البارانويا

االبارانويا
Paranoiaلتعريف بالمرض:
حاله مرضيه ذهانيه يسميه البعض جنون العظمه وجنون الاضطهاد واهم مايميز هذا الاضطراب هو سيطرة مجموعه من الاوهام والضلالات(افكار خاطئه ومعتقدات باطله)على الفرد بشكل منتظم وثابت.

اسباب البارانويا:
هناك ثلاث عوامل اساسيه فى الاصابه بالبارانويا :
1-عوامل واستعدادات شخصيه قبل الاصابه بالمرض:
والمقصود بهذا العامل ان الفرد قد يتصف بسمات الشخصيه البارانويديه وتتطور هذه السمات تبعا لنمو الفرد.........

ففى الطفوله نجده يتسم ب:
*الوحده والعزله الاجتماعيه.
*التقلب الانفعالى والحزن والتبرم.
*الامتعاض من النظام.

وفى فترة المراهقه نجده يتسم ب:
*الحساسيه الشديده للنقد.
*شدة المبالغه.
*التذمر والانانيه.
* التمركز حول الذات.
*العدائيه الشديده.

وفى مرحلة الرشد نجده يتسم ب:
*الجمود والتزمت وعدم التسامح.
*الغيره والاستخفاف بالاخرين.
*التسلط والتفكير الخراف.

2-عوامل بيئيه اسريه:
*تشيع الاصابه بالبارانويا فى افراد ينتمون الى اجواء اسريه مشبعه بالشك والتشدد وكذلك التسلط والنقد والتهديد والشعور بعدم الامان الاسرى والانعزاليه.

ممايساعد على تهيئة الفرد بالاستعداد النفسى للاصابه بالمرض اذا توفرت بقية العوامل المؤديه لذلك.

3-عوامل نفسيه:
* ومنها الصراع النفسى والشعور بالتهديد والاحباط نتيجة الهزيمه او الفشل فى المنافسه او الحب.
*او نتيجة تاخر سن الزواج او العنوسه.
* او الخبرات الصادمه للفرد.
تداخل العوامل الثلاثه السابقه معا هو الذى يؤدى بالفرد للاصابه بالبارانويا.

اعراض البارانويا:
1- هذاءات واوهام العظمه:ومن اعراض هذا الهذاء:
*يسيطر على المرضى اعتقادات باطله بانهم مثلا انبياء او شخصيات تاريخيه او قاده سياسيون او اجتماعيون .
*يسيطر على المرضى اعتقادات بانهم عباقره او موهوبون او ذو قدرات غير عاديه او خارقه.
*وانهم سيغيرون مسار التاريخ ووجه الارض.

ومن السمات الشخصيه التى يتسم بها صاحب هذا الهذاء:
*نجد المريض يضفى على نفسه مظاهر الابهه والفخامه ويتباهى بنفسه ويتفاخر ويتعالى ويتمركز حول ذاته.
*يضع لنفسه اهداف يستحيل بلوغها واقعيا.
*كما يتسم بحدة المزاج والطبع.
*التسلط والعدوان .
*الخروج على القواعد والاصول.
*اثارة المشكلات الكثيره جدا فى مجال عمله.

2-هذاءات واوهام الاضطهاد:
ومن اعراض هذا الهذاء:
*يسيطر فيها على المرضى اوهام وضلالات اضطهاديه كالاعتقادات بانهم عرضه لتآمر الاخرين وكيدهم وتجسسهم ومتابعتهم اينما ذهبوا.
*والتوهم بان الاخرين يدبرون لهم الخطط والمكائد لايذائهم وتدميرهم بطرق شتى مثل (الاعتقاد بان الاخرين يدسوا له سم فى الطعام)

ونجد صاحب هذا الهذاء يتسم ب:
*الشعور بالنقص وعدم الكفايه.
*الخوف والشك والريبه.
*الغيره والحقد والكراهيه والعداء خاصة نحو من يتوهم انهم يضطهدونه او يتجسسون عليه او يتآمرون ضده او يخونوه.
*الرغبه الشديده فى الانتقام من الاخرين.
*وقد ينتهى به الامر الى الاكتئاب الذى قد يؤدى به فى النهايه للانتحار.

