيء نفسك على كل انجاز تؤديه :فكما لابد من معاقبة النفس على الاخطاء فلابد من مكافئتها على الانجازات .
3- حدد وقت زمني لكل اعمالك وحاول ان تؤدي في كل وقت ما قررت ان تعمل فيه فركز جهودك عليه و لاتتركه الا بعد انتهاء وقته المحدد له وهذا سيوفر لك امرين : الوقت و الاعصاب..
4- قلل من الاعمال التي تؤدي بك الى هدر الوقت ، ان نوعية استعمالك لوقتك هي التي تحدد المجال الذي ستحتله في هذا العالم.
5- عش يومك كما لو كان آخر فرصتك لانجاز عملك ، فلا تترك ساعة واحدة تمر دون ان تحملها انجازا يقربك الى هدفك.
6- لا تتردد في انجاز الاعمال كلما سنحت لك الفرصة ، فالزمن صديق من يستعمله وعدو من يهملمه.
7- انجز ما تملك متسعا من الوقت لانجازه واترك مجالا للطواريء.
8- قو ارادتك على الانجاز بجرعات صغيرة من الخطوات العملية ، فاذا اجبرت نفسك على عمل متواضع في وقت محدد فان ذلك يقوي عندك دافع الاتمام تدريجيا.
9- استغل الفراغات بين الاوقات المشغولة ، كاوقات الانتظار مثلا.
10- استخدم الاجهزة ، كاجهزة الاستنساخ و الهاتف وغيرها التي تساعد الانسان في انجاز اعماله.
الاسلوب الخامس :قم بايحاء نفسك بانك ستنجح
انت تجذب اليك ماتفكر فيه وكلما زادت قوه تركيزك على شيئ معين ... حصلت عليه..
• الاسلوب السادس : المواظبة على التجديد و الابداع
التجديد سر استمرار الوجود فالبقاء على حالة واحدة معناه الموت، والتجديد قانون هذه الحياة فلقد كان خلق الانسان تجديدا عظيما في الكون ثم جاء التغيير الدائم واختلاف الليل و النهار واللفصول والولادة و الوفاة ،ومن يتناغم معه فيطور عمله ويجدد فيه وياتي دائما بالجديد سيكتب له النجاح.
ولكن كيف نجدد ؟ وفي أي مجال ؟
1- اجعل التجديد اسلوبك المفض ،فالابداع هو نتيجة رغبة في التطوير ، ففي الحياة خيارات متعددة وكل ما علينا فعله هو فتح اعيننا على خيارات الحياة ونرغب في التجديد.
2- تصيد الافكار الجديدة التي تاتيك من غير ميعاد وفي الاوقات غير المناسبة ،فلربما تكون الفكرة ثروة فلماذا تخسرها.
3- فكر في امور صغيرة.
4- سد الحاجة ، من مبدا ((اعطهم ما ليس عندهم)).
5- اضف بعض التفاصيل على ما هو معروف
6- .استشرف المستقبل.
7- تخصص في شيء ما وليكن أي شيء، فالعالم عالم تخصص ينجح فيه كل متخصص متميز على اقرانه.
8- قم بعملية التحويل و التركيب ، فكل شيء صنع لحاجة يمكن ان يستخدم في مكان آخر.
9- اجعل للتطوير ميزانية خاصة.
10- راقب تطور العمل لدى الاخرين وتعلم منهم ، فان كنت لا تستطيع الابداع افلا تستطيع تقليد المبدعين.
11- استغل مواقف الاحباط بان تفكر وتبتكر جديدا يعينك على التخلص من مثل هذه المواقف.
12- انتفع من مهارتك الشخصية.
13- حاول ان تجاوز المالوف بالتجديد وكما قيل (خالف تعرف).
14- تعلم من الطبيعة التي خلقها الله تعالى ففيها دروس وعبر كبيرة وذلك من خلال التدبر فيها.
15- اجعل شعارك الجودة و الرخص فالجمع بينهما هو طريق التطور.
16- استغل مواد الطبيعة فهي خيرة ونافعة للناس والله تعالى سخر كل شيء في الطبيعة لخدمتنا.
• الاسلوب السابع : اتقن فن العلاقات العامة
النجاح لعبة اجتماعية يقوم بها الانسان في محيط الناس وليست لعبة فردية لذا فاننا لن ننجح ان لم نكن قادرين على بناء علاقات عامة، فما تكسبه انت من الناس يحدد مدى نجاحك وما تخسره منهم يكشف عن مدى فشلك.
لذا فان اجادة فن الصداقة هي الخطوة الاولى نحو النجاح.
وهنا مجموعة طرق لكسب الاصدقاء ، وتندرج تحت قائمتين :
القائمة الاولى هي قائمة افعل :
1-انظر الى الناس من خلال الصفات الحسنة فيهم، وحينئذ هم ايضا سينظرون اليك من خلال صفاتهم الحسنة.
2-احب للناس ما تحبه لنفسك.
3-احترم الناس وذلك من خلال (الالتزام باصول اللباقة معهم و احترام آرائهم والابتعاد عن النقد الجارح).
4-اخدم الناس فسيد القوم خادمهم.
5-كن متسامحا وبذلك ستحتفظ بهم.
6-كن رصينا ولا تبيح اسرارهم فهو الضمان لبقاء الصداقة.
7-كن خفيفا على اصدقائك.
8-امدح بصدق وانتقد بلباقة واشرال الاخطاء بطريقة غير مباشرة.
9-احفظ الاسماء و العناوين.
10-اخبر اصدقائك بحبك لهم.
11-كن بشوشا وابتسم للناس.
12-حاول ان تظهر اهتمامك للناس.
13-انصت وكن مستمعا جيدا.
14-اجعل اناس يشعرون بالارتياح.
والقائمة الثانية هي قائمة لا تفعل :
1-لا تجادل ،فلكي تكسب الاصدقاء اخسر الجدال و المراء.
2-لاتخاصم صديقك اذا اختلفت معه.
3-لاتقاطع صديقك مهما كنت عاتبا عليه.
4-لانسمع بحق الاصدقاء كلام الوشاة.
5-لاتحسدهم.
6-لاتسيء الظن بهم.
7-لاتصادق عدو صديقك.
8-لا تعاند.
9-لاتجاف صديقك وكن وفيا.
10-لاترد لاصدقائك عذرا.

