الطلاق

الطلاق

الطلاق فى سطور وجيزه:

الطلاق كلمه باتت تتكرر كثيرا حيث انه أصبح منتشر لدرجه تثير الذعر لدى أفراد المجتمع فمن وجهة نظري أن الطلاق أصبح ظاهره أكثر من كونه مشكله عابره............

أنها لحقا كارثه اجتماعيه لا تعود بالضرر على الزوج او الزوجه فقط......بل يتخطى الامر للتاثير على مستقبل الابناء فاول ثمره يجنيها الاباء من الطلاق هى فى الكثير من الاحوال ضياع الابناء.....

ولايقتصر الضرر على المطلق والمطلقه والابناء فحسب........ولكن يتاثر المجتمع سلبا ايضا بحدوث هذه الكارثه.......

وكثرة وقوع الطلاق جعل الكثير منا يتسائل عن السبب فى وقوعه؟؟؟ ياترى من السبب؟؟؟ هل الزوج؟؟؟ام الزوجه؟؟؟ ام الاثنين معا؟؟؟ام غياب الوعى بمعنى وقيمة وواجبات ومسئوليات الحياه الزوجيه؟؟؟ام ماذا!!!

ولكن ايضا يكون الطلاق فى بعض الاحيان هو الحل الامثل والاختيار الصحيح لكلا الطرفين ويعيش كل منهم حياه سعيده بعد الانفصال....

لعلها من ظاهره محيره لها سلبياتها وايجابياتها كأى ظاهره ولكن الفرق هنا ان سلبياتها اكثر بكثير من الايجابيات.


تعالو بقا نعرف نسبة انتشار الطلاق فى مصر..........

معدلات الطلاق فى مصر:

*كشفت التقارير الصادره عن الجهاز المركزى للتعبئه العامه والاحصاء عن وقوع حالة طلاق كل 6 دقائق وان هناك 88 حالة طلاق تحدث كل عام.

*ورصدت الاحصاءات 240 حكما بالطلاق تصدر كل يوم فى محاكم الاحوال الشخصيه.

*وطبقا لاحدث احصاء سكانى تم اصداره مؤخرا فان النسبه الاكبر من حالات الطلاق تقع بين المتزوجين حديثا حيث تصل نسبة الطلاق فى العام الاول 34% بينما تقل نسبة الطلاق الى 21,5 خلال العام الثانى من الزواج

السلام عليكم
شكرا يا وفاء على الموضوع اللمثير فعلا ده، والاثارة الاكثر فيه اننا هانستمع لاراء بعض اكثتر من اننا نجيب من كتب او نبحث على الانرنت عشان نقدر نفيد بعض
انا من وجهة نظر ان الاسباب الرئيسية للطلاق
اولا الغياب الوعى الدينى عند كثير من المقبلين على الزواج، مش شرط يكون الطرفين ، ممكن يكون طرف واحد وده تعبتره سبب رئيسيى
لان لو تواجد الوعى الدينى واستقر فى يقين كل واحد منا طرفى الزواج انه امام حياة زوجية وعشرة ومودة عمر ما اى من الطرفين هايفكر بطريقة تغضب التانى وتوصله للطلاق
حتى لو فى اختلاف فى المستوى الاجتماعى او حتى المستوى التعليمى لان الدين وتطبيقه صح زى ما احنا عارفين بيزيل الفوارق
ان كان دينا زال الفوارق بين الاجناس المختلفة فى اللغة ووالمعيشة مش هايزيلها بين ابناء الوطن الواحد
يبقى العيب فينا احنا
ورغم كده ممكن يكون ناس عندهم وعى دينى بس خلاص هما وصلوا لعدم تقبل احد الطرفين للاخر - زى قصة اسامة ابن زيد وزنيب بين جحش
ثانيا عدم الرضا ودية نقطة مهمه قوى ، ان الواحد منا يرضى بما قسم الله له
بلاقى كتير يا جماعة ناس اتجوزت وخلفت وعندها حالة من عدم الراضا حاسين انهم يستالهوا اكتر من كده
ولو دية اتوجدت بتخلق نوع من عدم التدقير والاجترام كل طرف للاخر