ويورد الدكتور حامد زهران اعراضا اخرى وهى:
3 -الهذاء الجنسى:
*كالاعتقاد عند بعض المرضى بان فردا من الجنس الاخر ذو مركز او شهره يحبه ويبعث له رسايل غراميه عبر الراديو او التليفون او عن طريق البريد.
*كالاعتقاد ايضا بوقوع خيانه زوجيه.

4-هذاء المشاكسه:
*كاثارة المشكلات والعناد وتخطيىء الاخرين والالحاح فى المطالبه بالحقوق واستعجالها.

5-هذاء الغيره:
*حيث يشعر المريض بغيره قاتله من الاخرين لدرجه تزيد من رغبته فى الانتقام.

واخر حاجه معانا عن المرض العلااااج

علاج البارانويا :
هنالك نوعين من العلاج يفيد فى علاج البارانويا:

اولا:العلاج الطبى:
*ويكون باستخدام العقاقير والادويه خاصة من فصيلة الفينو ثيازين لتهدئة المريض وجعله اكثر استعدادا لتقبل العلاج النفسى مع استخدام الصدمات الكهربائيه.

ثانيا :العلاج النفسى:
*يقوم اساسا على انشاء علاقه قوامها الطمأنينه والثقه بين المعالج والمريض.
*ثم العمل التدريجى المتواصل على تطوير شخصية المريض وتقريبها الى الواقع.
*ثم حل المشكلات والصعوبات التى تعترض ادراكاته الواقعيه سواء بالنسبه لذاته ولقدراته واستعداداته الحقيقيه.
*التأكيد على العلاج التدعيمى ( والمقصود به الاهتمام والتركيز على الجوانب السليمه فى الشخصيه لتنشيطها.)
*التاهيل النفسى والتربوى والمهنى والاجتماعى لزيادة استبصار (فهم) المريض بنفسه .
*مع التزام الحذر فى بداية العلاج من مهاجمة المريض باوهامه ومعتقداته.

اهم شىء ذكرته فى كلامى واللى لازم كلنا نركز عليه هيا الاسباب لو فهمناها وعرفناها كويس اكيد هنتجنب ونجنب ولادنا واخواتنا من الاصابه بالمرض.

( هذه المعلومات من كتاب( دكتور وليد نجيب والاستاذ الدكتور السيد فهمى، اساتذة علم النفس بكلية الاداب جامعة المنصوره، وعنوان الكتاب " دراسات اكلينيكيه فى الامراض النفسيه والعقليه"


فى بس حاجه اخيره هاقولها: انا ليا وجهة نظر خاصه فى موضوع العلاج للمريض النفسى لاحظت ان بعض من الاطباء النفسين بيتعامل مع المريض النفسى وكانه مريض عضوى العلاقه بينهم بتبقى عباره عن علاج بالادويه والعقاقير بس، لكن المريض النفسى مش محتاج للعقاقير بس لكن محتاج لحاجه اهم جدا من الادويه محتاج لشخص يضع فيه كل ثقته فيه ويتكلم معاه عن كل اللى جواه محتاج لشخص يسمعه ويفهمه ويحس بيه وهو ده الدور الصحيح للطبيب او الاخصائى النفسى انه يجمع بين الاتنين (العلاج الطبى والنفسى) والنفسى اهم بكتير لان العلاج الطبى عباره عن مهدئات لكن مش هيغير تفكير المريض ولا هيسيطر على فكره ولا تصرفاته ولا هيحكم سلوكياته .

انا لا اقلل من اهمية العلاج الطبى للمريض النفسى لكن العلاج الطبى وحده لايكفى فيفضل الجمع بين الاثنين(الطبى والنفسى)

شكرا يا وفاء على فكرتك الجميلة وموضوعك الرائع

اقتباس :

فى بس حاجه اخيره هاقولها: انا ليا وجهة نظر خاصه
فى موضوع العلاج للمريض النفسى لاحظت ان بعض من الاطباء النفسين بيتعامل مع
المريض النفسى وكانه مريض عضوى العلاقه بينهم بتبقى عباره عن علاج
بالادويه والعقاقير بس، لكن المريض النفسى مش محتاج للعقاقير بس لكن محتاج
لحاجه اهم جدا من الادويه محتاج لشخص يضع فيه كل ثقته فيه ويتكلم معاه عن
كل اللى جواه محتاج لشخص يسمعه ويفهمه ويحس بيه وهو ده الدور الصحيح للطبيب
او الاخصائى النفسى انه يجمع بين الاتنين (العلاج الطبى والنفسى) والنفسى
اهم بكتير لان العلاج الطبى عباره عن مهدئات لكن مش هيغير تفكير المريض ولا
هيسيطر على فكره ولا تصرفاته ولا هيحكم سلوكياته .

