شباب النهضة
اسرة النهضة للدعم الطلابي والتنمية البشرية بكلية الطب جامعة المنصورة ترحب بكم
انت الان غير مسجل ولا تستطيع مشاهدة محتوى المنتدي
يرجى التسجيل

شباب النهضة

اسرة النهضة طلبة طب المنصورة للدعم الطلابى والتنمية البشرية
 
الرئيسيةالبوابةاليوميةس .و .جالتسجيلدخول
منـــــــتـــــــــــــدى الــــــــنـــــــــهــــــــــــضــــــــــــــة للتــــــــنـــــــمـــــــــــيــــــــة البـــــــــشــــــــــــرية يرحب بــكــم
رسالة دكتورة دينا الطنطاوي من بيت الله الحرام:السلام عليكم احبابى شباب النهضه... ابعث لكم رسالتى هذه من امام الحرم الشريف بمكه المكرمه حيث رزقنى الله نعمه زياره بيته الحرام ..ولله انها اجمل رحله رزقكم الله بها جميعا.. ادعو الله لكم بكل خير وبالتوفيق والسداد ولك منى يادكتور محمد دعاء خاص على صبرك وتحملك مسئوليه المنتدى
محمد أشرف الأعراب والعجم** محمدخيـر من يمشي على قــــدم** محمــد باسط المعروف جامعه** ‍ ‍ محمـد صاحب الإحســان والكــــرم** محمــد تاج رسل الله قاطبــــة** ‍ ‍ محمـــــــد صــــــادق الأقوال والكلـــم** محمــــــد ثابت الميثاق حافظــه** ‍ محمــــد طيــب الأخــلاق والشيــــم** محمـــد رُوِيَت بالنور طينتُــــهُ** ‍ ‍ محمــــد لم يــــزل نــــــوراً من القِدم** محمــــد حاكم بالعدل ذو شرفٍ** ‍ ‍ محمـــــد معــــدن الأنعام والحكــــــم** محمد خير خلق الله من مضـــــر** ‍ ‍ محمــــد خيـــر رســـــل الله كلهـــــم** محمــــــد دينه حـــق نديـــن بـــه** ‍ ‍ محمــــــــد مجمــــلاً حقاً على علــــم** محمـــد ذكـــره روح لأنفسنــــــــا** ‍ ‍ محمد شكره فــــرض على الأمــــم** محمد زينة الدنيا وبهجتهـــــــــــا** ‍ ‍ محمــــــــد كاشــــــف الغمات والظلم** محمــــد سيـــــــد طابت مناقبـــــه** ‍ محمــــد صاغه الرحمــــــن بالنعـــــم** محمــــد صفـــوة الباري وخيرتـــــه** ‍ ‍ محمــــد طاهـــــــر من سائر التهـــم** محمـــد ضاحــــك للضيف مكرمــــه** ‍ ‍ محمـــــــــد جـــــــاره والله لم يضـــم** محمــــد طابـــــت الدنيــــا ببعثتــــه** ‍ ‍ محمـــــد جـــاء بالآيـــات والحكـــــــم** محمـــــد يوم بعث الناس شــــــــــــافعـنا** محمـــــــد نوره الهادي من الظلــــــــــم** محمــــــــد قائـــــــــــم لله ذو همـــــــــم** ‍ ‍ محمـــــــد خاتـــــــم للرســــــل كلهــــم** مولاي صل وسلم دائما أبدا** على حبيبك خير الخلق كلهم** يا رب بالمصطفى بلغ مقاصدنا** واغفر لنا ما مضى يا واسع الكرم**
اللهم اجعل لأهل سوريا فرجا و مخرجا ،اللهم احقن دماءهم ، و احفظ أعراضهم ، و آمنهم في و طنهم ، اللهم اكشف عنهم البلاء اللهم قاتل الظلمة المتجبرين ، يا جبار يا قهار قاتل المتجبرين الفجار ، اللهم خذهم أخذ عزيز مقتدر ، و أرح البلاد و العباد منهم يا عزيز ،اللهم و الطف بعبادك المسلمين في كل مكان يا رحيم يا رحمن ، اللهم انصر الإسلام و أعز المسلمين ، و أعلِ بفضلك رايتي الحق و الدين ، اللهم كن لأهل السنة يا ذا القوة و المنة ، اللهم و أنعم علينا بالأمن و الأمان يا لطيف يا منان ، و الحمد لله رب العالمين .
اللهم إنا نسألك و نتوسل إليك بأسمائك الحسنى و بأنك أنت الله الذي لا إله إلا أنت وحدك لا شريك لك نسألك اللهم أن تصلي و تسلم و تبارك على سيدنا محمد و على آله وصحبه وسلم تسليماً كثيراً ونسألك يا الله يا غياث المستغيثين ويا أمان الخائفين أن تغيث أهل سوريا اللهم أغث أهل سوريا .. اللهم أغث أهل سوريا.. اللهم أغث أهل سوريا اللهم .. اكشف عنهم الكرب.. اللهم عجّل بالفـرج.. اللهم ألف بين قلوبهم .. اللهم وحد كلمتهم على الحق يارب العالمين ... يا ذا الجلال والإكرام.. يا حي يا قيوم ياودود يا ودود... يا ذا العرش المجيد... يا مبدئ يا معيد...يا فعالا لما يريد... نسألك بنور وجهك الذي ملأ أركان عرشك ونسألك بقدرتك التي قدرت بها على جميع خلقك.. نسألك اللهم أن ترحم أهل سوريا .. اللهم مدهم بممدك .. اللهم ظللهم بالغمام اللهم وظللهم بملائكتك ورحمتك .. اللهم وظللهم بعفوك وعنايتك .. اللهم اشدد ازرهم ..واربط على قلوبهم ...اللهم وأنزل عليهم دفئا وسلاما وأمنا وأمانا.. اللهم وأنزل عليهم صبراً وثبت أقدامهم وانصرهم على القوم الظالمين .. اللهم اجعل فى قلوبهم نورا وفى سمعهم نورا من فوقهم نورا ومن تحتهم نورا وعن يمينهم نورا وعن شمالهم نورا.. يالله يالله يالله ياقوي ياعزيز ياناصر المستضعفين ياولي المؤمنين نسألك برحمتك وعفوك وكرمك وجودك وإحسانك أن تتقبل شهدائهم وأن تشفي مرضاهم اللهم ارحم الأمهات الثكالى والزوجات الأرامل والشيوخ الركع والأطفال اليتامى من لهم إلا أنت .. من ناصرهم إلا أنت .. من رحيمهم إلا أنت .. من وكيلهم إلا أنت .. اللهم اضرب الظالمين بالظالمين اللهم شتت شملهم وفرق جمعهم اللهم مزقهم كل ممزق اللهم أحصهم عددا و اقتلهم بددا ولا تغادر منهم أحدا اللهم وألق الرعب في قلوبهم اللهم وأخرج المسلمين من بينهم سالمين غانمين منصورين إنك على كل شئ قدير و بالاجابة جدير اللهم هاهم أهل سوريا قد خرجوا طالبين نصرتك وعونك ومددك وفرجك وعفوك اللهم لا تخيب لهم رجاء اللهم لا تقفل أبوابك دونهم اللهم كن لهم ولاتكن عليهم برحتمك وجودك وكرمك ياأرحم الراحمين اللهم هذا الدعاء ومنك الإجابة وهذا الجهد وعليك التكلان ولاحول ولاقوة لنا ولهم إلا بك اللهم صل على محمد عدد ماذكره الذاكرون وغفل عن ذكره الغافلون وصل على محمد عدد خلقك ورضا نفسك وزنة عرشك ومدادكلماتك

شاطر | 
 

 مهارات دراسيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: مهارات دراسيه   الإثنين 5 أكتوبر 2009 - 19:01

:

[مهارات التذكر



كون ملخصات: من أهم فوائد الملخصات إنها:
1. تساعد على تركيز المادة.
2. تفهم بصوره شامله للمادة المراد دراستها.
3. تساعد في استحضار أهم الأفكار قبل الاختبار.