الخلاصة :
1- اهتم بالاولويات.
2- اقتنص الفرص فالفرصة لا تعود.
3- ابذل قصارى جهدك ولايكلف الله نفسا الا وسعها.
4- قم بانجاز اعمال ونجاحات يومية.
5- قم بايحاء نفسك انك ستنجح.
6- واظب على الابداع و التجديد وتجاوز المالوف.
7- اتقن قن العلاقات العامة مع الناس انك ستنجح في وسط هم يعيشون فيه.
_________________

V.I.P عدد الرسائل : 2514 تاريخ التسجيل : 28/01/2009

قد تكون أفضل الطرق أصعبها ولكن عليك دائما بإتباعها إذ الاعتياد عليها سيجعل الأمور تبدو سهله .عامل من أنت مسؤول عنهم كما تحب أن يعاملك من هو مسؤول عنك ..!!

تعود على العادات الحسنه وهي سوف تصنعك ..!!

غالبا ما يكون النجاح حليف هؤلاء الذين يعملون بجرأة، ونادراً ما يكون حليف أولئك المترددين الذي يتهيبون المواقف ونتائجها. (جواهر لال نهرو)

لا يجب أن نحكم على ميزات الرجال بمؤهلاتهم، ولكن باستخدامهم لهذه المؤهلات.

نحن نسقط لكي ننهض... ونهزم في المعارك لنحرر نصراً أروع.. تماما كما ننام لكي نصحوا أكثر قوةً ونشاطاً. (بروانبخ)

الرجل الناجح هو الذي يظل يبحث عن عمل، بعد أن يجد وظيفة !!

ينقسم الفاشلون إلى نصفين: هؤلاء الذين يفكرون ولا يعملون، وهؤلاء الذين يعملون ولا يفكرون أبداً. (جون تشارلز سالاك)

لا يصل الناس إلى حديقة النجاح دون أن يمروا بمحطات التعب والفشل واليأس، وصاحب الإرادة القوية لا يطيل الوقوف في هذه المحطات.

إننا ندفع ثمنا غالياً من جراء خوفنا من الفشل. إنه عائق كبير للتطور يعمل على تضييق أفق الشخصية ويحد من الاستكشاف والتجريب، فلا توجد معرفة تخلو من صعوبة وتجربة من الخطأ والصواب .... وإذا أردت الاستمرار في المعرفة عليك أن تكون مستعداً طيلة حياتك لمواجهه خطورة الفشل. (جون جاردينر)

يلوم الناس ظروفهم على ما هم فيه من حال.. ولكني لا أؤمن بالظروف فالناجحون في هذه الدنيا أناس بحثوا عن الظروف التي يريدونها فإذا لم يجدوها وضعوها بأنفسهم. (برنارد شو)

جوهر الإدارة هو قوه التنبؤ قبل حدوث الاشياء (هنري فابول)
منقول للفائدة

هكَــذا عَلَّمَني الْفَشَـــــلُ

علمني الفشل ألا أيأس، فكما خلق الله الضراء فقد أوجد السراء
فقليل من الأمل يجعل للحياة طعماً آخر ، ومقدار الرضي يزيد مساحة الإيمان في القلب

علمني الفشل أن أحذف كلمة (لو) من مفردات قاموسي وتعويضها بـ
(إنا لله وإنا إليـه راجعــون،اللهم أجرني من مصيبتي وأخلف لي خيـراً منها)

علمني الفشـل الأ أستمع لأي نـداء شيطاني يحاول الإيحاء لي بالحسد لإخوانـي الناجحيــن ،
بـل أفرح لهـم وأتمنـى المزيد لهم وأن أدعوا لهم يقول الله تعالى :
( وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا
الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ)

علمنـي الفشل إحتســـاب الأجر فالمؤمـن إن نجح فتلــك نعمـة من اللـه ،
وإن فشل فهو إبتـلاء من خالقــه فكمــا في الحديث :
عجبـاً لأمر المؤمن إن أمــره كله له خيــر ،
إن أصابتـه ســراء شكر فكــان خير له وإن أصابتــه ضراء صبر فكــان خيـــراً لــه....

علمني الفشل بأن لا
أيأس من رحمة الله وأن أعلم
ان ربي لم يبتلني لو لم يكن يحبني ويرى صبري
فاللهم اجعلني من الصابرين .

علمني الفشل أن ألجاْ الى ربي بالسراء والضراء
ولا أسخط من رحمته أبدا وأن أتقرب لربي أكثر وأكثر

علمني الفشل أن ليس كل ما يلمع ذهب
فقد كنت أظن أني أحببت المعدن الذهب
ولم أعلم اني انبهرت به ولم أعلم معدنه ...