انا لا اقلل من
اهمية العلاج الطبى للمريض النفسى لكن العلاج الطبى وحده لايكفى فيفضل
الجمع بين الاثنين(الطبى والنفسى)

انا أتفق معاكي 100

عندك حق 100%

معظم المرضى النفسيين محتاجين حد يتكلم معاهم اكتر من احتياجهم للعلاج الدوائي

فعلا دكتوره دينا المرض النفسى بقا منتشر لدرجه كبيره جدا وكل مازادت ضغوط الحياه بيزيد نسبة المرض النفسى كمان لان التنشئه من البدايه خطا الطفل مثلا بيلاقى فى البيت تدليل زايد عن الحد وتلبيه لكل الطلبات والاب والام فاكرين ان هما كده بيخلو ابنهم فى قمة السعاده لكن الحقيقه لا ده بيبقى بدايه لطريق مبتبقاش له نهايه لانه مبيتعلمش ازاى يتحمل المسئوليه ولما يبدا يخرج من البيت للمجتمع بيصتدم بالواقع لان المجتمع الخارجى مش هيتعامل معاه زى المجتمع الداخلى( الاسره) بيبقى مش عارف ازاى يتعامل مع الناس لانه اتعود انه هو يطلب وطلبه يتنفذ ماتعودش ان حد يؤمره بحاجه او يكلفه بعمل شىء ودايما تزيد مشاكله فى شغله وكذلك فى حياته الخاصه ويدخل من مشكله لمشكله اكبر لحد مايفقد ثقته فى نفسه وفى المجتمع وبيبتدى ياثر ده سلبيا على حالته النفسيه

ومن ناحية تانيه برده القسوه الشديده فى التعامل مع الطفل لها خطوره زى التدليل بالظبط هو ده ممكن يكون خوف من الوالدين على الطفل لكن الطفل مش دايما بيفسره كده لكن بيفسره تسلط وسيطره زايده وبيبدا يحس بالظلم ويفقد الثقه فى نفسه وفى اهله

فافضل حاجه التوازن فى كل شىء يعنى مندلعش الطفل اوى ولا نقسو عليه اوى احنا نعلم ونربى ونعرفه الصح من الغلط ونزرع جواه قيمنا واخلاقنا ومبادئنا ودينا ونسيبه ييبنى شخصيته ووقت مايغلط يبقى فى عقاب وكذلك وقت مايعمل الصح يبقى فى ثواب نعلم الطفل ازاى يتحمل المسئوليه ازاى يبقى راجل يعتمد عليه ازاى يتعامل مع اهله واخواته كويس قبل مايعرف ازاى يتعامل مع المجتمع الخارجى

لو الطفل فى اول 6 سنين من عمره اتربى على الحاجات دى تاكدى يادكتوره انه هيبقى ابعد مايكون عن المرض النفسى فالبدايه من التنشئه الاجتماعيه
ده الجزء الاول من تعليق حضرتك
والسؤال هاجاوب عليه حالا

انا عايزه اسالك سؤال: هل فعلا مريض البارانويا ممكن يثق فى حد ويسمع كلامه بمرور الوقت ؟؟؟؟
من السمات الاساسيه لمريض البارانويا الشك لانه اصلا نشا فى اسره فيها السمه دى سمه اساسيه اكتسب منها انه يشك فى كل اللى حواليه لدرجة ان الشك ده مش بيبقى فى الاخرين بس لا ده كمان بيوصل للشك فى نفسه وبالتالى ثقته بنفسه بتبتدى تقل تدريجيا فطالما انه فاقد ثقته بنفسه من الصعب انه يبقى عنده ثقه فى الاخرين...