استخدم القلم الفسفورى:
ما أعني به القلم الفسفوري وهو يأتي على هيئة ألوان عديدة حاول استخدامه لتحديد المعلومات المهمة كالتعاريف مثلا أو النقاط التي رأيت مدرس المادة يركز عليها.

اكتب على الهامش:

وأنت تقرأ من أي كتاب عود نفسك على الكتابة في الهامش الكتاب هذه الكتابة قد تكون تلخيص للفكرة أو تساؤلات أو غير ذلك وتحقيق هذه العادة الدراسية تركيز أكبر للمادة المقروءة.

ضع خطا تحت الأفكار المهمة:

البعض لربما لا يحب استخدام القلم الفسفوري فبإمكانه أن يضع خطا تحت المعلومات المهمة.

أرسم دائرة:

ومع استخدام للقلم الفسفوري أو طريقه وضع الخط تحت الأفكار المهمة بالإمكان تمييز العنوان أو المصطلح برسم دائرة حوله.

توقع اسئله:
وأنت تقرأ كتب المقرر تعود على افتراض اسئله متوقعه واكتبها على ورقه خارجية أو على هامش الكتاب ويستحسن أن تتبادل مع أحد زملائك مثل هذه الاسئله.
إن وضع الاسئله المتوقعة سيعينك بلا شك على التركيز ثم فهم المادة بصوره أكبر.


أستخدم البطاقات الصغيرة:

وأعني بها بطاقات الفهرسة اكتب فيها الملخصات، القوانين، التعاريف، إن سهولتها تكمن في إمكانية وضعها في الجيب ومن ثم استغلال أوقات الفراغ في المذاكرة أو استرجاع المعلومات.

تدرب عمليا وطبق:

الدراسة النظرية التي لا يجد فيها الطالب أي تطبيق عملي سواء مع دراسته للمقرر أو في حياته العملية اليومية أو حتى بعد تخرجه لا يجد لها لذة في قراءتها حيث الجانب العملي التطبيقي يوضح ويركز المعلومة بحد ذاتها.

أحرص على التدريب أكثر من مره لأي ماده مطلوب فيها التدريب كحل بعض التمارين أو غير ذلك من التدريبات.

لا ترهق نفسك:

بعض الطلبة نجده طوال الفصل الدراسي بعيدا عن المادة لا يحل التمارين ولا يحرص عليها ولا يسأل مدرس المادة لا ..لا..لا..لا...!!...لا يستيقظ من نومته تلك إلا قبل موعد الاختبار بأيام وهنا تنهض همته للمذاكرة والدراسة ترى على وجهه الإعياء لا ينام إلا قليلا ولا يأكل إلى القليل.

كما قال عليه الصلاة والسلام (إن المنبت لا أرضا قطع ولا ظهرا أبقى)
أي أن الذي يحمل نفسه ما لا يطيق – في جميع أمور الحياة – لن يصل إلى الهدف الذي يرجوه ويتمناه وشبه الرسول صلى الله عليه وسلم هذا الإنسان بذلك الرجل الذي أراد أن يرحل من قريته فوضع متاعه على ظهر جمل وحمله مالا يطيق، بمعنى زاد في الوزن شوي على الجمل المسكين الجمل تحرك مسافة أمتار ثم مات فهذا الرجل لم يحقق هدفه وهو قطع المسافة والانتقال (لا أرضا قطع) ولا هو الذي أبقى على وجود الجمل فأهلكه بكثرة المتاع على ظهره (ولا ظهرا أبقى) ... انتبه لا ترهق نفسك.

مهارات الحفظ العشرة:

كيف تحفظ إن القراءة الاجماليه للدرس ساعدتك على الإلمام به وربط أجزائه إلا أنه عند القراءة للحفظ يجب إتباع الآتي:

1. تعرف على النقاط الأساسية في الدرس وضع خطا تحتها، وكرر قراءتها بحيث تكون مرتبطة بباقي الموضوع.

2. فهم القوانين والقواعد والمعادلات والنظريات وما أشابهها فهما جيدا ثم حفظها عن ظهر قلب.
3. حفظ الرسوم التوضيحية والتدرب على رسمها مع كتابه الأجزاء على الرسم.

4. التأكد من فهم الدرس فهما تاما بحيث تستطيع إجابة الأسئلة الموضوعية التي توجد عاده في نهاية الدرس.

5. محاوله وضع أسئلة على أجزاء الدرس والتعرف على الإجابة الصحيحة لها.

6. في المواد التي تحتاج إلى دراسة طويلة مفصله فإنه يجب تجزئتها إلى وحدات متماسكة بحيث تكون كل وحده ذات معنى واضح وفيها ارتباط كامل في أجزائها هذا إلى جانب
ارتباطها بالموضوع الأساسي.

7. لا تكن جبانا فتفقد ثقتك في ذاكرتك – أحفظ سريعا وستجد إنك مع التدريب تستطيع تذكر جميع ما حفظته.

8. عند محاوله الحفظ أجعل فترات العمل قصيرة ومتقطعة وأحفظ المادة بالطريقة التي تستعملها.

9. يجب أن تؤكد لنفسك قبل البدء في الحفظ إنك مصمم على تسميع ما تحفظه وبذلك تشعر بازدياد قدرتك على التركيز وسرعه الحفظ.

10. في نهاية المذاكرة اليومية وقبل النوم مباشره استرجع حفظ وتسميع القوانين والقواعد والنظريات التي درستها فإن الراحة أو النوم يساعد على تثبيتها في الذاكرة تثبيتا جيدا.


مهارات تعينك على التذكر 1)



·اربط

قاعدة الربط من أشهر القواعد المعينة على التذكر السريع للرسومات و الأشكال ..

لا شك انك تعاني من تذكرالخرائط في المدرسه مثلا ً في مادة الاجتماعيات " الجغرافيا " . . من امثالي <<

و تجد صعوبة بالغه في تذكر التفاصيل المهمه ..

أتذكر خريطة ايطاليا ؟

اذا اجبت بالنفي فإنيلن ألومك ، لأنالمعلومه قد مضى عليها كم من السنوات . .

و لكن بالنسبه لي ( الكاتب ) لا زالت في ذاكرتي ـ

اسألني كيف؟

لأنني ربطت شكل خريطةايطاليا >>بشكل الحذاءذو الكعب العالي ،





· ذاكر و احفظ قبلالنوم

ما علاقة النوم بتحسين الذاكرة ؟

لا بد انك تستغرب من هذا العامل المهم .

اكتشف العلماء ان النوم يعين كثيرا ً على استرجاع المعلومات الصعبه ،

كالأبيات الـ شعريه و الكلمات الأجنبيه و العمليات أو المعادلاتالرياضيه و

الكيميائيه ..