علمني الفشل أن أكبت مشاعر حبي ولا أظهرها ولا أحسسها
الا لمن يكون جديراً بها اعترف لقد اخطأت بهذا
ولكن الآن اليوم
لن أندم على خطئي سأحاول تغيره رغم حزني على ماساتي
ولكن كان للحب جانب فظهرت الغيرة
والنتيجه انكشف القنااااع هذا ما تعلمته من الفشل

أتمنى أن تتعلموا هذا من الفشــل ...
وأنه ليس هناك فشل في الحياة وإنما هنـاك درس نتعلم منه الخطــأ
وأن تعرفوا أن الحيــاة جميلة ومشرقه لكنها في حاجــة لمن يفهمها

وأن تجعلوا مبدءاً لكم وهو:
((حاول وحتى لو فشلت فلك شرف المحاولة))

V.I.P عدد الرسائل : 2514 تاريخ التسجيل : 28/01/2009

[color=red]الله ... الله.. بارك الله فيك ياطبيب الاسلام على كلامك الرائع.. ولكن لم تقل لنا ماذا علمك النجاح..؟؟؟[/color]

مشاركة مختلفة فعلا

فى انتظار مشاركاتك دائما

V.I.P عدد الرسائل : 2514 تاريخ التسجيل : 28/01/2009

ايه ياشباب مين هايدخل زى مى ومى واحمد وطبيب الاسلام ويقول لنا رايه فى الفشل والنجاح..؟؟؟؟
مين عنده الشجاعه يسال نفسه ويجاوب عل اسئله د. احمد حسن؟؟؟؟
تعرفوا وانا قدكم كنت باحس انى بافشل كل يوم ميت مره ..
كنت مركزه جدا على ايه تصرف باعمله وكنت استاذه فى نقد نفسى..
-لو انا وصاحبتى اتخانقنا .. يبقى فشلت
-لو ماذاكرتش كويس يبقى فشلت
-لو ماجاوبتش كويس فى الامتحان يبقى فشلت
- لو بابا او ماما قالولى حاجه ضايقتنى .. يبقى فشلت
-لو سالت حد من اساتذتى سوال واتلخبطت ووشى احمر .. يبقى فشلت
كله كوم وبعد مابقيت زوجه وام كوم تانى:
زياده مسؤلياتى حسستنى اكثر بالاحباط والخوف من الفشل
اى نتيجه غير اللى كنت حاطاها فى دماغى لاى عمل باعمله تبقى فشل..
واى نقد يوجه الى كنت باعتبره هجوم وتلويح بالفشل...
وبعدين.. حصل ايه...؟؟؟؟
هاكملكم بعدين بس بشرط تساهموا معانا

ايوه كدا يا دكتورة دينا زودينا من خبرتك الجميلة دي احنا بنمر كل يوم بنفس الافكار دي
بجد اد ايه احنا محتاجين نعرف موقف مثلا حضرتك كنتي بتلومي نفسك عليه وبعد متغيرتي كان رد فعلك(مبادرتك)كانت ازاي

V.I.P عدد الرسائل : 2514 تاريخ التسجيل : 28/01/2009

ازيك يااحمد.. متشكره على مساهمتك ..لكن بعد اذنك انا مستنيه ناس جديده تشارك غيرنا علشان الاستفاده تعم على اكبر عدد مننا.. على فكره انا عجبنى كلامك عن الفشل والنجاح ولى تعقيب عليه بس بعد مانشوف اراء جديده.... بارك الله فيك...

ليه بس يادكتورة دينا
نحب نعرف ايه اللى حصل بعد كل الإحساس بالفشل ده
حضرتك فعلا اتغيرت ؟؟؟؟؟؟
وإلى أى مدى؟؟؟

V.I.P عدد الرسائل : 2514 تاريخ التسجيل : 28/01/2009

انا فعلا اتغيرت يامى.... ولابعد مدى.. والاماكنش زمانى معكم دلوقت... :cheers:

ههههههههههه كنتي هتبقي فين يا دكتورة

V.I.P عدد الرسائل : 2514 تاريخ التسجيل : 28/01/2009

[b]ازيك يااحمد.. كنت هافضل ماشيه زى ما معظم االناس ماشيه ...كل واحد منهم بيفكر بس فى نفسه.. مابيفكرش يساعد غيره .. وياريته بيفكر فى نفسه صح انما بيفكر غلط ..عايز بس ياكل ويشرب ويشتغل اى شغلانه والسلام ويجوزاى جوازه ويخلف عيال مايعرفش يربيهم صح ويفضل عايش اى عيشه والسلام ويموت زى اللى قبله من غير ماحد يفتكره...
انا قررت اساعد نفسى واساعد غيرى .. ممكن اساعده بكلمه تشجيع بسيطه او ادله على طريق خير او على الاقل ماكونش مصدر الم بالنسبه للاخرين..
اعتقد ان ده هدفنا كلنا ياشباب النهضه وعلشان كده احنا سوا ولا ايه يا مشرف قسم التنميه البشريه[/b]