يعنى ده اللى جه فى تفكير بسرعه كده
ونسمع بقية الاعضاء بقه

والله يامى انت جيتى على جرح كبير فى بيوتنا.. الكلام فى الموضوع ده عايز تركيز شديد جدا..
استاذنك اشارك معاك بعد شويه لانى مشغوله النهارده وبكره جدا جدا..
شكرا على الموضوع القيم

معلش ياوفاء.. اصلى يظهر نمت وانا باكتب التعليق..
..ويمكن علشان كنت لسه باعته رساله لمى باطمن على اخبارها..انت عارفه انهم ملبوخين فى الامتحانات
سماح يادكتوره وفاء

السلام عليكم ورحمة الله


اولا انا اتفق مع الاستاذ على فى ان الجانب الدينى اهم حاجة
ولو صلح كانت ستذلل باقى العقبات الاخرى مهما كانت لاننا هنرجع للدين ونحكمه0000


ثانيا كلا من الطرفين يقع عليه جانب من المسئولية


اذكر فى اجتماع للاسرة فى وجود الدكتور احمد حسن انه قال
لو كلا من الرجل والمراة على دراية بالتركبية النفسية للاخر
سوف يعرف كيفية التعامل مع الجانب الاخر بكل سهولة وسلاسة


فاذا عرف الرجل ان المراة تحكم قلبها وعواطفها فى معظم الامور
فيعرف اذا كيف يحتويها بعقله


واذا عرفت المراة ان الرجل يمكنه اقتسام عقله وفكرة بينها وبين العمل كمثال
ادركت ان لها الجزء الخاص بها فى وجود اشياء اخرى تجذب اهتمامه وهذا لا ينقص من قدرها شىء طالما يعاملها بما يرضى الله




الطلاق قد يكون حلا لمشكلة اكثر من كونة مشكلة فى بعض الاحيان لذا فقد حلله الله
ولكنه ابغض الحلال عندة لما قد يترتب على ذلك من تفكك اسرى
ومشاكل نفسية للطرفين والاولاد

شكرا مريم على الاتفاق معايه فى راى وانا استاذنك انى اتفق معاكى فى الجزئية اللى ضفتيها من اجتماع اللاسرة
فعلا لازم كل واحد يعرف التركبية النفسية للاخر
انا عن نفسي كنت لفترة قريبة كان عندى مشكلة انى اتعامل بسهولة مع البنات عموما، يمكن لان طبيعى انطواى لكن الحمد لله
قدرت انى اصحح مسارى فى النقطة دية لانى حسيت انها فعلا هاتعملى مشكلة فى المتسقبل الا وهى فهم طبيعة وتركيبة الجنس الاخر
وربنا يستر بقه
ههههههههههههه

الموضوع زى ماقولتى طبعاياوفاء مهم جدا وده لان أثاره وعواقبه كبير مش بس على الزوج والزوجة ولكن على أطفالهم.

وأكيد انتى عارفة انى اشتغلت على الموضوع ده فى الكليه وقابلت حالات كتير جدا فى مركزالتأهيل الاجتماعى ومكاتب الأسرة واتكلمت معاهم.

وقدرت أفهم ان الطلاق له أسباب كثيرة هحاول أقولها باختصار شديد.

1-أسباب اجتماعية.ودى على حسب رأى الحالا أوالمبحوثين اللى اشتغلت عليه كانت بسبب تدخل أهل الزوجين فى حياتهم-بالاضافة لفارق المستوى الاجتماعى والثقافى والتعليمى فى بعض الحالات الأخرى

2-أسباب اقتصادية.ودى ناتجة عن عدم قدرة رب الأسرة على الوفاء باحتياجات الزوجة والاطفال.وبعض الحالات ذكرت انه تضطر الى الخروج للعمل حتى تقوم بسداد احتياجات الاسرة بما فيها الانفاق على الزوج.

