السلام عليكم ورحمة الله وبركاته
السلام العسكري ده مني ليكم
وبعد
فقد توليت مسؤولية ادارة المنتدى
وربنا يقدرني ويجعلني سبب في ارتقاء المنتدى وعلو قدره وشأنه
بس محتاج مساعدتكم
اولا
فيه اعضاء مينفعش انهم يغيبوا عن المنتدى خالص
بجد وجودهم اساسي وضروري جدا جدا للمنتدى وللأسرة
على سبيل المثال وليس الحصر
هعمل استدعاء لبعض الاعضاء اللي مينفعش يغيبوا عن المنتدى خالص
1/ السيدة الدكتورة قائدة الجناح العسكري للأسرة واول من نادت باستخدام الاسبراي الاسود لشل حركة المدرعات اثناء الثورة
الدكتورة/حياتي كلها لله
2/السيدة الدكتورة رئيس الهيئة الدبلوماسية العليا ومندوبة الاسرة الدائمة في كلية التمريض/وحي القلم
3/السيدة الدكتورة علا (وهي جزاها الله كل خير مبتغيبش عن المنتدى)
4/السيدة الدكتورة ميرنا
5/السيد الدكتور dr.agaas
6/السيد الدكتور وليد المبعوث الدائم وممثل الاسرة في صعيد مصر
7/السيد الاستاذ محمد برد
8/السيدة الاستاذة وفاء بدر
9/السيدة الاستاذة طفلة القمر
وطبعا طبعا طبعا منتظرين الوجود الدائم للدكتورة مي توتا ولو اننا مقدرين انشغالها بس وجودها فعلا فعلا في غاية الاهمية
وغيرهم طبعا
ده على ثبيل المثال وليس الحصر
ثانيا
المنتدى يا جماعة لازم يكبر بينا
كلنا مسؤولين عن المنتدى ده قدام ربنا
ده حاجة بسيطة ممكن من خلالها نساعد نفسنا وغيرنا انهم بجد يلاقوا نفسهم ويتغيروا للاحسن ومفيش وقت انسب للتغيير من الوقت ده
البلد بجد محتاجة للي يغيرها
ياريت بجد نساهم بقدر ولو بسيط ونبقى بجد عملنا حاجة
المنتدى بجد محتاجكم يا جماعة ومحتاج مشاركتكم ومجهودكم
يارييت كلنا نكون قد المسؤولية
ان شاء الله سوف يتم تكوين حكومة المنتدى الجديدة (طاقم الاشراف)خلال فترة قصيرة
وده هيكون من خلال مجهوداتكم ومشاركاتكم في الفترة القادمة وبناءا على تلك المشاركات سيتم اختيار الشخص المناسب للمكان المناسب ان شاء الله
وفيه اقتراح بقترحه يارييت اعرف رأيكوا
كل فترة ان شاء الله هتكون فيه انتخابات للمشرفين وحتى للمدير
بحيث اللي هيقوم بدوره على الوجه الامثل يفضل في مكانه
واللي هيقصر هيجي غيره من خلال انتخابات هتتم كل فترة وهنتفق على الموضوع ده لاحقا بحيث اننا نكون في تطور دائم ان شاء الله
والله الموفق
المنتدى محتاج مجهودكم يا جماعة