V.I.P عدد الرسائل : 2514 تاريخ التسجيل : 28/01/2009

بما ان لسه ماحدش دخل معانا .. وبما ان احمد ومى غاليين عندى.. فانا مضطره اكمل لهم القصه لغايه حد تانى مايدخل معانا..
وبعدين حصل ايه...
كنت كده لغايه مااتغيرت.. اكيد مش مره واحده ولا فجاه... لكن تدريجيا .. بدات اغير طريقه تفكيرى.. طريقه التفكير.. ركزوا معايا احبابى.. انا فعلا اصبحت انظر للاحداث بطريقه مختلفه تماما عن التى كنت استخدمها سابقا..
ازاى انا غيرت طريقه تفكيرى؟؟؟
اول خطوه كانت ::القرار.. ايوه.. قررت انى اتغيرللاحسن...
ماتتصوروش يااحبابى اد ايه قوه القرار.. بيدى دفعه رهيبه للتحرك فى الاتجاه اللى انت عاوزه...
وبعد ماقررت انى اتغير بدات ادور على الوسائل اللى تساعدنى على التغيير .. فاكرين انى قلت لكم ان التغيير هو اساسا تغيير التفكير..
1- دورت على كتب التنميه البشريه اللى بتتكلم على المواضيع دى وقراتها كلها... مش بس قرأتها لكن استوعبتها..... ومن اهم الكتب دى:
دع القلق وابدا الحياه
العادات السبع لاكثر الناس فاعليه
قوه التفكير...
قوه العقل الباطن...
ايقظ قواك الخفيه
افعلها الان
الرجال من الزهره والنساء من المريخ
البرمجه اللغويه العصبيه
100 طريقه للسعاده
كيف تخطط لحياتك
جدد حياتك
الفاتيح العشره للنجاح
قوه التحكم فى الذات
البرمجه اللغويه العصبيه
اداره العقل
استخدم عقللك فجر طاقاتك فى الاوقات الصعبه
لاتحزن
خطوات عظيمه
قوه التركيز....

معظم الكتب دى موجوده على النت وانا نزلت لكم شويه على المنتدى وحانزل الباقى تباعا ان شاء الله... ارجوكم اقراوا الكتب دى .. انا عارفه ان وراكم مذاكره لكن ممكن تقرأوا 10 دقائق بس فى اى كتاب من الكتب دى كل يوم... واوعدكم انكم هاتلاحظوا الفرق لو عودتم نفسكم تقروا حاجه مفيده تغير طريقه تفكيركم للاحسن...
الغريب ان الكتب دى بعضها لناس اجانب مايعرفوش حاجه عن الاسلام رغم ان كل الكلام اللى فيها له اصل فى القران والسنه.. لكن المشكله اننا بتعامل مع ديننا انه محصور فى العبادات ومانعرفش (او نعرف ونسينا) انه للدنيا وللاخره وان المسلم الحق يملك الدنيا فى يده وليس فى قلبه....
2- بدات احضر دورات تنميه بشريه وطبعا اهم الدورات اللى اثرت فى كانت لد. ابراهيم الفقى..و د احمد حسن..
فايده الدورات انك بتخرج من حيز التلقى السلبى لحيز التفاعل والتواصل وطرح وجهات النظر.. الميزه المهمه انك لما بتحضر الدورات دى بتقابل ناس تفكيرها ايجابى وبتتعرف عليهم وبتحس انك مش لوحدك...
احنا ان شاء الله ناويين نعمل دورات تنميه بشريه فى الاسره بتاعتنا قريب واول دوره هانعملها عن "اسرار النجاح".. اللى يحب يشترك يقول لد. احمد جمال مشرف قسم التنميه البشريه...
طيب اكيد هاتسالونى ..اتغيرت اد ايه .. هل بقيت راضيه غن نفسى 100% ؟؟؟
الاجابه طبعا لا .. اكيد لسه عندى نقط ضعف.. واكيد بازعل من نفسى ساعات لما باعمل شئ بطريقه غلط او اقصر فى واجب على .. وده اكيد وارد لاننا بشر ومش ملايكه.. لكن انا عودت نفسى اتقبل اخطائى ومااقفش عندها كتير واحاول قدر استطاعتى مااكررهاش.. تكرار الخطا نفسه كل مره ممكن يكون دليل على نقص الايمان لان الرسول عليه الصلاه والسلام قال: "لايلدغ المؤمن من جحر مرتين " وقال: "المؤمن كيس فطن"

- تعالوا بقى نبص على المواقف اللى كانت بتحصلى زمان وازاى ممكن اتعامل معاها بعد مااتدربت اغير طريقه تفكيرى...