أسباب أخرى .وبتكون ناتجة عن عدم التفاهم بين الزوجين بما يؤدى الى الطلاق وأغلب هذه المشاكل بسبب بعض الأمراض النفسية أو كذب أحد الزوجين على الأخرفى أشياء تتعلق بحياتهم مابعد الزواج وأيضا ادمان الزوج وتعاطيه للمخدرات كذلك مرض أحد الزوجين وعدم قدرته على الانجاب.

أما عن أثر الطلاق على الأطفال.فهنا الكارثة لأن أغلب الحالات التى قابلته تكون الأم هى الحاضنة للأطفال وتكون النفقة التى أقرتها المحكمة غير كافية لسداد طلبات الأم والأطفال.

فبالتالى تقوم الأم باخراج أطفالها الى سوق العمل فى سن صغيرة جدا من أجل المساهمة فى المعيشة.وجميعكم تعلمون مايتعرض له الأطفال وما يوجهونه فى الشوارع والعمل فى الورش وما له من أثار نفسية وعضويةعليهم مستقبلا.

ازيكم ياشباب..
ازيك ياوفاء.. بصراحه كلامكم راااااااااااائع
بس انا احب اضيف نقطتين كتعليقى على اسباب الطلاق :
اولا:: اهم اسباب الطلاق من وجهه نظرى وببساطه شديده ان كل واحد فينا بيتعلم كل شئ فى الدنيا.. الدين والعلم فى المدرسه والبيت وبيتعلم اللعب وكل اللى هو عايزه بس للاسف مابنعلمش اولادنا وبناتنا يبقوا ازواج وزوجات صالحين..
يعنى مثلا البنت بتتعلم تساعد امها فى البيت وتتعلم تذاكر وتتعلم تصلى وتصوم وتقرا قران لكن لما تتجوز بتتفاجا باسلوب حياه مختلف تماما عن اللى كانت عايشه بيه فى بيت ابوها.. وبتحصل مشاكل كتيره نتيجه للمسؤليات والمشاكل اللى بتواجهها..
الولد كمان للاسف فى معظم بيوتنا بيكبر وهو معتقد انه علشان يبقى زوج مثالى لازم يشخط فى البيت ويعطى الاوامر والزوجه عليها السمع والطاعه..

من الحاجات اللى كمان بتلخبط مفاهيم الشباب عن الزواج هى: الاعلام بمسلسلاته وافلامه .. اللى بتصور لنا ان االحب دلع وفسح وخروج وهدايا ,..و لما البنت بتتجوز بتكتشف ان الجواز مش كده.. ده تنظيف وطبيخ وغسيل ووعيال ومسؤليات كتيره جدا ..
طيب والحل...
الحل ان كل ام لازم تعلم بناتها يعنى ايه زواج وازاى تشيل مسؤليات البيت وازاى تبقى زوجه حقيقيه..
وكلنا نتذكر نصائح الاعرابيه لابنتها قبل زواجها..
وبعدين دلوقت احنا مالناش حجه لان النت والمكتبات مليانه كتب عن الحياه الزوجيه الناجحه وكيفيه التعامل بين الزوجين وفنون الحوار والاتصاتل والتفاوض.. وكلها مهارات مهمه جدا فى مؤسسه الزواج

كمان الراجل لازم يغير مفاهيمه ويعرف ان الزواج شراكه وليس تحكم شخص فى اخر او فرض سلطه..

ثانيا: انا باختلف مع على فى موضوع الوعى الدينى وعلاقته بالطلاق..
انا شفت ناس كتير ملتزمه بالصلاه والمشاعر الدينيه جدا جدا .. وقارئين للقران لكن تعاملتهم فى بيوتهم سيئه جدا.. يمكن لانهم ملتزمين بممظاهر الدين وليس بجوهره للاسف..
ويكفينا قدوتنا رسولنا الكريم عندما قال: خيركم خيركم لاهله وانا خيركم لاهلى

شكرا ياوفاء على موضوعك الجميل..

