كيف نتعلم النهضة من سيدنا محمد صاحب النهضة العظمي

سأبدأ كلامي لكم بسؤال
لماذا نتعلم النهضة من سيرة الرسول صلي الله عليه وسلم؟
1:انجح تجربة نهضة في تاريخ الامة البشرية هي تجربة النبي صلي الله عليه وسلم
والدليل 23 سنه اصلاح يمتد اثرها لعقود لحد الان ومش لدلوقتي وبس لا ليوم القيامة

2:لانه صلي الله عليه وسلم قدوة لينا في كل حاجه في التخطيط وفن الادارة وفن التعامل مع المجتمع

نعلم جميعا ان الامم قبل مولد الرسول صلي الله عليه وسلم كانت في اسوء حالاتها من الانحطاط الاخلاقي والترف والتفرقة الطبقية والجهل والتخلف
فاتي الرسول صلي الله عليه وسلم
وحيدا في وقت اصعب من دلوقتي مليون مرة ونجح
ودا يدل يا جماعه ان المسؤليه بتاعتنا يا جماعه كبيرة اوي وهنتحاسب عليها ان احنا ربنا اخترنا للوقت الصعب عشان يختبرنا وان شاء الله نكون اد الاختبار


الشيطان وقتها قدر يضحك علي قريش ويخليهم يحطو 360 صنم فوق الكعبه
ايه بقي سر تمسكهم بالاصنام ؟ اكيد طبعا مش للعبادة واحنا عارفين انهم لما يكونوا مسافرين كانو يصنعو الصنم من العجوة ولما يجعوا يكبوه
امال ايه سر تمسكهم بيه؟
ان الاصنام دي كانت كانها اعلام للقبائل اللي علي طريق التجارة بتاعت قريش عشان تبقي كانها اتفاقيه سلام بينها وبين القبائل دي عشان متغيرش علي تجارتها
وهكذا جعل الشيطان مصلحة قريش الاقتصادية تتعارض مع معتقدات الفطرة بوحدانية الله ولذلك عارضوا الرسول لا لانهم يكذبونه ولكن لتعارض المصالح

كيف نهض الرسول (ص) في ظلام الدنيا الكاحل في هذا الوقت ؟
بحاجه يا جماعه في علم الادارة اسمها swot analysis
يعني كيفية استغلال الفرص و كيفية تحويلها لنقاط قوة
1:فرصة وجود الكعبة ومواسم مجئ العرب للحج وغيره :فرصة لنشر الفكرة
2:فرصة ان لغة قريش مفهومة بين كل القبائل لذلك يا جماعه احنا مطلوب مننا نتعلم كتير اوي ازاي نتكلم كلام يفهمه الناس كلهم
3:فرصة ان العربي حر ابي كريم ليعتمد عليهم في النهضة لان الذل ميعملش نهضة يعني النهضة عاوزة عزة نفس
وعشان الرسول صلي الله عليه وسلم يربي العزة ورانا موقف جميل اوي يا جماعه:كان في مرة اعد مع كبارة قريش وعلي يمينه صبي في العاشرة من عمره
فكانوا عطشي فاتوا للرسول بالماء فقال الرسول للصبي أتاذن لي ان ابدا بالكبار فقال الصبي
لا اؤثر بنصيبي منك احد يا رسول الله اد ايه الرسول كان بيربي رجاله وحنا كمان يا جماعه لازم نربي اولادنا علي انهم يبقوا رجاله


تسمية الرسول صلي الله عليه وسلم وعلاقتها بالنهضة
سمي الرسول احمد ومحمد من الحمد
والحمد من الرضا وهنا يظهر لنا جليا ان نفسية صانع النهضة تحتاج للرضا وان طريق النهضه طريق صعب علينا ان نرضي ونبذل ونعطي من دون كلل ولا تعب



قبل مولد الرسول صلي الله عليه وسلم بخمسين يوم حدثت حادذة الفيل وما يمكن لنا ان نخلص منه في هذا ان الاحداث العظيمة تصنع الرجال
وكانت حادثة الفيل هي اخر معجزة تحدث
كما ان مولد الرسول صلي الله عليه وسلم ليس معجز
وهذا يدل علي ان زمان المعجزات ولي وبدؤ زمن العلم والتخطيط يا جماعه يلا نفوق بقي احنا المعجزة شباب عاوز النهضة في وقت صعب زي دا هو المعجزة
ممكن حد يقولي كان في معجزات زي الاسراء والمعراج هقوله دي معجزات لا تغير مجري الاحداث وانما للتثبيت ليست كعصي موسي او كسفينة نوح

ليه بقي انتهي زمن المعجزات علي عهد الرسول علشان ربنا يقولنا تجربه الرسول يا جماعه تجربه انسانية قابلة للتتقليد اسوة حسنه

تلخيص
1:سقوط الحضارات عند غياب الحق والعدل
2:الغرب مش كله مرفوض احنا عايزين تعايش مش صدام
3:لا للياس نعم للامل نعم للنهضة
4:اوعي تحط الحق في كفة ومصلحتك في كفة وترجح مصلحتك
5:ازاي تحول الفرص القليلة في دنيا مظلمة لنقاط قوة Swot analysis اذا اردت ان تعرف معني الكلمة ادخل علي الرابط الاتي [ندعوك للتسجيل في المنتدى أو التعريف بنفسك لمعاينة هذا الرابط]
6:نفسية صانع النهضة نفسية راضية
7:الاحداث العظيمة تصنع الرجال

شكرا يا دكتورة دينا

شكرا يا مي

صح يا دكتورة
لما ورقة بن نوفل كان بيبشر سيدنا محمد بالنبوة قاله وهم مكذبوكمك ومعذبونك ومخرجونك
قاله سيدنا محمد اومخرجي يا ورقة
قال نعم ما جاء احد بمثل ماجئت به (اي النهضه) الا عودي