و غيرها من المعلومات التي يصعب حفظها في الجلسه الواحده ..

ينصحنا العلماء بعد تجاربهمان يدرس احدنا هذه المعادلات او النصوص

التي يجد صعوبة في حفظها في آخر وقت من يومه ، بمعنى قبل ان

ينام بربع او نصفساعه ثم ينام و يترك الباقي لمخه الذي سوف يركز

هذه المعلومات بصورةعجيبه في ذاكرته اثناء نومه و راحته ليجد نفسه

حينما يستيقظ يردد و بكل سهوله ما كان عنده صعبا ً حفظهقبل ان

ينام !!

تجربة تستحق المحاوله جرّب هذه الليله !! . .



· احرص على الصلاة


الانسان عندما يهرع الى الـ صلاة و يتوجه الى الله في العباده تتنازعه


افكار متعددة فيجاول ان يطردها من محلها استحضار عظمة و روعة


مناجاته .


و ان هذا العمل الذي تحمله المصلي لطرد الأفكار التي تتنازعه يحتاج


الى قوة رهبة من الله و هو ما يسمى [size=16]الخشوع .



و القرآن الكريم رتّبَ هذا الخشوع في الصلاة الفلاح في الدنيا و الآخره


قال الله تعالى : { قد أفلح المؤمنون الذين هم في صلاتهم خاشعون }


فالـ خاشعون هم الخاضعون لله و الخافئون منه . .


إنني اعتبر الصلاة أحد الاستراحات المهمه في حياة الطالب الدراسيه


سواء اثناء دوامه الدراسي او في البيت ..







و هذا التصميم السامي يعيننا في توصيل الفكره . أيضا ً في ترسيخ هذا المعنى الرفيع ،،




· فوائد الصلاة الدراسيه :


1. تجديد النشاط من خلال كسر روتين الدراسه لأنها تعيد النشاط و الحيويه


2. الوضوء عامل مهم في إعادة الحيويه و النشاط


3. الاتصال بالله من خلال التفكير بالآيات المسموعه او المقروءه و


الدعاءأثناء او بعد الصلاة لأنه يشكل زاد يومي لا غنى للطالب المجتهد عنه


4. الذهاب للمسجد مشيا ً . . هذه المسافه التي تقطعها من و إلى المسجد تعود عليك بالنفع من خلال انشغال مخك بما درسته




· تقوى الله



أما نسميها بالنظافة النفسية الداخليه ،



و لعل سائلا ً يقول و ما أثر التقوى في الحفظ أو الذاكره ، و الجواب

[center]ان التقوى تحدث حالة نفسية عجيبه هي مزيج من الهدوء و الاهتمام

و الخشوع و التفكير و التأمل و التدبر و وزن الامور ، و هذا المزيج

ينتج حافظة هائله ،

قال الله تعالى : { و اتقوا الله و يعلمكم الله }

يقول محمد عيسى داوود :

و مما جربته و قوّى ذاكرتي عندما كنت طالبا ً ، افتتح قرائتي بقدر

من القرآن ربع أو خميسن آيه . . و اختتام مطالعاتي و مذاكراتي بمثل

ذلك . .

و كيف لا يجلي فهمك و تقوى ذاكرتك و يستنير عقلكو قلبك ، و

أنت تتلو كلام الله نور السماوات و الأرض ؟

قالوا :




· ارتبط مع الحدث


ان [b]ارتباط حادثه بخوف او فرح او حزن او معركه [size=16]ترسخ الذكريات أكثر



و هذه طريقة القرآن الكريم بأنه كان يتنزل مع الأحداث . .

سورة الأنفال : غزوة بدر ، قسم من سورة آل عمران : غزوة أحد ،

سورة الحشر : غزوة بني النضير ، سورة النور : حادثه الافك و هكذا .

و هناك الكثير من الاحداث المفرحه و المحزنه التي ما زلنا نذكرها

من ايام الطفوله لارتباطها بحدث قوي

كلما ازداد فهم القطعه كانت اسهل في الحفظ .. و كلما تعقدت

تعسر حفظها
[/size]


· احرص على عمل الخير يوميا


اكثر الناس سعادة ونجاحا ً و توفقا ً في حياتهم هم الناس الملتزمون

حقيقة قلبا ً و قالبا ً بهذا الدين العظيم دين الإسلام و يحسب قرب

الطالب من هذا الدين او بعده نجد النجاح او الفشل

ان عمل الخير و ما أكثره في كل يوم و ليله لو بحثنا عنه بهمة و نشاط

يؤدي الى انشراح في الصدر و هذا الانشراح يؤدي الى السرور و

السرور الى التذكر السريع

.. ..

و يؤكد العلماء أيضا ً أن أعمال الخير و الأفعال الطيبة يمكن ان تعود

على الجهاز المناعي في الجسم بعظيم الفائدة حيث يرتبط الجهاز

المناعي للجسم مع حالةاستقرار النفس بـ رباط وثيق اذ ترتبط

الموصلات العصبية بين المخ و نخاع العظام . .

.. ..

[/center]
[/size]




anansi




May 13th, 2006, 03:51 PM
#2





- ..

[/right]


عدل سابقا من قبل dina tantawy في الثلاثاء 6 أكتوبر 2009 - 21:14 عدل 2 مرات
الرجوع الى أعلى الصفحة اذهب الى الأسفل
smile
مشرف
مشرف


عدد الرسائل : 447
العمر : 32
تاريخ التسجيل : 21/01/2009

مُساهمةموضوع: رد: مهارات دراسيه   الإثنين 5 أكتوبر 2009 - 20:59

بجد الموضوع اكتر من رائع يادكتوره دينا والله
لانه شمل حاجت مهمه كتير ف حياتنا
يعنى حرصنا على اداء الصلاه ف الكليه والخشوع فيها هيبقى له اثر اجابى كبير تجديد النشاط واسترجاع المعلومه بسهوله
وقراءه القران والمواظبه على الازكار وتاثيرها الايجابى على زياده قدرتنا على الاستيعاب
وعمل الخير والاحسان بيشعر الانسان بالرضا والنفس والسعاده الحقيقيه فيجعله يقبل على الحياه بشكل ايجابى
جزاك الله كل الخير واعطى لكى كل ماتتمنين وزياده
الرجوع الى أعلى الصفحة اذهب الى الأسفل
m.7afiez
مشرف القسم الاسلامى
مشرف  القسم الاسلامى
avatar

عدد الرسائل : 1366
تاريخ التسجيل : 01/03/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 2:09

موضوع جميل جدا كالعادة طبعا

شكرا دكتورة دينا


جزاكي الله كل خير
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 17:56

بارك الله فيكم ياشباب.. الافكار دى ملخص لبعض ماجاء فى كتاب مهارات دراسيه للدكتور نجيب الرفاعى وانبسطت لما لقيتها على النت.. ياريت اللى يلاقى اى شئ جديد من الموضوع ده يحطها لنا وجزاكم الله كل خير...
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 18:10

ياجماعه انا لقيت اللينك ده لدوره المهارات الدراسيه اللى من كتاب دكتور نجيب الرفاعى وفيها كمان شرايط بصوته .. ياريت تنزلوها..
كلنا محتاجين نتعلم ازاى نذاكر.....

http://www.freetalaba.com/board/index.php?showforum=70
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 18:45

17مهارة في قاعة الدرس:
من منتدى طلاب الحروسه

1) تعرف علي أستاذك

أوعي تطنش المحاضرة الأولي في السنة...بالعكس دي بتكون مهمة جدا...لأن الدكتور ممكن يقول فيها فكرة عامة عن المقرر..ما هي طريقة الشرح..ما هي متطلبات المقرر...ممكن الدكتور يعطي فكرة عامة عن طريقته في وضع الامتحان "واحنا ما بنصدق طبعا "
لو فيه حاجة عايز تسأل فيها اسألللللللل الدكتور وماتتكسفش..يا عم ده أنا ياما باسأل والمدرج يقعد يضحك علي...