من الحاجات اللى كمان بتلخبط مفاهيم الشباب عن الزواج هى: الاعلام بمسلسلاته وافلامه .. اللى بتصور لنا ان االحب دلع وفسح وخروج وهدايا ,..و لما البنت بتتجوز بتكتشف ان الجواز مش كده.. ده تنظيف وطبيخ وغسيل ووعيال ومسؤليات كتيره جدا ..
طيب والحل...
الحل ان كل ام لازم تعلم بناتها يعنى ايه زواج وازاى تشيل مسؤليات البيت وازاى تبقى زوجه حقيقيه..


شكرا دكتوره دينا على ردك وان كان يختلف معايه فى نقطة بس انا اتفق معاكى ان رغم ان فى التزام بس مابيبقاش فى استقرار ولا حياة ناحجه ، بس ده مممكن يكون حالات شاذه

ولكن اتفق معاكى بشده فى الجزئية اللى نسختها فوق
ان الولد والبنت حياتهم بتبتدى بحب ورومانسية ونور ومهند والكلام ده كله
والبنت تفضل عايشه فى الحلم ده ومن حظها المنيل لو هو كمان معيشها فيه
لحد ما الاتنين يتفجأوا لاهو مهند ولا هيه نور
هو عايزها تسمع كلام وتنفذه اوامره
وهيه عايزاه يعيشها فى جو الرومانيسة والكلام ده، مش بنكره ولا بقول انه مش صح
ودية شخصيا قابلتنى كتير، ان البنت عايزه من اول يوم اتقدم ليها عايزه تعرف انى رومانسى او او
طبعا ابسط حاجه للرد عليها
ان كل حاجه وليها وقتها، ممكن ابقى رومانسى قدامك وتنبهرى وهاتبقى فى قمة فرحك
بس الاهم من اننا نبقى رومانسيين اننا نعرف بعض بعقلانية اكتر من رومانسية وحب
زى ما بنشوف فى المسسلات وزى ما قالت دكتوره دينا
لازم الام تفهم بنتها وفعلا زى ما قلتى يا دكتوره نصائح الام لبنتها
وكذلك الولد ، لازم يفهم انها حياة ومتحاجه قدر كبير من التفاهم والتحمل لحد ما كل واحد يقدر يتعامل مع الاخر بالاسلوب اللى يريح الطرفين
تعرفوا يا جماعة انا ليه مفهوم فى نقطة الحب اللى بين الزوجين
بعتبر ان امور الحياة بين الزوجين زى البيت اللى لسه بيتينى
الطوب هيه مشاكل الحياة وصراعات الحياة ونقاشات وكل حاجات مشادات وصعوبات، وبعتبر ان المونه اللى بتمسك الطوب مع بعضه هو الحب والمودة بين الزوجين واحب اقولها موده اكتر من حب لان المودة دائمة
فلو حياة الزوجين كلها صعوبات ومناقشات بدون وجود المودة بينهم والالفة الحياة دية لا يمكن تستمر زى بالضبط اللى بيحط طوب فوق بعضه من غير مونه سهل قوى ان اى حد ممكن يوقعه