-صديقتى قالت لى كلام يضايقنى .. وليه يضايقنى ؟؟
انا خدت قرار انى ماازعلش من اى شخص مهما كان.. ماحدش يقدر يضايقنى (الا اذا انت خدت قرار انك تتضايق)...
دى وجهه نظرها يمكن تكون صح او غلط .. المهم ايه هى وجهه نظرى انا وهل انا مقتنعه بها اوممكن اعدلها (انا..لاحظ التغيير ينبع منى انا وليس من الخارج.. صحيح ممكن اتاثر بالاراء الايجابيه اوالنقديه المحايده لكن بعد مافكر فيها اولا واقيمها.. ومن غير ماتفاعل معاها بعاطفتى ولكن بعقلى.).
.- ماما او بابا اوحد قريب منى... زعلوا منى لسبب معين.. ابدا افكر .. هل السبب ده خارج عن ارادتى.. يبقى مافيش بايدى حاجه اعملها..لكن لابد اشرح وجهه نظرى بهدوء واسترضى اغلى الحبايب..
طيب انا فعلا غلطت.. اعتذر فورا مع وعد بعدم تكرار الخطا لان رضا الاب والام من رضا الله..
- ماذاكرتش كويس.. اه....جينا للنقطه الصعبه اللى كلنا بنعملها وبنهرب منها زى مابنهرب من الموت.. ايوه المذاكره بالنسبه لمعظمنا لما تقوله ذاكر كانك بتقوله هاموتك...عارفين ليه ..ارجع اقول لكم تانى.. علشان دى طريقه تفكير برمجنا فيها عقلنا على ان المذاكره دى شئ سخيف وممل وربطنا المذاكره بالملل والالم.. طبعا اول مانقعد على الكتاب هايجلنا زهق الدنيا كلها والنوم هايحلى فى عنينا ... تفتكروا لو فكرنا بالعكس وبرمجنا عقلنا بطريقه تانيه.. المذاكره هى اللى هاتحل كل مشاكلنا وهى اللى هاتخلينا ننتصر على اليهود وهى اللى هاتخلينا ناس ناجحه لها قيمه فى الحياه وهاتخلى بابا وماما فخورين بينا وربنا راضى عننا (طبعا لو طلعت دكتور شاطر ومالى مركزك كده)..معقول المذاكره فيها كل الميزات دى.. معقول ممكن تبقى مصدر سعاده لنا فى الدنيا وفى الاخره (لواخلصنا لله).. ايوه .. لوغيرنا طريقه تفكيرنا...
- ماجاوبتش كويس فى الامتحان .. وايه يعنى .. والله لوكنت عملت اللى عليا يبقى اكيد اكيد ربنا مش هايضيع تعبى واكيد هايعوضنى بطريقته هو وبحكمته سبحانه وتعالى وهو ارحم بى من نفسى ومن امى التى ولدتنى... .. ان الله لايضيع اجر من احسن عملا .... طيب لو ماكنتش عملت اللى عليا؟؟ يبقى انا خدت حقى وجزائى .. وماعدش ينفع البكاء على اللبن المسكوب .. لازم اتعلم من اللى حصل.. واعتبره خبره مش فشل.. مش لازم اقعد اجلد نفسى على غلط عملته طول الوقت .. لازم ابص بسرعه لقدام واعاهد ربنا و نفسى انى ابقى اقوى واكثر صبرا ومرونه..ولازم يبقى لى هدف...
- حصلت لى حاجات غير اللى كنت متوقعاها.او اللى كنت باخطط لها....هاقول تانى .. طريقه التفكير.. النتيجه مش بتاعتى...(علينا السعى وليس علينا ادراك النجاح).. عارفين اللى بشتغل بجد وبيتعب وهو عارف وموقن ان ربنا مش هايضيعه.. هوده فعلا الانسان المؤمن بجد لكن مشكلتنا ان احنا ساعات والعياذ بالله بنختبر ربنا.. (هاذاكر بس لو مجبتش درجه حلوه مش مذاكر تانى... ممكن مااقولهاش مباشره لكن احس جوا.يا ان عزيمتى قلت ومليش مزاج للمذاكره.. وهاعامل جوزى كويس لكن هو لو ماعاملنيش كويس زى مانا عايزه والله لاوريه..) ده ضعف ثقه بالله وبنفسنا..وساعات ده بيحصل لان احنا بنبقى خايفين جوانا من الفشل ودايما متوقعين حاجه وحشه تحصل ..(اللى بيخاف من عفريت بيطلع له) (راجع قانون الجذب فى موضوع حقل الالماس)...

اقتباس :: انا قررت اساعد نفسى واساعد غيرى .. ممكن اساعده بكلمه تشجيع بسيطه او ادله على طريق خير او على الاقل ماكونش مصدر الم بالنسبه للاخرين..
اعتقد ان ده هدفنا كلنا ياشباب النهضه وعلشان كده احنا سوا ولا ايه يا مشرف قسم التنميه البشريه

طبعا يا دكتورة دا هدفنا واحنا مع حضرتك وانا متأكد ان احنا هنعمل حاجات جامده جدا وهنكسر الدنيا وننفع نفسنا واللي حوالينا (دا وعد (بنوعد نفسنا قبل حضرتك كمان))

أد إيه يا دكتورة احنا ممتنين ليكي لإهتمامك بينا وأد ما احنا هنفرح لتغيير انفسنا هتكوني حضرتك سعيده باللمسات الإجابية وهتشوفي بصمات حضرتك علينا

وأنا شخصيا أتغيرت بفضل الله ثم بفضل حضرتك واوعدك اقرأ الكتب بس في الأجازه ان شاء الله

V.I.P عدد الرسائل : 5 تاريخ التسجيل : 27/02/2009

بسم الله الرحمن الرحيم
اشكر لكم جميعا هذه الردود والمشاركات الرائعه
دكتوره dina tantawy اشكرك علي الكم المعلوماتي الهائل حيث انه من الواضح جدا مدي حساسيتك للموضوع واهتمامك به وذلك من كثره ردودك المليئه بما يدل علي مدي الاهتمام بالموضوع فأشكر لك ذلك
كما واشكر جدا dr_kishar علي الرده في الأربعاء 4 مارس والذي بدء بكلمتين في منتهي الدقه حيث بدء بـــ "فى رايى" وهذ يدل علي ان الكاتب شخص يجيد التركيز ونوعا ما يعرف ما يريد.
وشكر كثير لــ dr_agaas علي رده في الأربعاء 4 مارس حيث اعجبني في رده الذي يدل علي ان صاحب هذا الرد يجيد الفهم النسبي للأمور فالأشياء نسبيه وهذه من اهم الخطوات الاولي علي طريق النجاح (الــنــــســـبي) في الحياه
شكرا جزيلا لـــ dr toota في الاربعاء 4 مارس حيث تقول "النجاح هو السعى الدؤوب للوصول الى مانريد وبذل كل مانستطيع بذله" وهذا يدل علي ان هذه الشخصيه تتسم بصفه من ادق واهم صفات الناجحين
اما طبيب الإسلام فشكرا خاص لك فردك يدل علي انك طبيب بطبيعه الحال تخشي الوقوع في الخطأ وهذه استراتيجيه جيده نوعا ما تدل علي مستوي جيد من الثقه بالنفس