2) احرص علي الموقع الأمامي..
كل يوم روح بدري واقعد في الأول علشان تكون قريب من الداكتور
لأن ده ليه تأثير مهم فعلا
في الخلف: هتكون سرحان ، وفيه دوشة حواليك، والدكتور مش هيعرف ينتبه ليك كويس ، والخط صغر ، والصوت مش واضح...
لما تكون في الأول هتكون قريب من مدرس المادة – اللهم احفظنا – وبالتالي أنت قريب من دائرة الامتياز !




3) احضر مبكرا علشان:
- تجلس في المواقع الأمامية
- المدرس يهتم بالطلبة اللي بييجوا بدري
- علشان تشوف السبورة كويس أو البروجكتور عند بعض الدكاترة – هدي الله الجميع للحق

4)جهز عدة الدراسة المناسبة
يعني مثلا في لو عندك محاضرة رسم هندسي مثلا تحضر المساطر والمثلثات وأدوات الجهاد..
أو أنت دوك يبقي تحضر السماعة والبتاعات العجيبة ..
كده يعني

تمرين 5 : املأ الجدول
المقرر ، ماذا أحتاج له

أظن مش هنحتاج أوي للتمرين ده
لأن معظم المواد مش بتحتاج أدوات خاصة...قليل يعني (الرسم ، المعمل، التشريح، ..) كل واحد أدري بالمواد بتاعته
المهم ما تنساش تأخد أدواتك معاك..

5) اقرأ قبل المحاضرة
علشان لما تتزنق في كويز صغير مايبقاش شكلك وحححححححححححش..أو لو الدكتور سألك في اللي فات..
أو يا سلام بقي لما الدكتور يقول لك احنا وقفنا فين المرة اللي فاتت ؟ يااااااه علي منظرك !!..
لذلك المفروض تقرأ كل محاضرة قبل ما تدخل اللي بعدها..
وكمان علشان الدكاترة تأخد عنك انطباع جيد والدرجات البونز بقي يا عممممم..ويهتم بأسلئلتك وكده ما تبقاش حتي شاعر بالغباء وسط الدحاحين..
ولما تلاقي أسئلة وسط مذاكرتك قبل المحاضرة تسأل الدكتور في اللي ما تعرفهوش

6) احذر الكلام والأحلام.
لما تكون المحاضرة مملة (وهذا يحدث كثيرا) الطالب بيحاول يهرب بالكلام مع اللي جنبه أو عن طريق أحلام اليقظة...لازم تتخلص من العادتين دول..
لأنك مش هتعرف تركز وبالتالي الشرح يفوتك والدنيا تتعقد أكتر وهي مش ناقصة يعني !!
طالب: وجدت حلا للتغلب علي السرحان: الجلوس في المواقع الأمامية (في وش الدكتور يعني) بحيث كده ماتعرفش تبص جنبك أصلا...

7) ركز !
ما تنشغلش مع اللي حواليك (الأقلام والملابس وتقعد تهرش في جسمك بقي والجرب وكده..) كل ده يشغلك عن التركيز في المحاضرة.
ما هو الحل ؟خللي كلتا عينييك وأذنيك مع مدرس المادة..خطوة خطوة وحركة حركة..خليك مستمع جيد..
علشان تفهم الشرح كويس وده يساعدك في المذاكرة حتي..


استمع !
الدراسات بتقول الإنسان الطبيعي يقضي 70 % من وقته في الاتصال مع الآخرين:
9% كتابة
16% قراءة
30% للكلام أو التحدث
45% استماع

ومعدل كفاءة الاستماع للشخص العادي 52 % مما يجب أن تكون عليه !! يعني عندنا عجز في السمع مش بنسمع كما ينبغي
دراسة أمريكية:
من العادات السيئة في الاستماع :
• الانتباه لطريقة كلام المحاضر أكتر من الانتباه للكلام نفسه..
• السماح للذهن أن يذهب في أحلام اليقظة
• السماح لمعوقات الانتباه أن تسلب الانتباه
• عدم حب المادة المقررة

لتحسين استماعك:
1) ركز علي مفاتيح الكلمات اللي بيقولها المحاضر واكتبها
2) حدد اللي المحاضر عايزه (بيركز علي غيه ؟)
3) حدد ما توافقه وما لا توافقه مع المحاضر
4) حدد خلاصة ما وصل إليه المحاضر
5) حدد هل يستند المحاضر إلي حقائق ؟


9) تأقلم مع المدرس
يعني اسأل نفسك ما هي طبيعة هذا المدرس ، لأن كل مدرس له طريقة في الشرح والأسئلة...
فماتفضلش أنت في طريقة واحدة لكن اتأقلم مع أسلوب المدرس
لاحظ مدرسيك في النقاط التالية:
1) نبرة الصوت (عالي ولا واطي ؟)
2) الحركة (بيتحرك ولا بيفضل الجلوس ؟)
3) وسيلة الإيضاح (الكتابة علي السبورة – البروجيكتور - ؟؟؟)
4) سرعة الشرح (سريع أم بطيء ؟)


10) اكتب العبارات المهمة

أثناء الشرح المحاضر يقول (هذه النقطة مهمة) أو ( ركزر علي الفقرة الفلانية) أو (هذه الفقرة كثيرا تأتي في الامتحان)
أنت بقي خللي بالك من الأجزاء دي بالذات علشان يكون عندك توقعات للاختبار

11) اسأل !
مع بداية المحاضرة حط في ذهنك عبارة "سأسأل أكثر من سؤال في هذه المحاضرة" ده تنبيه عقلي، هيخليك منتبه ومركز مع المحاضر...
وخللي بالك فيه فرق بين الخجل والحياء...الحياء طبيعي ومطلوب الحياء من الإيمان ، بينما الخجل اللي هو الخوف من أنه يسأل المدرس مثلا ده احنا عايزين نتخلص منه..
لا تخف من السؤال أو من سخرية الزملاء
أنت طالب علم المفروض تفهم اللي بتدرسه كويس...

12) اكتب أثناء المحاضرة..
لها فوائد:
1) التركيز والاستماع الجيد
2) متابعة شرح المدرس بصورة أفضل
3) كتابة التساؤلات أذناء الضرح
4) سرعة فهم المادة في الاختبارات والامتحانات
5) يساعد في فهم المحاضرات القادمة
13) احرص علي ملف وأوراق.