وربنا يوفقنا جميعا الى حياة صالحة يملاها الحب والمودة

كلامك راااااااائع ياعلى..
شكرا على الاضافه المفيده..
وكلامك كمان ياوفاء..
بارك الله فيكم جميعا..
على فكره انا سمعت فكره عجبتنى جدا عن سبب استمرار الحياه الزوجيه واستقرارها وبالتالى انخفاض نسبه الطلاق..
تعرفوا ايه هى؟؟
تشارك الزوجين فى الاهداف والرؤيه المستقبليه لحياتهم...
بمعنى ان الزوجين يقعدوا مع بعض ويبداوا يفكروا سوا.. ايه النتيجه اللى احنا عايزنها من زواجنا.. او ايه اهدافنا من مؤسسه الزواج؟؟
الناس اللى بتتجوز والسلام بدون رؤيه واهداف ممكن اى مشكله صغيره تعصف بكيان الاسره وتهده.. اما الاسره اللى مبنيه على اساس متين من التشارك فى الهدف والرؤيه الواضحه بتقابل كل المشكل والتحديات بصلابه..
طيب ناخد مثال على الاهداف دى:
1- بناء اسره متحابه وصحبه صالحه فى الدنيا والاخره..
2- ان يكون البيت هو واحه الراحه والامان بالنسبه للزوج والزوجه
3- تربيه ابناء نافعين لانفسهم ولمجتمعاتهم...
تعرفوا ياشباب..
انا ليه واحده صاحبتى.. ربنا يبارك لها... عمرها مااتخانقت مع زوجها وكل واحد فيهم بيقدر التانى جدا جدا.. بصراحه كان شئ غريب بالنسبه لى.. لان معظم بيوتنا لاتخلو من المشاحنات والصدامات... ..
لما قربت منها اكتر اكتشفت ان كل تركيزها هى وزوجها على حياتهم مع بعض وعلى اولادهم .ازاى يريحوا بعض.. ويستحملوا بعض... ويساعدوا بعض.. وازاى اولادهم يبقوا اولاد وبنات ناجحين فى حباتهم..
وعلشان كده اى مشكله من مشاكل الحياه بالنسبه لهم تافهه وصغيره وبتعدى بسرعه لان عندهم اهداف اهم.. ازاى يسعدوا بعضهم.... مش زى بعض الازواج والزوجات اللى بيعزوا النكد والخناق لمجرد اثبات الذات..

شكرا دكتوره دينا
واما الكلام ده من دماغى
وفعلا تجربة زميلتك جيده جدااااااااااا

مش عارف ليه يا دكتورة لما بتقولو مؤسسه الزواج بحس انها حاجه رسمية اوي
مينفعش يبقي اسمها تيم ورك
مينفعش يبقي اسمها اتنين اصحاب متفقين علي الحلوة والمرة من البداية وعارفين هما عاوزين ايه
مينفعش نسميهم اتنين حبايب هيقضوا رحلة مع بعض مدتها عشرين او تلاتين سنه

هههههههههههههههههههههه
والله كلامك يضحك يا دكتوره دينا

وفى مقوله تانية
اربطيه بالخلفه والعيال قبل ما يجبلك ضره
هههههههههههههههههههههههه
مش كده برده؟؟؟

وفى مقوله تانية
اربطيه بالخلفه والعيال قبل ما يجبلك ضره
هههههههههههههههههههههههه
مش كده برده؟؟؟

كده ياعلى..
بس خلى بالك... انت كمان بكره لما تيجى تتجوز .. اكيد هاتسمع كلام زى ده.. وهابقى افكرك..
بس المهم.. كل واحد فينا مقتنع بايه.. وهدفه ايه...

ههههههههههههههه ههههههههههههههههههههه انا والله معرف هايحصل فيه ايه بلما تيجى ست الحتة بس نبقى نشوف هانعمل ايه ههههههههههههههههههههههه

دكتورة دينا حق
والمشكله ان الميديا مبوظا دماغنا يا ريت حضرتك تتفرجي علي الحلقة 7 في القادمون

مينفعش يبقي اسمها اتنين اصحاب متفقين علي الحلوة والمرة من البداية وعارفين هما عاوزين ايه
مينفعش نسميهم اتنين حبايب هيقضوا رحلة مع بعض مدتها عشرين او تلاتين سنه


حلوة والله يا احمد الفكرة دى
عن نفسى هحاول ربنا يقدرنى
واعمل تيم ورك حلو

ربنا يرزقك بابن الحلال يا مريم
انتي وكل بنات المنتدي وكل بنات المسلمين امين

توصيات وتطبيقات نفسيه وتربويه للوقايه من الوقوع فى الطلاق

اولا- بالنسبه للمقبلين على الزواج:
يجب على المقبلين على الزواج اتخاذ التوصيات التاليه للوقايه من الطلاق:

1-التدقيق فى الاختيار واعمال العاطفه والعقل معا عند اختيار القرين.
2-البعد عن الزواج المتسرع او زواج المصلحه او زواج القرين.
3-تقارب العمر والمستوى الاجتماعى والاقتصادى والتعليمى والثقافى لكلا الطرفين.
4-التاكد مع السلامه النفسيه والجسديه وحسن الخلق والطباع والسمعه الطيبه والمكانه الاجتماعيه ومستوى التدين لكلا الطرفين.
5-احترام راى الاهل وتقديره عند عملية اختيار القرين فهو وان كان نعتبره استشاريا الا انه من المحتم احترامه والاخذ بما فيه من نصح وارشاد.

ثانيا بالنسبه للمتزوجين فعلا:

1-التقارب والتفاهم على كل مايتعلق بامور الحياه الزوجيه.
2-الاحترام المتبادل بين الزوجين.
3-تحديد الادوار والمسئوليات والتعاون المشترك لتحقيق اهداف الحياه الاسريه.
4-حل المشكلات والمنازعات الاسريه بالود والتفاهم وعدم تخطى هذه المشكلات عقبة المنزل.
5-عدم التلويح بالطلاق كحل المشكلات الاسريه وعندما تتعقد الامور يفضل اللجوء لاهل الخير للاصلاح والمصالحه.
6-جعل المنزل جنه يتمنى كلا الطرفين البقاء فيها والاستمتاع بها والخوف من الطرد منها.
7-احترام قداسة عقد الزوجيه ومايترتب عليه من حقوق وواجبات.
8-القضاء على الملل والروتين فى الحياه الزوجيه وجعلها حياه متجدده تبعث على الرضا والارتياح.

ثالثا:بالنسبه للمربين من اباء ومعلمين:

1- الاعلاء من مكانة الاسره ودورها فى المجتمع .
2- تدعيم القيم المتعلقه بالحياه الزوجيه وقداستها كنظام اجتماعى قويم اساسه الحب والتفاهم.
3- تدعيم الحرص على استمرار ودوام الحياه الزوجيه واستقرارها.
4- تقديم نماذج طيبه للسلوك الزواجى والمعامله الزوجيه ترغب الابناء فى الزواج وتحبب لهم الحياه الزوجيه.
5- الفهم الواعى بحقوق الزوج والزوجه كما حددها الشرع.
6- التاكيد على اهمية رعاية الابناء والحفاظ عليهم وخلق الناخ الاسرى السليم لهم بتربيتهم فى احضان والديهم مع تكوين اتجاهات سالبه نحو الطلاق.

رابعا : بالنسبه للدعاه ووسائل الاعلام:

1-توضيح خطورة الطلاق على الزوج والزوجه والابناء.
2- التوعيه باساليب اختيار الزوج والزوجه الصالحين.
3-التوعيه بالحقوق والواجبات للزوج والزوجه كل منهما على الاخر .
4- الارشاد الى الصبر والمثابره على مشكلات الحياه الزوجيه.
5-ايضاح ان انجاب الذكور والاناث والعقم بيد الله وحده فالابناء هبة الله الذى يعطى ويمنع وبيده كل شىء وليس بيد الرجل والمراه.
6-التاكيد على قيمة الامانه والثقه بين الزوجين والوفاء وحفظ السر والعرض والمال وحفظ الود اساس سليم لاستمرار الحياه الزوجيه.
7-الدعوه الى حسن استعمال العقل فى مجابهة المشكلات الزوجيه.
8-توضيح الحكمه من اباحة الطلاق مع بغضه وكراهيته وتعرف الناس بالامور التى يباح فيها الطلاق.