للكن مش من المستحيل انننا نغير ده فيه وده مش هيحصل الا اذا تعامل مع المعالج النفسى الاول ومن هنا بيبتدى دور المعالج النفسى بحاجه مهمه جدا انه يزيد من ثقة المريض بنفسه ببساطه جدا انه يحسسه بقيمته واهميته وان فى ناس كتير بتحبه ومحتاجه ليه ومتقدرش انها تعيش من غيره زى مثلا زوجته اهله واولاده ( مريض البارانويا يبان خارجيا انه شديد الثقه بالنفس لكن فى الواقع انه بيخفى ورا الثقه الظاهريه دى شعور بالنقص شديد جدا وبعدم الثقه)

وبعد كده تدريجيا بتبتدى ينمى المعالج داخل المريض احساس بالثقه بالنفس بيزداد تدريجيا وبيزداد معاه ايضا ثقة المريض فى المعالج صحيح هيلاقى المعالج فى البدايه نوع من المقاومه من المريض لانه بيبقى خايف من المعالج وعنده عدم ثقه فيه لكن مع تاكيد المعالج للمريض على السريه التامه وانه لايخبر اى شخص بمايقوله ويعده بالكتمان التام ومع مرور الوقت بتقل مقاومة المريض وبتزداد الثقه بالمعالج وبالتالى تزداد قدرة المريض على الكلام عن كل اللى جواه وهو واثق تماما ان المعالج هيحفظ سره.

كمان فى حاجه مهمه جداااااااا اهم من كل الكلام اللى قولته وهيا اعتراف المريض واقتناعه التام بحاجته للعلاج النفسى النقطه دى هيا الخطوه الاولى للنجاح فى العلاج لان لو المريض مقتنع انه محتاج للعلاج بيقصر طريق طويل جدا على المعالج وبيبقى عنده استعداد كبير جدا لتقبل العلاج وبنحصل على نتائج سريعه

يعنى الخلاصه من الكلام ان مريض البارانويا ممكن بعد تنمية ثقته بنفسه وتنمية كمان البيئه اللى اتربى فيها اللى زرعت جواه الشك فى كل شىء بتبتدى تزيد تلقائيا وتدريجيا ثقته بالاخرين وبالتالى هيثق فيهم ويسمع كلامهم لكن بالتدريج لاننا بنغير عند مريض البارانويا افكار ومش من السهل تغيرها الا اذا قاومناها بافكار اقوى تتغلب عليها.

يارب اكون جاوبت على السؤال كويس ولو حد عنده اى اضافه يتفضل يزودنا بيها

اما بالنسبه للدكاتره اللى عندها بارانويا فاكيد ده هذاء العظمه اكتر هو اللى مسيطر عليهم وكتير من الاشخاص اللى فى مراكز ومستويات كبيره بالنسبه لشغلهم او فى المجتمع بصفه عامه بتبقى عندها هذاء العظمه.

اما عن المرضى اللى بتيجى لزوج حضرتك ففعلا كتير جدا من الامراض العضويه دلوقتى بقى سببها نفسى بنسميه ( المرض السيكوسوماتى) هاتكلم عنه اما اخلص الامراض النفسيه ان شاء الله

ومعظمهم سيدات بسبب ان معظم السيدات يتميزون بالحساسيه المفرطه ومفيش قدره على تحمل الضغوط وعشان نتخلص من الحساسيه المفرطه دى فى حاجتين لازم نحاول نعملهم:
* مخالطة الاخرين وتحمل اذيتهم.

*مخاطبة كل فرد وعقله.
*قرر في نفسك : بأنه رغم أي شيء وكل شيء أنك ستحتفظ بهدوئك تجاه سلوكيات تصرفات الآخرين وأن تسيطر على أعصابك وأن تتحمس لكل ما يجعلك مالكاً لأسباب الصحو الداخلي في نفسك والذي من شأنه ألا يتركك وأفكارك السلبية تجاه تصرفات الآخرين

وان شاء الله هاحاول اجهز موضوع كامل عن الحساسيه المفرطه وازاى نتغلب عليها بطريقه اوسع واشمل لانها لها دور سلبى خطير فى التاثير على سلامة النفس البشريه

شكرا ليك دكتور محمد على مرورك وياريت كل الاطباء النفسين يضعوا النقطه اللى انت ذكرتها دى فى عين الاعتبار

الموضوع جميل يا وفاء انا لسه شايفاه حالا وبجد الكلام رائع
المريض النفسى مش محتاج غير رعايه اسريه واهتمام يشعر المريض باهميته عند الطبيب مش مجرد حد بيديله فلوس علشان يسمعه وهو مش معاه اصلا
كمان الاسرة لها دور اساسى فى نمو المرض النفسى
وبالتالى لازم نخلى بالنا
ربنا يجازيكى خير