مهمة...أنك تكون عندك ملفات علشان تنظم أوراقك ...
فخلليك من أول السنة منظم وانضف بقي يا أخي ورتب ورقك...حاول قبل الدراسة ما تبدأ تشتري الكشاكيل بتاعتك والملفات بتاعتك ((بس غالبا لو في هندسة زي حالاتي مش هتلاقي ملف قد الورق بتاعنا فممكن تشتري كرتونة مثلا))


14) افرز الأفكار.
يعني تشوف إيه الأفكار الرئيسية وإيه الأفكار الثانوية.

والفرز ده ضروري، ليه ؟:
1) لو لم تفرز الأفكار مش هتعرف تتابع تسلسل الأفكار في المحاضرى
2) لو لم تميز الأفكار الرئيسية ممكن تكتب أفكار غير هامة وأنت فاكرها هامة
3) لو لم تميز الرئيسي عن الثانوي ممكن لا تكتب فكرة معينة وهي مهمة فعلا !

طب وإزاي أميز بينهم ؟؟؟
ركز علي المحاضر في اللحظات التالية:
1) عندما يرفع المدرس صوته : تبقي دي نقطة رئيسية
2) عندما ينفعل المحاضر يبقي نقطة مهمة
3) عندما يكتب المحاضر علي السبورة بعد توقف
4) عندما تنشط حركات المحاضر وغشاراته خاصة بيديه وأصابعه
5) عندما تتغير سرعة كلام المحاضر من سريييييع إلي بطيء وهادئ
6) عندما يقول المحاضر "أولا ثانيا ثالثا..."
7) عندما ينهض المحاضر بعد جلوس ليقف فيشرح نقطة ما
عندما يوجه المحاضر سؤالا أثناء المحاضرة ليجيب عنه هو أو طلابه

15) استخدم الكتابة
مش هتلحق تكتب كلمة كلمة مع المحاضر..لكن ركز علي النقاط المهمة...
في كتابتك اختصر بعض الكلمات

تمرين 6 :
علشان تتمتع بالاستماع أو القراءة وماتسرحش...ممكن تضع رموز جنب الكلام...يعن يمثلا سمايلي بيضحك لو أنت الكلام عاجبك..أو علامة استفهام "؟" لو عندك سؤال أو علامة تعجب لو مخالف رأي الكتاب "!" ...رموز صغيرة
يعني وأنت بتكتب المحاضرة تضع الرموز ده علي جنب..
يللا حظ لنفسك رموز دلوقتي...

16) نشط مخك..
هنرجع تاني للشتمية ؟؟ اهدأ بس..
المخ ساعات يكون نشيط وتمام وكل حاجة وفجأة يصاب بالخمول والكسل..طب عايزين ننشط مخنا نعمل إيه ؟؟

تمرين 7 ) :

هات ورقة واكتب في مربع العبارة التالية "أحب الدراسة" بخط كبييييييير جدا جدا...
وبعدين هات ورقة بيضاء وقلم...واقعد ارسم الشكل 8 ((بالإنجليزي اللي هو دائرتان فوق بعض))..وخللي نظرك علي راس القلم...من اليمين للشمال ومن الشمال لليمين وأنت عمال ترسم...
اكتب بالراحة ولا بسرعة أوي ولا ببطء أوي...اقعد كرر ال8 كتييييييييييير وطول ما أنت بتكتب خليك باصص علي راس القلم وحركته...ماشي ؟؟
اعمل كده لمدة دقيقة أو دقيقتين ..

بعد كده ، اعمل لنفس التمرين بالظبط لكن القلم في إيدك الشمال مش اليمين...فاهم ؟؟

بعد كده كرر نفس الكلام لكن !!! تمسك القلم بإيدك اليمين والشمال في نفس الوقت !!..يللا انطلق !

بعض الطلبة يقول أنه حاسس بالدوخة :angry2:، والبعض بيتعجب من التمرين..
طيب
اكتب بقي نفس الكلمة "أحب الدراسة" دلوقتي بخط كبير في مربع تاني..

ها...
قارن بين الجملة الأولي والثانية..
أيهما أجمل ؟ أيهما وأنت مرتاح ؟؟؟؟؟؟؟؟؟؟؟؟
سبحان الله !
في معظم الأحيان المفروض تكون اللوحة رقم 2 هي الأحسن والأريح والأكثر إبداعا..
وده اسمه Brain Gym
تمارين الدماغ..تمارين النفوخ يعني..أمال أنت فاكرنا بنعلب ولا إيه ؟؟

كده احنا بنربط بين العقل الأيمن والأيسر، وده هيساعدك في أشياء كثيرة بإذن الله..
مثلا عندك بحث أو مقالة ومش عارف تبدأ منين وتكتب إيه...ينصح بهذا التمرين قبل أن تبدأ...وإن شاء الله تكتب كويس..
الرجوع الى أعلى الصفحة اذهب الى الأسفل
dr_kishar
العضو الذهبى
العضو الذهبى
avatar

عدد الرسائل : 2624
العمر : 31
الموقع : http://mohammednabena.eb2a.com/vb/index.php
تاريخ التسجيل : 07/01/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 20:18

الموضوع شكله جميل والله يا دكتورة دينا

هاقرأه بكرة باذن الله وارد تانى على حضرتك

علشان الامتحان بس

_________________

[b]سبحان الله وبحمده سبحان الله العظيم

استغفر الله العظيم واتوب اليه


[/b]
الرجوع الى أعلى الصفحة اذهب الى الأسفل
http://alnahdah.ahlamontada.com
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 6 أكتوبر 2009 - 21:02

مهارة في فن المذاكرة:

1) احذر الإيحاءات السلبية
وهي مجموعة كلمات عادة ما بنسمعها من الناس التانية أو حتي من نفسنا...وهي سهام قاتلة تقتل همة الإنسان وطموحه وروح التقدم فيه..
زي مثلا عبارات "أنا فاشل في الدراسة، ما فيه فائدة ، لا يمكن أن أنجح في هذه المادة، لا أستطيع مراجعة هذه المادة، ما عندي أساس قوي في هذه المادة ، لا يمكن أن أحصل علي أكثر من مقبول في هذه المادة "، المادة صعبة جدا ، هذا المدرس لا يفهم"
دي يا أخي اسمها الإيحاءات الدراسية السلبية
تكرارها مغ نفسك خاصة في لحظات الاسترخاء والهدوء أو من غيرك ، كل ده يؤدي إلي أنك تكون فاشلا فعلا !!
طب والحل ؟؟؟


2) كن متفائلا

التفاؤل سر النجاح..دائما انظر للأمام بمنظار أبيض (مش كان وردي باين ؟
)..
ولا تنس دائما أن تستحضر النية الصالحة في كل أعمالك علشان تأخد ثواب علي كل تعبك بإذن الله...دائما تطلع للجنة...
أحد علماء الغرب اسمه "ماسمعتش كويس" : يقول " نحن في الواقع : ما نتخيل أنفسنا به" يعني لو تخيلت أنك ناجح بإذن الله وأنك متفوق هتكون فعلا كده إن شاء الله تعالي
..والعكس بالعكس

قصة حقيقة د.عبد الرحمن (رئيس لجنة مسلمي أفريقيا) بيقول أنه من سنوات كان عنده مريض بمرض معين...فالدكتور قال له أنا عندي ليك علاج إن شاء الله هيشفيك ومش بأعطي العلاج ده لأي حد ..وأعاه حقنة وقال له هتشفي بإذن الله خلال نصف الساعة...وفعلا خف !!!
بعد كده الدكتور بيقول الحقنة مكانش فيها غير مااااااااااء !!!!!
يعني الدكتور زرع في مخ المريض أنه هيشفي بإذن الله...