ولكـــــــــــــــــــــــن الستم معي في ان لفظ النجاح والفشل من ابتكار الانسان يوظفها كيف يشاء !!!!!!!
الستم معي في ان معايير (وسائل وطرق قياس) الفشل والنجاح نسبيه
فهيا بنا نفكر بإيجابيه بمعني ان نمسح كلمه الفشل من قاموسنا الشخصي لانه في احيان كثيره الحقائق تكون هي هي ايا كان اللفظ المستخدم بمعني اننا يمكن ان نوصل ونستقبل ما نريد من حقائق وبحماسه عاليه عند استخدام الألفاظ الايجابيه مثال
سألني احد الطلاب عن نتيجته فقلت له ان النتيجه العامه تمثل نسبه الفشل فيها 30 في المائه !!!!!!!!!!!
الست معي في انني كان من الممكن ان انقل نفس الحقيقه اذا قلت ان نسبه النجاح تمثل 70 في المائه ولكن ايهما اوقع من وجهه نظر النجاح في التواصل مع الاخرين
في المره القادمه سانقل لكم وباحتصار شديد ما يسمي باستراتيجيه النجاح والا نجاح

ما شاء الله
حضرتك تمتلك فراسه جميله بجانب تفسير وتحليل الشخصيات من خلال الكلام
الكلمه اللي بتطلع ليها عند حضرتك حساب ومعاني كتيرة دا يفهمنا (علم واسع والاوسع خبرتك )
والأجمل ان حضرتك بتركز علي النقطة الإجابية في الآخر
لالالالالالا يا جماعه انا عاوز اشوف الدكتور (يكونلي الشرف ) نتعلم من دلوقتي حاجه تنفعنا

V.I.P عدد الرسائل : 2514 تاريخ التسجيل : 28/01/2009

المنتدى نور ياد. احمد بكلماتك الوضاءه.. فشكرا جزيلا.. ادام الله تواصلك معنا...
شكرا يااحمد على كلامك لد. احمد.... هو فعلا بفضل الله شخصيه ذات علم واسع وكان لى الشرف انى اتعلم منه اشياء كثيره ومازلت اتعلم..
ان شاء الله هو قالى انه هايحاول يحضر محلضره د. ماجده بكره واعرفك عليه....

فعلا يادكتورة دينا حضرتك لما بتكلمينا عن تجربتك بنستفيد كتير
لأن الأخطاء دى وقعنا فيه قبل كده كنا دائما نتأثر بكل شىء حولنا لدرجة انى كنت باشوف الدنيا كئيبة جدا
بس الحمد لله انا أخذت قرار التغيير وبحاول على قد ماأقدر
وإن شاء الله هاحاول أقرأ الكتب المفيدة دى
جزاكى الله خيرا على تعبك معانا

شكرا دكتور أحمد على تواجدك معانا
ويسعدنا الاستفادة من خبرات حضرتك
ونحن فى انتظار الموضوع اللى حضرتك وعدتنا تكلمنا فيه مايسمى استراتيجية النجاح والانجاح

V.I.P عدد الرسائل : 2514 تاريخ التسجيل : 28/01/2009

بارك الله فيك يامى
انت فعلا اتغيرت وكلنا اتغيرنا لما عملنا اسره النهضه مع بعض.. المهم نحافظ على اللى التغيير فى تفكيرنا ونكمل للاحسن ....
يلا يبقى شعارنا كلنا: انا اليوم افضل وغدا الى افضل باذن الله

يا رب نتغير للافضل يا ماما

V.I.P عدد الرسائل : 2514 تاريخ التسجيل : 28/01/2009

اعظم نجاح تستطيع ان تحققه فى حياتك هو :ان تنتصر على نفسك

مقولات في النجاح

إذا لم تحاول أن تفعل شيء أبعد مما قد أتقنته فأنك لا تتقدم أبدا
رونالد اسبورت

إن أعظم اكتشاف لجيلي ، هو أن الإنسان يمكن أن يغير حياته ، إذا ما استطاع أن يغير اتجاهاته العقلية
وليام جيمس

عندما أقوم ببناء فريق فأني أبحث دائما عن أناس يحبون الفوز ، وإذا لم أعثر على أي منهم فأنني ابحث عن أناس يكرهون الهزيمة
روس بروت

يجب أن تثق بنفسك .. وإذا لم تثق بنفسك فمن ذا الذي سيثق بك !!؟؟

ما الفشل إلا هزيمة مؤقتة تخلق لك فرص النجاح

لعله من عجائب الحياة ،إنك إذا رفضت كل ما هو دون مستوى القمة ، فإنك دائما تصل إليها
سومرست موم

إنسان بدون هدف كسفينة بدون دفة كلاهما سوف ينتهي به الأمر على الصخور
توماس كارليل

إن قضاء سبع ساعات في التخطيط بأفكار وأهداف واضحة لهو أحسن وأفضل نتيجة من قضاء سبع أيام بدون توجيه أو هدف

عندما تعرض عليك مشكله أبعد نفسك عن التحيز والأفكار المسبقة ..وتعرف على حقائق الموقف ورتبها ثم اتخذ الموقف الذي يظهر لك انه أكثر عدلاً وتمسك به

البحث يعلم الإنسان الاعتراف بخطئه والافتخار بهذه الحقيقة أكثر من أن يحاول بكل قوته الدفاع عن شيء غير منطقي خوفا من الاعتراف بالضعف بينما الاعتراف علامة القوة

يستحيل إرضاء الناس في كل الأمور … ولذا فإن همنا الوحيد ينبغي أن ينحصر في إرضاء ضمائرنا

لا يقاس النجاح بالموقع الذي يتبوأه المرء في حياته .. بقدر ما يقاس بالصعاب التي يتغلب عليها

نحن نسقط لكي ننهض... ونهزم في المعارك لنحرر نصراً أروع.. تماما كما ننام لكي نصحوا أكثر قوةً ونشاطاً