خامسا:بالنسبه للمرشدين النفسين والاجتماعين:
1- تقديم خدمات ا لارشاد الزواجى.
2- تقديم الاستشارات الزوجيه.
3- توضيح اهمية النضج النفسى والاجتماعى كشرط لنجاح الحياه الزوجيه.
4- تقديم الارشاد العلاجى لحالات سوء التوافق الزواجى.
5- توضيح جميع الطرق لتحقيق التقارب الفكرى والوجدانى .
6- معاونة الزوجين فى تخطى مايعترض حياتهما الزوجيه من مشكلات وعقبات.
7- مساعدة الزوجين على خلق مناخ اسرى صحى يسوده الحب والوئام.
8- تقديم الخدمات المتعلقه بالتربيه وفن ادارة المنزل.
9- اكساب الازواج فن ومهارة ادارة الحياه الزوجيه بكفائه.
10- تقديم نمتذج للحياه الزوجيه الناجحه التى ترفرف عليها السعاده والهناء.
11- مساعدة الازواج على تبنى اتجاهات سالبه نحو الطلاق .
12- دفع كلا الزوجين لكى يملا حياة الاخر يملا عليه سمعه وبصره وفؤاده فيعمى بصره عن غيره ولا تسمع اذنه الا حديثه ولا يرنو فؤاده الا نحوه.

التوصيات دى من كتاب اسمه الطلاق..... مشاكله.......حلوله
بس مش متذكره اسم المؤلف.

هاضيف افضل حلول الطلاق اللى ذكرها الاعضاء:

دكتوره دينا:
على فكره انا سمعت فكره عجبتنى جدا عن سبب استمرار الحياه الزوجيه واستقرارها وبالتالى انخفاض نسبه الطلاق..
تعرفوا ايه هى؟؟
تشارك الزوجين فى الاهداف والرؤيه المستقبليه لحياتهم...
بمعنى ان الزوجين يقعدوا مع بعض ويبداوا يفكروا سوا.. ايه النتيجه اللى احنا عايزنها من زواجنا.. او ايه اهدافنا من مؤسسه الزواج؟؟
الناس اللى بتتجوز والسلام بدون رؤيه واهداف ممكن اى مشكله صغيره تعصف بكيان الاسره وتهده.. اما الاسره اللى مبنيه على اساس متين من التشارك فى الهدف والرؤيه الواضحه بتقابل كل المشكل والتحديات بصلابه..
طيب ناخد مثال على الاهداف دى:
1- بناء اسره متحابه وصحبه صالحه فى الدنيا والاخره..
2- ان يكون البيت هو واحه الراحه والامان بالنسبه للزوج والزوجه
3- تربيه ابناء نافعين لانفسهم ولمجتمعاتهم...

د/احمد جمال

مش عارف ليه يا دكتورة لما بتقولو مؤسسه الزواج بحس انها حاجه رسمية اوي
مينفعش يبقي اسمها تيم ورك
مينفعش يبقي اسمها اتنين اصحاب متفقين علي الحلوة والمرة من البداية وعارفين هما عاوزين ايه
مينفعش نسميهم اتنين حبايب هيقضوا رحلة مع بعض مدتها عشرين او تلاتين سنه.

كده الموضوع خلص رغم ان مفيش حد كتير شارك فيه بس طول اوى كفايه كده عليه ونطرح موضوع تانى.

شكرا لكل الاعضاء الى شاركو بارئهم الجميله(دكتوره دينا-احمد جمال- على –مريم – ساره –سيف)

جزاك الله كل خير ياوفاء على موضوعك القيم..
وفى انتظار موضوع شيق اخر..

شكرا يا وفاء موضوع اكتر من رائع
وفعلا قدرتى تجمعى فيه كل حاجه
ربنا يجازيكى خير ويفوقنا جميعا لما يحب يرضى

انا بقترح يا وفاء ان مثلا نقول مواقف متداوله بتحصل بين المخطوبين او المتزوجين
ونحاول نحطلها الحلول الجميلة اللي تقينا المشاكل
طبعا هي مش هتقينا ميه في الميه بس هي هتنفعنا جدا