3) فكر إيجابيا
التفكير الإيجابي هو بداية الطريق للنجاح..
عالم الرياضيات توني بوزان: حينما نفكر إيجابيا فإننا في الواقع نبرمج هذا العقل ليفكر إيجابيا " (سبحان الله
)
التفكير الإيجابي هيخللي عملك إيحابي بإذن الله
برمج نفسك أنك ناجح في دراستك وتخيل أنك حصلت علي اعلي تقدير
وبرمج نفسك أنك ذكي ولامع...تخيل أنك أذكي ما تكون ..وأنت فعلا أذكي مما تتوقع..
أحسن وقت للبرمجة الإيجابية هو قبل النوم...

تمرين 8 :
مطلوب كذا قلم بكذا لون ((ألوان يعني استلفها من أخيك اللي في ابتدائي
)) وورقة فضياء بايضة أقصد بيضاء فاضية..
يللا هات حالا ماتستناااااش
مطلوب بقي تكتب الكلمات الثلاثة التالية بألوان مختلفة وحجوم مختلفة واتجاهات مختلفة...
الثلاث كلمات هي : سهل ، واضح ، بسيط
اقعد اكتبها كتير كتير بالألوان والحجوم والاتجاهات المختلفة..
يللا ابدأ...

..................................
..................................

خلاويص ؟؟؟ يللا اكتب بقي لاحظت إيه علي نفسك ؟؟؟ ((لو ملاحظتش حاجة اسكت ما تفضحش نفسك))
في الغالب هتشعر براحة نفسية غريبة وثقة بالنفس !
لأن أنت كده بتبرمج نفسك إيجابيا
المطلوب بقي يا أخي تكرر التمرين ده قبل ما تدخل قاعة الامتحان..
ودائما كررها مع نفسك..
بعض الطلبة يقول أنه كمان مش بيكتبها بس ، لأ بينشدها كمان ..

طالبة: كان عندها امتحان نصف الترم من 30 درجة ، امتحان إنجليزي وهي خايفة منه جدا مع أنها مذاكرة...
فجربت التمرين ده وأقنعت نفسها أن الامتحان سهل واضح بسيط..كتبت عبارة "الإنجليزي سهل واضح بسيط" وكتبتها في كل مكان حتي علي إيديها !!
وسبحان الله...فعلا دخلت الامتحان لقت الامتحان سهل وواضح وإيه ؟؟ وبسيط !!


طالبة: كتبتها حوالي 500 مرة قبل النوم علشان كان عندها امتحان قصير..فالحمد لله دخلت الامتحان وهي مرتاحة..وجابت الدرجة النهائية ما شاء الله..

جرب التجربة دي كل ليلة في لحظات الاسترخاء...
جرب الليلة عبارات" إنني أثق كثيرا بذاكرتي" "إن المعلومات التي أقرأها في الكتب الدراسية سأفهمها وأتذكرها بسهولة" " إن مادة .......... ستكون سهلة مع الوقت لأنني أستكيع أن أدرسها وسوف أفهمها" "غدا في الامتحان ستكون أعصابي مرتاحة مرتاحة مرتاحة مرتاحة مرتاحة " كرر كلمة مرتاحة 10 أو 20 أو 30 مرة كده..
"إنني واثق من نفسي أنني سأنجح في مادة ...... بالامتياز إن شاء الله"


وهكذا كرر أي عبارات شبهها برمجة إيجابية...

توصيات ونصائح حول صياغة الرسالة العقلية الإيجابية:

بتكون عبارة عن كلمات وصور مرتبطة بهذه الكلمات...لأن الإنسان بثبت في عقله الصور أكتر من الكلمات..
أنت تقدر تقنع نفسك باي حاجة إن شاء الله حتي لو من سابع المستحيلات (هم مش كانوا ثلاثة؟)
وتقعد تكرر الرسالة العقلية دي دائما علشان مخك يقتنع بيها...وتكتبها وتضعها في كل مكان...علقها في كل حتة في أوضتك ...علشان تتعود علي طول علي التفكير الإيجابي ده..

تمرين 9 :
هتشوف عبارة "وناسة في وناسة" وهي عبارة إيجابية – يعني إيه وناسة دي - ..المطلوب أنك تلونها وتكمل اللوحة دي
وتختار صورة مناسبة للكلمة ، وتطبعها وتحط برواز وتعلقها في البيت..وتعلقها في كل مكان ..وبعد أسبوع قول إيه اللي اتغير فييييك ؟
طبعا كل ده مش هنقدر نعمله لأن أصلا مش شايفين ولا لوحة ولا غيره..


احترس عند صياغة الرسالة العقلية من:
- احترس من كتابة جملة طويلة جدا جدا
- احترس من أن تضع أكثر من معني في الجملة الواحدة "أنا أحب مادة الرياضيات وسوف أنجح في مادة الإنجليزي وهأجيب امتياز في الجغرافيا وهأركز في المذاكرة" كده كتير علي جملة واحدة..
- احترس من وضع بعض الكلمات السلبية في رسالتك مثل "في هذا الامتحان الصعب هأنجح إن شاء الله" أو "هأجيب امتياز إن شاء الله في الامتحان اللي بيخوف"....كلمات"صعب ، مستحيل، يخوف كل دي سلبية ما تحطهااااش"
- احترس أن تضع شكلا أو رسما غير مناسب وفيه إيحاءات سلبية ((يعني تقول أنا ذكي جدا وتحط صورة قفل مثلا ))
تمرين 10 (يجيب عليه التلميذ بمساعدة مكتبة المدرسة)

كيف أصيغ اللافتة بتاعتي:
1) ابدأ أولا برسم منظر أو شكل يذكر بالناحية الإيجابية لهذا المعني
((أرجو بلاش رسم ذوات أواح منعا للإحراج أنا مش عايز آخد ذنب))
2) اكتب جملة مختصرة من كلمتين ثلاثة تذكرك بالمعني مثلا نخليها "إن شاء الله هنجيب امتيااااز"
3) خللي الخط كبير و ملون وحلو

تمرين حداش ((11 )) :
بعض العبارات الإيجابية ممكن تختار منها وتكون رسالة عقلية إيجابية...أو تألف شبهها
- سأنجح بإذن الله
- امتياز في امتياز
- يا حلاوة الدراسة
- أقدر لأني أقدر
- سعيد ومرتاح
- حيوية ونشاط
- كل شيء ممكن يا بطل
((ممكن تعمل أكثر من رسالة ، لكن علق الرسائل دي في حجرتك وبعد أسبوع اكتب ماذا لاحظت ؟؟))

طبعا ملاحظة أن كل قبل كل ده لازم تستعين بالله تعالي علشان ربنا يوفقك
لأن ربنا لو تركك لنفسك مش هتعرف تعمل حاجة..
وطبعا لازم تذاكر طبعا


طالبة: في البداية كنت أظن أن مش عندي وقت كافي للمذاكرة كل يوم بأرجع متأخرة...لكن بعد ما طبقت الطريقة دي ورسمت صورة معبرة "ساعة جميلة وتحتها مكتوب عندي وقت" فالطالبة بتنظر للوحة دي كل ما تدخل وتخرج من الحجرة..
وعملت جدول للمذاكرة والحمد لله نجحت في أن يكون عندي وقت