ويقول الله تعالى
من عمل صالحاً من ذكر أو أُنثى وهو مؤمن فلنحيينه حياةً طيبة ولنجزينهم أجرهم بأحسن ما كانوا يعملون

فأخبر تعالى ووعد من جمع بين الإيمان والعمل الصالح بالحياة الطيبة والجزاء الحسن في الدنيا

اشكر د احمد على الرد على الموضوع الجميل ده

فعلا كلمات حضرتك تتميز بالفراسة

ياريت يكون لينا نصيب ونقابل حضرتك ونتعلم

انا اتفق معك فى كل ما قلته هو ان لفظ النجاح والفشل من ابتكار الانسان يوظفها كيف يشاء

انا عايزة ازود رأى خاص بى انا فعلا باحس انى لما مش باقدر اوصل للحاجة اللى انا عايزاها من غير تقصير منى ان مش لى خير فيها وان ربنا شايل لى حاجة تانية افضل واكيد هاوصلها حتى لو ماحبتهاش فى الاول وماحستش ان هى دى التعويض الجيد عن خسارتى فالايام جديرة بان تثبت لى ان ما قدره الله لى افضل مما اختاره لنفسى او مما اراه مناسبا لى " من وجهة نظرى "

شكرا لتواجدك معنا وفى انتظار البقية.........
موضوع للنقاش 329-410

V.I.P عدد الرسائل : 2514 تاريخ التسجيل : 28/01/2009

شكرا طبيب الاسلام عل مقولات النجاح
مقولات ذات معنى فعلا....جعلك الله من الناجحين فى الدنيا والاخره</STRONG>.

V.I.P عدد الرسائل : 2514 تاريخ التسجيل : 28/01/2009

شكرا مى على كلامك وانا سعيده جدا بطريقه تفكيرك الناضجه فى تقبل الامور وصدق رسول الله حين قال: امر المؤمن كله خير.. ربنا يوفقك..

السلام عليكم جميعا
انا قرات الموضوع كله من البدايه للنهايه ومقدرتش اعدى ولاكلمه من اهميه وجمال الكلام
مش عارفه اقول حاجه بعد الكلام الحلو ده
لكن رأيى باختصار انى مابعترفش بحاجه اسمها فشل والحمد لله مبحسش الاحساس ده ابدا لانى لا اميل ابدا لجلد نفسى مهما كانت الاسباب
لان الاحساس بالفشل سببه نحن وليس الاخريين فالناس بتنسى ونحن بالنسبه للاخريين اقل اهميه بكثير مما نتخيل
فلا داعى لان نحمل انفسنا فوق ما تطيق لاننا ارتكبنا بعض الاخطاء(التى نراها اخطاء)
وارى ايضا انه لا يجب علينا تقييم نجاحنا من عدمه تبعا لاراء الاخريين فالنجاح مسأله نسبيه وما دمت لاتعصى ربك وترضى نفسك فلا تهتم بلوم اللائمين
واذا جاءك احساس الفشل فبادر بسرعه بتحقيق نجاح ولو ضئيل فى اى مجال حتى لو كان بعيدا كل البعد عن مجال الفشل لتتغلب على جزء كبير من احساسك بالفشل

V.I.P عدد الرسائل : 2514 تاريخ التسجيل : 28/01/2009

كلامك جميل جدا يا ايمان ...شكرا جزيلا على المشاركه وبارك الله فيك

الله كلام جميل ومفيد جدا شكرا لكل من كتب في هذا الموضوع وافادنا بكلامه

V.I.P عدد الرسائل : 2514 تاريخ التسجيل : 28/01/2009

شكرا على مرورك يا دكتور وليد

V.I.P عدد الرسائل : 2514 تاريخ التسجيل : 28/01/2009

من كتاب: متعه الفشل

"توماس أديسون" أجرى العديد العديد من التجارب ، وتكررت تجاربه الفاشلة حتى وصلت إلى آلاف التجارب ، وقد سأله أحدهم في حديث مع وسائل الإعلام قائلاً : سيد أديسون ، لقد فشلت آلاف المرات ، إنك فاشل عالمي، فلماذا لا تتوقف عن هذه التجارب الفاشلة ؟ فأجابه توماس أديسون قائلاً :

الفاشلون هم أناس لم يعرفوا كم كانوا قريبين من النجاح حينما توقفوا عن المحاوله

. فنأخذ من هذا القول أن كل فاشل كان سيكون ناجحاً لو لم يتوقف

فالمثابرة أساس به تدرك مبتغاك ، والتواني مما يبعدك عنه فاحذره
وَلا أَدرك الحاجاتِ مِثلُ مثابِر
وَلا عاق مَنها النَجح مِثل ثَوانِ

وثمة مقولة صينية تقول : حينما يغلق أمامك باب الأمل لا تتوقف لتبكي أمامه طويلا ؛ لأنه في هذه اللحظة انفتح خلفك ألف باب ينتظرون أن تلتفت لهم .