شكرا دكتوره سمسمه على مرورك

جزاكى الله خيرا يادكتوره دينا ويارب اكون على قدر ثقة حضرتك فيا

الموضوع جميل يا وفاء فعلا الموضوع رائع
علي فكرة انا عندي اهتمام خاص بعلم النفس
انا شايف ما شاء الله فهمك في عالي اوي ودي حاجه جميلة

شكرا احمد شكرا مى
على كلامكم الجميل

وفعلا يااحمد
من الحاجات المهمه جدا انك تبقى فاهم النفس البشريه
انك تعرف تتصرف وتحل مشاكل
لان بجد اصعب الم هو الم النفس البشريه

واخطر مرض على حياة الانسان وعلى حياة كل الناس اللى حواليه هو المرض النفسى
المرض العضوى من السهل علاجه او التغلب عليه مهما طال الزمن
لكن المرض النفسى بيبقى اصعب علاج واكتر علاج مكلف فى الوقت والمجهود والمال

وعشان كده انا درست علم نفس ولسه هاتعمق اكتر فى دراسته باذن الله
لانى بجد نفسى اقضى على المرض النفسى ونفسى مااشوفش ولا انسان فى الدنيا بيعانى من المرض

انا اتعاملت مع المرضى النفسين وانا بادرب فى المستشفيات
كان نفسى اعملهم حاجه بس للاسف المرض النفسى تمكن منهم ووصلو للمرض الذهانى واصبحو شخصيات مفككه

ولقيت ان حياتهم كانت كلها لخبطه
بداية من اب وام ميعرفوش يعنى ايه تربية طفل
لمجتمع دايما بيلقى اللوم على انسان ملوش ذنب فى حاجه
لام معلمتش ومربتش بنتها ازاى تبقى ام وزوجه
لاب مرباش ابنه على تحمل المسئوليه
لاختيار خاطىء للزوج او الزوجه

تخيل انت الناس اللى متعلمتش الحاجات دى
ازاى هتبقى زوجه او هيبقى زوج
ازاى هتبقى ام وازاى هيبقى اب
الموضوع بجد كبير وكل يوم بيكبر
ومفيش حد بيتحرك
مفيش حملات توجيه وارشاد نفسى
المفروض اننا نركز على الموضوع ده الفتره اللى جايه المفروض يبقى فى اهتمام اكبر من كده شويه

ولدلوقتى فى اماكن كتير جدا مبيعترفش باهمية الاخصائى النفسى او الطبيب النفسى
ودى حاجه مضيقانى جدا

اما انا بقا ربنا يقدرنى واكمل دراسه واقدر اعمل حاجه تفيد المجتمع كله وحاطه فى دماغى كمان فكرة حملات الارشاد والتوجيه النفسى لاننا بجد فى امس الحاجه اليها

علي فكرة يا وفاء انا فعلا بفكر وبكل جدية اني اتخصص في المجال النفسي وهاخد القرار قريب بس لما ادرس الموضوع اكتر من كدا شوية
وجزاكي الله خيرا علي ردك الاكثر من رائع

ربنا يعينك يااحمد ويوفقك وفكره جميله جدا انك تتخصص فى المجال ده لانه فعلا محتاج لانسان ذكى وعنده خبره زيك شد حيلك بقا عشان نبقى نشتغل سوا

والله ممكن بس ابقي استنيني بقي

احب اسلم عليكى ياوفاء واقولك ان الموضوع رائع وياريت دايما تكتبلنا موضوعات جميلة كدة وانا قلتلك قبل كده ان اول لما دخلت المنتدى لفت نظرى الموضوعات الجميلة بتاعتك وانتى طبعا عارفة من غير حاجة انتى الكتورة بتاعتى وطبعا مش هتخدى منى فلوس للكشف ولا الشغل عندك مالوش دعوة با لصداقة

ربنا يوفقك يا وفاء
موضعاتك جميلة ومثيرة جدا
انا عن نفسي بستفيد منها لانها بتدخل فى اعماق النفس البشرية وبتخلينى نتعرف على طرقالعلاجلاىحالةممكن تحصل اوموقف يحصل معانا

امراض نفسية؟؟؟؟؟؟؟؟؟؟؟؟؟؟ظ
ااااااااااااااااااااااااااامين