سبحان الله
والحمد لله
ولا إله إلا الله
والله أكبر

منقول من منتدى طلاب المحروسه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: مهارات دراسيه   الأربعاء 7 أكتوبر 2009 - 0:01

والله مزضزع جميل جدا يا دكتوره دينا انا قرأت فيه شويه وهكمل بكره ان شاء الله

جزاك الله خيرا






الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الأربعاء 7 أكتوبر 2009 - 23:47

شكرا مى ومى ومحمد وسيف على المرور..
يارب الكلام يفيدكم ان شاء الله
الرجوع الى أعلى الصفحة اذهب الى الأسفل
????
زائر



مُساهمةموضوع: رد: مهارات دراسيه   الخميس 8 أكتوبر 2009 - 13:55

والله يا دكتوره دينا جزاك الله خيرا على الموضوع الجميل دا
استفدت منه
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الجمعة 9 أكتوبر 2009 - 11:06

شكرا ياسيف.. والله ياجماعه الموضوع ده فى غايه الاهميه.. ياريت كلكم تقراوه واحنا على ابواب العام الدراسى وتطبقوا مافيه.. ان شاء الله هاتلاحظوا الفرق....
الرجوع الى أعلى الصفحة اذهب الى الأسفل
ALI
مشرف
مشرف


عدد الرسائل : 1064
العمر : 35
تاريخ التسجيل : 23/08/2009

مُساهمةموضوع: رد: مهارات دراسيه   الجمعة 9 أكتوبر 2009 - 20:48

شكرا دكتوره دينا على الموضوع الجميل ده
انا تقريبا كنت بعمل معظم اللى مطروح من حضرتك
بجد والله مش بقول كده عشان انى كنت متفوق
بالعكس، كان فى بيعمل مجهود اقل منى بكتير وممكن يبقوا زى او احسن، بس كنت بقول اكيد فى حاجه غلط
وكان دايما بيراودنى وسواس، انت بتعمل مجهود كبير ومش هاتجيب تقديرات وزيك زى اى واحد
بس كنت طول كليتى بقول لآ، ان الله لايضيع اجر من احسن عملا
وبفضل الله، انصاتى للدكاتره فى المحاضرات لم يذهب هباء ، مش شرط اكون جيبت بيه تقدير
بس الحمد لله ، ربنا فادنى بيه فى الوقت المناسب، مجال شغلى بجد

فى موقف هاحكيله لانه متعلق بحضور المحاضره والدكتوره
كان بيدنى اقتصاد فى سنة اولى تجارة، دكتوره اسمه محمد النجار، تجارة بنها
كان ممتاز بجد، كان ممتع فى محاضراته وكان كلامه بجد يستحق انى اكتبه بصرف النظر هايجى ولا لأ
كان هايل فى مجال السياسة والاقتصاد
المهم
وكان دايما يقول اكتبوا وهو ده اللى هاينفعكوا، لدرجة انى كنت بكتب الامثال اللى بيقولها
زى، ايش ياخد الريح من البلاط
ههههههههه
مش بيهزر ده كان بجد وكان بيقوله على حال الدول النامية مع المتقدمه
المهم
جه مانزلش كتاب الا قبل الامتحان بوقت قليل والعيال ماتوا مافيش كتاب وهانسقط
الللى يضحك
انى وانا فى اللجنة اب للسوال والاقى مش عارف اكتب غير كلامه اللى تقريبا حفظته فى محاضراته حتى لو كان بطريقه علامية
والله والله
انا مازودت ولا نقصت عن الكلام اللى كان بيدور فى بالى من محاضراته
لدرجة انى خرجت وقلت انا بصراحه فضيت محاضراته فى ورقة الامتحان والتوفيق من عند ربنا
وكل زمايلى كانو خايفين
كل اللى نحج فى المادة لا يتعدى 20 فى المية من الدفعه
وجيبت فيها الحمد لله امتياااااااااااااااااااااااااااااااااز
وده كان الدافع انى ادخل اقتصاد ، بس غيرت راى فى اخر سنه
والحمد لله
معلش طولت عليكم
بس تجربة ولازم احكيها
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الجمعة 9 أكتوبر 2009 - 22:04

شكرا جزيلا ليك ياعلى على كلامك..... والله..
انا كنت لسه باتكلم مع طالبه عندى عن اد ايه حضور المحاضره مهم جدا رغم ان الطلبه مابيحسوش باهميتها دلوقت زى زمان..
حضور المحاضره بيفتح مداركك لحاجات كتير وبيخليك تعرف اشياء عمرك ماهاتسمعها بره المحاضره او حتى
فى الدرس الخصوصى
هداك الله وهدانا الى مافيه رضاه..
الرجوع الى أعلى الصفحة اذهب الى الأسفل
ALI
مشرف
مشرف


عدد الرسائل : 1064
العمر : 35
تاريخ التسجيل : 23/08/2009

مُساهمةموضوع: رد: مهارات دراسيه   السبت 10 أكتوبر 2009 - 8:13

اللهم امين يا دكتوره دينا
بجد هما بيتخيلوا انهم انصح من اللى بيحضر
لدرجة ان واحد كان بيقولى ايه يابنى انت مش بتروح بيتكم
انا بشوفك فى المدرج على طول
هههههههههههه
بس الحمد لله، اللى بيعلم ويخلص بيلاقى
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   السبت 10 أكتوبر 2009 - 22:51

ياشباب .. اقرأوا كلام على.. لانه بيديكم خبره فادته حتى بعد مااتخرج..
ياشباب.. ارجوكم اقراوا المهارات دى واتعلموها وطبقوها.. لان التعلم مش شئ عشوائى.. التعلم يحتاج الى تدريب وخبره ومهاره..
التعلم فن زى اى فن من فنون الحياااااه..
اللهم هل بلغت؟؟ اللهم فاشهد.......
الرجوع الى أعلى الصفحة اذهب الى الأسفل
smile
مشرف
مشرف


عدد الرسائل : 447
العمر : 32
تاريخ التسجيل : 21/01/2009

مُساهمةموضوع: رد: مهارات دراسيه   الأحد 11 أكتوبر 2009 - 12:59

والله الكلام جميل جدا يادكتوره دينا
وانا واثقه تماما انه لو اتنفذ واتطبق صح هيخلينا مش يس نجيب امتياز
لاطبعا نبقى من الاوائل كمان
احنا بنتعلم من حضرتك كتير جدا
ربنا يجازيكى عنا كل الخير
الرجوع الى أعلى الصفحة اذهب الى الأسفل
wafaa bader
مشرف العيادة النفسية
مشرف العيادة النفسية
avatar

عدد الرسائل : 465
العمر : 29
تاريخ التسجيل : 11/08/2009

مُساهمةموضوع: رد: مهارات دراسيه   الأحد 11 أكتوبر 2009 - 18:03


الله يادكتوره دينا

الموضوع ده مهم جداااااااااا

وانا شخصيا استفدت منه كتير

وكمان كتبت العناوين عندى عشان تبقى قدامى على طول كل مااذاكر

جزاكى الله عنا كل خير يادكتوره دينا
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الإثنين 12 أكتوبر 2009 - 22:50