V.I.P عدد الرسائل : 2514 تاريخ التسجيل : 28/01/2009

عاييييييييييييييييييييييزين مشاركات كماااان

أولا فكرة الموضوع جميله

على فكره يا دكتور أحمد أنا معجب بحضرتك جدا جدا جدا جدا

وبصراحة مهما اتكلمت مش هقدر أعبر زي الدكتوره دينا ومي ومي وايمان واحمد.......
بس هحاول

انا عندي اعتقاد موش عارف صح ولا غلط

انا لو نجحت اني احقق اهدافي ومقدرتش اني احافظ علي النجاح ده وضاع مني طعم النجاح

أبقي فشلت

وانا دايما بأسمع ان مفيش حاجه اسمها فشل

طيب لو مفيش فشل أعرف اني نجحت ازاي؟؟

V.I.P عدد الرسائل : 2514 تاريخ التسجيل : 28/01/2009

سؤال جامد يامحمد..تعرف انى مش لاقيه له رد دلوقت.. ممكن افكر وبعدين ارد عليك وممكن نسال انا وانت دكتور احمد فيه بكره.. ايه رايك؟؟؟
عموما انا اعتقد اننا فقط نفشل اذا توقفنا عن المحاوله وفقدنا روح العزيمه والاصرار

واعتقد برده ان النجاح موش اني احقق اهدافي بس

بل أنمي وأطور أهدافي ووسائل تحقيق أهدافي علشان لما أحققها أقدر احافظ عليها

ولازم النجاح يكون مثمر

انا موش عارف أوضح وجهة نظري ازاي بس هضرب مثل
لو واح تاه في الصحراء هو وحصانه وخلصت منه المياه
وحصانه ده وقع من العطش ولازم يشرب علشان ميموتش
فالراجل ده قرر انه يروح يدور على مياه للحصان

فضل يدور ويدور ويدور لحد ما أخيرا لقى بير
‏(نجح)
ملأ ايده ماء ورجع للحصان علشان يشربه بص في ايده موجدش ماء

مع انه كان نجح

بس انتهي عمله بالفشل

لأنه مقدرش يطور من نفسه بما يتناسب مع أهدافه

فلما وصل للنجاح كان نجاح غير مثمر انتهي بالفشل

ان حاسس ان كلامي عبيط بس انا موش عارف أوصل وجهة نظري

موش عاوز تريأه

V.I.P عدد الرسائل : 2514 تاريخ التسجيل : 28/01/2009

والله يامحمد انت كلامك كويس جدا بس انا خلاص مش مركزه علشان اعرف اناقش وجهه نظرك .. ممكن نكمل بكره بعد اذنك؟؟

بجد ردودكم اوفت كل الاجوبه يا جماعه انتوا قلتوا كل حاجه
انا مؤمنه ان الفشل هو بدايه للنجاح
الفشل هو خبرة بكتسبها علشان انجح فى المرة الجاية
النجاح هو احلى حاجه فى الدنيا بس لازم احافظ على النجاح ده يعنى مثلا لو فى اتنين حلمهم انهم يدخلوا كليه طب واحد دخل والتانى مجموعه دخله اى كليه تانيه نفترض علوم واللى دخل طب طبق من سنه اولى وفضل فى السبع سنين 12سن اما اللى فى علوم ذاكر وجاب تقدير وبقى معيد ودكتور كمان تفتكروا مين الناجح فيهم اللى دخل طب ولا اللى فى علوم
النجاح مش صعب لكن الحفاظ عليه هو الاصعب واللى بيتطلب مسئوليه وعمل اكتر
النجاح هو اعمل حاجه كان نفسى احققها واشوف فرحه اهلى فى عيونهم اما بقى الفاشل فهو ناجح فى الفشل
النجاح هو عزم وتصميم وارادة قويه
الموضوع كبير اوى يا جماعه كفايه عليكم كده لاحسن هتموتوا من كلامى العبيط ده

V.I.P عدد الرسائل : 2514 تاريخ التسجيل : 28/01/2009

[b]والله ياسمسمه كلامك مش عبيط .. ده احسن كلام...بارك الله فيك وربنا يوفقك فى امتحاناتك علشان نشوفك بقى... وحشتينا...[/b]

[size=18]النجاح مش صعب لكن الحفاظ عليه هو الاصعب واللى بيتطلب مسئوليه وعمل اكتر [/size]
فعلا عندك حق

الاصعب اننا نحافظ على مكاننا فى القمه
من الصعب الوصول للقمه ولكن الاصعب البقاء عليها النجاح هو اعمل حاجه كان نفسى احققها واشوف فرحه اهلى فى عيونهم اما بقى الفاشل فهو ناجح فى الفشل

عجبانى اوى الجمله دى

يعنى حتى الفاشل نجح فى فشله وده ياكد ان مفيش حاجه اسمها فشل

m.7afiez كتب:: واعتقد برده ان النجاح موش اني احقق اهدافي بس

بل أنمي وأطور أهدافي ووسائل تحقيق أهدافي علشان لما أحققها أقدر احافظ عليها

ولازم النجاح يكون مثمر

انا شايفه يا محمد انك علشان تحق هدف
1- تحدد الهدف وتقرر انك توصل ليه
2-تخطط باه بمعنى انك تشوف هتوصل ليه ازاى (ترسم طريق ) ت
3- تشوف الوسائل اللى هتساعدك ايه

ممكن فى اى نقطه من دى يحصل الخلل
زى قصه الحصان
الخلل كان فى سوء التخطيط
وعدم استخدام الوسائل السليمه
بدل مايلى ايده كان يملى الخف

زى ماعمل غيره قبله
بينما كان الرجل يمشي في الصحراء يشعر بالعطش ولم يكن معه ماء فبحث حتى وجد بئرا فشرب حتى ارتوى فوجد كلبا يلهث ويأكل التراب الذي بله الندى من شدة العطش فقال الرجل لقد بلغ هذا الكلب من العطش مثل الذي كان بلغ منه فنزل البئر فملأ خفه ماء ثم أمسكه بفمه وسقا الكلب فغفر الله له ذنوبه على ذلك

» موضوع للمناقشة
» موضوع قد يكون متكررا
» موضوع متكامل عن اداره الذات
» هذا الفأر ليس مصرياً ... موضوع جميل جدا
» موضوع جديد على حلقات مختلفه قريباااااااااااااااااااااااا