شكرا ليكى يامى انت ووفاء.. والله انا نفسى كلنا نطبقه ونفسى كلكم تستفيدوا منه.. يااااااااااارب
الرجوع الى أعلى الصفحة اذهب الى الأسفل
dr_kishar
العضو الذهبى
العضو الذهبى
avatar

عدد الرسائل : 2624
العمر : 31
الموقع : http://mohammednabena.eb2a.com/vb/index.php
تاريخ التسجيل : 07/01/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 17:35

شكرا لكى د/دينا

على هذه المهارات


وفعلا تجربة على جميلة جدا

احنا صحيح خلاص خلصنا دراسة وامتحانتنا على الابواب

بس اعتقد ان الكلام ده كمان هينفعنا فى الامتياز وعلى جميع المستويات

لانه اسلوب تعلم مش اسلوب حل امتحان



_________________

[b]سبحان الله وبحمده سبحان الله العظيم

استغفر الله العظيم واتوب اليه


[/b]
الرجوع الى أعلى الصفحة اذهب الى الأسفل
http://alnahdah.ahlamontada.com
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 19:50

dr_kishar كتب:
وفعلا تجربة على جميلة جدا

احنا صحيح خلاص خلصنا دراسة وامتحانتنا على الابواب

بس اعتقد ان الكلام ده كمان هينفعنا فى الامتياز وعلى جميع المستويات

لانه اسلوب تعلم مش اسلوب حل امتحان




شكرا يامى على مشاركتك...
فعلا يامى عنك حق.. الانسان الناجح عمره مابيطل علم وتعلم..
فما بالك بالطبيب.؟؟؟؟؟؟
لازم تعملوا حسابكوا دايما تزودوا خبراتكم وتنموا مهارتكم فى التعلم لانكم علشان تثبتوا انفسكم فى مجال الحياه لازم كل يوم تتعلموا حاجه جديده فى تخصصكم..
انا صحيح واخده الدكتوراه دلوقت من اكتر من اربع سنين لكم لغايه الان ولبكره ولبعد بكره باقرا واتعلم,, فى الطب- لانه مجالى ولازم انمى نفسى فيه واعرف المعلومات الجديده -وفى غير الطب كمان..
..
الرجوع الى أعلى الصفحة اذهب الى الأسفل
ALI
مشرف
مشرف


عدد الرسائل : 1064
العمر : 35
تاريخ التسجيل : 23/08/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 22:34

كنت بحلم بجد انى لما اجيب تقدير
اكمل فى الدراسات
بس للاسف مالاقتش تشجيع
وهمنى اكتر انى ابدأ حياتى العملية اللى هاقدر انجز واظهر فيها
بس الحمد لله ماشى فى مجالى وفضل ونعمه من عند ربنا
وباذن الله بفكر فى الدرسات العليا بجانب شغلى
تنمية وزيادة معرفة
ربنا يقدرنا
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 22:52

ربنا يوفقك دايما ياعلى.. انت وكل شباب النهضه.. بصرف النظر سواء كان تعلمك داخل نطاق الدراسات العليا او فى تعلم مهارات الحياه وكل ماهو جديد فى مجال عملك..
فدائما انت الرابح..
وفقك الله الى ما يحبه ويرضاه
الرجوع الى أعلى الصفحة اذهب الى الأسفل
dr_kishar
العضو الذهبى
العضو الذهبى
avatar

عدد الرسائل : 2624
العمر : 31
الموقع : http://mohammednabena.eb2a.com/vb/index.php
تاريخ التسجيل : 07/01/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 22:55

ربنا يوفقك يا على


بس دايما اختار ما يفيد

لان زى ما دكتورة دينا قالت لنا ماينفعش يكون العمل هدف العمل وسيلة
للوصول الى الهدف

فتدور على الدراسات اللى تنميك فى شغلط وتفيدك وتساعدك على ترقية او على فهم اكتر للعمل

والله الموفق

_________________

[b]سبحان الله وبحمده سبحان الله العظيم

استغفر الله العظيم واتوب اليه


[/b]
الرجوع الى أعلى الصفحة اذهب الى الأسفل
http://alnahdah.ahlamontada.com
ALI
مشرف
مشرف


عدد الرسائل : 1064
العمر : 35
تاريخ التسجيل : 23/08/2009

مُساهمةموضوع: رد: مهارات دراسيه   الثلاثاء 13 أكتوبر 2009 - 23:29

شكرا دكتوره دينا
شكرا دكتوره مى
بحاول بجد ادور على كل اللى يفدينى فى مجالى
شكرا ليكم بجد
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الإثنين 19 أكتوبر 2009 - 2:30

ها ياشباب...
مين تانى غير مى ومى ووفاء وسيف وعلى قرا الموضوع ؟؟؟
ياترى بتذاكروا صح ولا على البركه وزى ماتيجى؟؟؟
الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الثلاثاء 8 ديسمبر 2009 - 20:40

ياشباب النهضه اللى بتذاكروا.. مين فيكم طبق حاجه من المهارات دى؟؟؟..
ياريت ياجماعه نقرا الموضوع كويس وننفذ اللى نقدر عليه لانه هايفيدنا كتير جدا..
الرجوع الى أعلى الصفحة اذهب الى الأسفل
ندى صبرى
عضو جديد
عضو جديد
avatar

عدد الرسائل : 24
تاريخ التسجيل : 02/06/2009

مُساهمةموضوع: رد: مهارات دراسيه   الجمعة 18 ديسمبر 2009 - 9:59

شكرا ياماما على الموضوع الجميل ده واكيد هينفعنا فى المذاكرة والامتحانات study
الرجوع الى أعلى الصفحة اذهب الى الأسفل
ام مسلمه
العضو الذهبى
العضو الذهبى


عدد الرسائل : 453
تاريخ التسجيل : 25/08/2010

مُساهمةموضوع: رد: مهارات دراسيه   الثلاثاء 28 سبتمبر 2010 - 18:55

موضوع ممتاز ومناسب لدخول المدارس والجامعات... ربنا ينفع اولادنا كلهم بيه .. امين
الرجوع الى أعلى الصفحة اذهب الى الأسفل
طفلة القمر
العضو الذهبى
العضو الذهبى
avatar

عدد الرسائل : 524
الموقع : Watery Mo0n
تاريخ التسجيل : 27/11/2009

مُساهمةموضوع: رد: مهارات دراسيه   الأربعاء 29 سبتمبر 2010 - 12:00

احنا هنفكر في الامتحانات من دلوقتي يا د.دينا ؟؟؟؟
Laughing Laughing Laughing Laughing

انتي عارفاني بفتكر اني عندي امتحان ف آخر اسبوعين ثلاثة كدا




بهزززززززززززززززززززززززر

شكرا يا دكتورة دينا ع الموضوع واكيد نستفيد ان شاء الله

الرجوع الى أعلى الصفحة اذهب الى الأسفل
dina tantawy
V.I.P
V.I.P
avatar

عدد الرسائل : 2514
تاريخ التسجيل : 28/01/2009

مُساهمةموضوع: رد: مهارات دراسيه   الأربعاء 30 نوفمبر 2011 - 16:41

Rolling Eyes Rolling Eyes Rolling Eyes
الرجوع الى أعلى الصفحة اذهب الى الأسفل
 
مهارات دراسيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب النهضة :: التنمية البشرية :: التنمية البشرية.....شارك معانا-
انتقل الى: